E Matyu 27:60 - E Nut Ka Meer Mang Ka Mokpom To A Gunngar

⁶⁰ To thera kokol kngorom to kael kun mnam kta nnak mruo, endo a gunngar ko ngat gi gnua hong mnam a kre he lo el a mhel ka mnes tang kun mnam vop. Tel knop, to kvulhagam a kre to alautar ko va kre ka nho ka gu kmelegot orom. Tkaelegot orom knop to hera ngae.

E Matyu 27:60 ပူးပေါင်းရင်းမြစ်များ

E Matyu 28:2

Nginta ngae va vgum a mmie ko ta khi klik hak. To a engyel langto ta grung ngkun kuon ma volkha he kngae ko pe Yesus ka nnak to kvulhagam a kre to ngat elegot kim e Yesus ka nnak ka gu orom petgim a nho. Tvulhagam knop, to korsang mang.

E Matyu 27:66

To a rkan tngae kpis ko tok to ngat hera kleng o minmin ko va nnak ka gudor kam her smia toot mang enang tok.

E Yoanes 20:1

To hop tie ma Sande mo kao, e Maria to nkong Magdala ta ngae ngok va kre ka nho to ngtel e Yesus kun mnam, va kvokom a kre to ngat vat ko vgum ka nnak kam tokim ka gu orom ko ngat her vulham petgim a kre ka nho he.

E Luk 24:2

Ngat re kpis va vokom a kre to klaut, endo ngat elegot kim e Yesus ka nnak ka gu orom ko tollok he kvulhi he ka vle petgim a nho he.

E Matyu 27:59

To e Yosep thera ngae kharpet e Yesus ka mnes kuo va ho, to le kokomor orom a yet to a gi gunngar.

E Yoanes 11:38

E Yesus tre kngae ngok va nnak va ka vrek te sei kam horotgi kat. Ko va nnak to a kre ka nho, ngat vulhagam a kre to alautar ko va gudor kam tokim.

E Yoanes 11:41

To ngata vulham a kre petgim a kre ka nho, to e Yesus ta langtar ngpalmai oguon ma volkha to kngarkie te, “Kua kanprim yin Titou ko yi her ngan vgum dok tete he,

E Yoanes 19:41

Ngint kokomor knop, to nginta tar ko a kolkha to endo ta vle te, mar o Yuda nga kolkha to kmelel mo kim o tgoluk kam paneng a Sabat ko ketasuo kam vuut. He ekam tok, ngint her gi kael e Yesus ka mnes kun mnam a kre ka nho ko tgi kanmok mang a mhe to ngat krong orom o ot kvat engnang a ho. Ii, ngat el ko tok kun pgegom a mhel ka loot langto kun mnam a kre ka nho to a gunngar ko ngat lo el a mhel ka mnes tang kun mnam vop.