E Matyu 4:12 - E Nut Ka Meer Mang Ka Mokpom To A Gunngar

¹² To mnam a venloot to e Yesus ta ngnek mang e Yoanes te, ngat enpasiker kun ma hengor, e Yesus tvur kaol kngae kam kat kaeknik ngoguon ma mhe to e Galili

E Matyu 4:12 ပူးပေါင်းရင်းမြစ်များ

E Matyu 11:2

Nangko tesgun ngat enpasiker e Yoanes kun pa hengor, he e Yoanes ta ngnek ko tok mang o reha ruk mkor Endo E Nut Thim Orom Ka Msasaen ko nam kaeharom mar. To thera meng klo kaloyie ngok kim orom a re

E Matyu 14:3

E Herot ta mrua pat te, e Yesus, nok en e Yoanes to tkat hop petgim ka nnak tok vor, ekam ko tiok her e Herot mruo arhe to ta ktar en a volou mang e Yoanes. Ten a voluo mang tok, ko tiok e Yoanes nam sia kser e Herot mang knopia to e Pilip ktavlom, e Herodias ko e Herot ta vret petgim e Pilip he kle klei orom. Va e Yoanes nma palsie kim e Herot mang e Herodias kam havaeng te, “Nguaro pos ngat lua ngatkal mang in kam lei orom inan e Herodias tok e.” He ekam ko e Yoanes nma palsie kim tok, e Herot ten a volou mang tok arhe, o mia kam kpom e Yoanes kaussiem he kaenpasiker kun pa hengor. E Herot ka papat ta serppak kmim e Yoanes kngam a yoror, vanangko ta gorang o mia pum, ko o mia tgus ngat el e Yoanes te, en a propet langto.

E Mak 1:14

Kam ngae, to kopekam ko ngat enpasiker E Yoanes kun pa hengor, e Yesus tkaeknik ngoguon mGalili to kaelha kam polger o rhek ruk mang en mruo, endruk E Nut telik maktiegom en kam polgerik tok.

E Mak 6:17

E Herot tpat tok, ko tiok, her en mruo to ten a volou mang e Yoanes, o mia kam kapom he kaussiem to le kaenpasiker kun ma hengor. Ii, e Herot ten a volou mang e Yoanes tok, ko tiok e Yoanes nama kser e Herot mang ktavlom to e Herodias. Ko tesgun e Herodias ta vle te, e Herot knopia to e Pilip ktavlom, nang e Herot ta vret e Herodias mkor knopia to kle klei orom, en kam vle te, ktavlom mruo.

E Luk 23:5

Vanangko ngat kaenker he kreng te, “Nove, lmien te, nam kaenpgam o mia mo mYudea tgus kam rere kim lRom mula serppak ko nma patter mar tok. Vokom na, telha mGalili he, he kngae kam ngae kais moti.”

E Luk 3:20

To e Herot teharom a kerkeknen langto kuo mang karo kerkeknen tgus ruk tesgun. Va ka kerkeknen to endo tkernonho hak kir kim endruk tgus tesgun, endo kmenpasiker e Yoanes kmel kun ma hengor.

E Luk 4:14

To e Yesus tkaeknik ngoguon mnam a mhe to e Galili he kaelpun kvaik kottek mnam o Yuda ngartaro rektor ruk kam rere mnam mar. Va E Nunu A Totur tkaenkrovgem he nma patter o mia orom ka serppak, va o mia ngam ngae sei kam hover ka munik hak. He ekam tok, a re to mang en, ta ngae kvaas kim o mia ruk kun mnam a mhe to endo tgus.

E Luk 4:31

To e Yesus ta ngae ngogu mnam a rengmat laut to e Kaparnam kun mnam a mhe to e Galili. Ta pis to kvaik kun mnam o Yuda ngarta rek to kam rere mnam to ko tok, he kpos ngang o mia tie ma Sabat. O mia vang ngta vongnek kim to ngate sei kmit ngaongtok kim karo rhek ko en tle ktua patter mar orom kta serppak mruo to yok gi. To kun mnam o Yuda ngarta rek to endo a mhel langto a koot to nong a yar hak tim he kaenvevem ta vle kun pgegom mar kat. Ta vle to a koot ta vuvui klik kim e Yesus te,

E Yoanes 1:43

To hop enang ngmo, e Yesus tel ka papat to kam ngae ngok mGalili. Ta ngae to puknim a mhel langto ka munik e Pilip, endo nkong mBetsaida, a rengmat to mkor e Andru kre Pita kat. To tvaeng te, “Aol he ikkiem dok.”

E Yoanes 2:11

Enang tok, e Yesus ta pakvom kam khenam karo ngaelmir ruk lserpgue ma mmok, ko tok mKana kun mnam a mhe to e Galili orom ka ngaelmir to a serpgar to yek. He ko tok mKana, E Yesus tkaelha pum kam mrua polger ka serppak orom a ngaelmir to a serpgar to endo enang tok. He ekam tok, kalngunes ngat her le sim kor mnam mar mang he kmokpom kar.

E Yoanes 3:24

(Ii, e Yoanes nam kaeharom tok, ktar mang ko ngat lo el kun pa hengor vop.)

E Yoanes 4:43

To ko pekam alo kolkha alomin ko e Yesus ta vle ko mSamaria, tle kparem mar ko tok he kngae ngok mGalili.

E Yoanes 4:54

Va e Yesus ka ngaelmir a serpgar to enda ta vle te, endo alomin orom teharom ko tok mKana, ko pekam ko ta kootpum ko mYudea he kngae ko mGalili.