E Matyu 24:7 - E Nut Ka Meer Mang Ka Mokpom To A Gunngar

⁷ Ko a mmie karo mhetor kavurgem va o serppak kavurgem ngaka ktar khop na, he kmo sir malngaeng ngar mruo na, he kmo kir mo kmar. Va a vang nera vle kun mnam a mmie karo mhetor kavurgem va a koot naka khiker o marhok kavurgem klik kat.

E Matyu 24:7 ပူးပေါင်းရင်းမြစ်များ

E Luk 21:11

va a koot naka khikher a mmie klik hak va a vang nera vle kun mnam o mhetor kavurgem. Va o yor ngar gi vrong pagis kat va o ngaelmir ruk lvankue ngar gi vrong pagis kuon ma volkha he ngar mi kut kaengorang o mia kat.

O Aposel Ngaro Reha 11:28

Langto mnam mar ka munik to e Agabus. En E Nunu A Totur tkaen o rhek mnam he ta ktar kpavap mang a vang to alautar ko nera vle he ksenekir kngae he kvaas kim o mhetor tgus ruk lRom ngma nho mang ngar. (Va karo rhek ngat el mit kun mnam o pnes ruk endruk ge, ko e Klodias ta nho mang e Rom.)

O Aposel Ngaro Reha 2:19

Ngora khenam o reha lserpgue ruk o mia ngara sor kmar ngang ngar kuon ma volkha orom a kolkha ko nera slok va orom a kenho ko ner hortgi kpis la svel enang a gidiel. Va ngora khenam o ngaelmir ngang ngar ku mmie kat orom o gidiel, o paeyol va o paeyol ngo rus ruk ngat ngae mia ppat hak. Ii, ngora khenam mar ma mmok tok ktar mang a kolkha to Ngoldaip nera kser kim he kaeknik kpis mnam. A kolkha to endo tvua laut hak va mguera vokom Muldaip kla mmok.

lHibru 12:27

Mu vokom na, E Nut ka re ka vgon to te, “kat na”, ta khenam ma mmok te, E Nut nera rpem o vrong tgoluk ruk tkueng ngar, he nang E Nut ka tavgo to tlo is hak kam nop kam komor o mia he ka vle ngnik ngnik kuo mang ngar.

O Ngaelmir 6:12

To ko vokom Endo enang A Sipsip To A Sital ko ko ta le kpet a meer ka vnangal to aktiek hori orom atgiang orom kat. Tpet he, to a mmie tkaelha kam khi klik va a kolkha thortgi ka nho lkatvur hak enang a porgagat karo kmeneng. Va a kenho tgus thortgi kat ka nho la svel enang a mhel ka gidiel kat.

O Ngaelmir 6:5

To A Sipsip To A Sital tpet a vnangal to a korlotge orom. Tpet he, to kua ngan endo a korlotge orom mnam endruk korlolo E Nut tkueng ngar he ngta ktal ko ta rere kat kam re te, “Aol!” Tre tok, va vgum a hos langto orom ka vok to la katvur ko ko vokom ko tgi pis gi sir ko tok ko kim kualo keik kat. Va endo tkorsang kuon mang endo la katvur ka sai, en ta kpom a ngaeha to kmel o tgoluk ngaro kerok, he nang o mia kmenkim mar kmikkiem ngaro kerok kais tok.

O Ngaelmir 6:6

To kua ngan a muktim langto kat ko tkaeti enang a mi mhel ka ktui, ko langto kun mnam endruk korlolo E Nut tkueng ngar he ngta ktal ta keknen ngang endo la katvur te, “Kun mnam a venloot to yindo la katvur ya vle, o mia ngar sia khanang ngar kmenkim ke ho to a vit ngo khek kmikkiem ke kolhi to na gi vur kais mang ke lita to ke tgiang, i o ke ho to a bali ngo khek kmikkiem ke kolhi to na gi vur kais mang kero lita ruk korlotge orom a dinaris to ngat sovet kam prongyek ka psek kmeha mnam a kolkha to a gutnar tgus kmit. Vanang ngiak or kam kering o luteik ruk orom o hi ruk olip va o usiel ruk o grep e.”

O Ngaelmir 6:8

Tre tok, va vgum a hos langto ko ko vokom ko tgi pis gi sir ko tok ko kim kualo keik. Ka vok ta les. Va a mhel to tkorsang kuon mang a hos to endo ka sai, en ka munik te, E Yoror. Va a mhe to e Mlol nama vle ko rkieng he ka knaek ekam kat. He min tgus ngint kol a serppak to kmommen o mia tgus kun mnam a mmie, mar kam vle mnam o murgun ruk korlolo, to kmim o mia tgus ruk kun mnam a murgun to atgiang kun mnam mar ruk korlolo kngam mar tgus kun mnam a murgun to endo o yoror. Ii, ngint kol a serppak to kmim mar kngam mar o yoror orom a kom, orom a vang, orom o vrong yor ngo mamten va orom o ngaemslang ruk ngma sosop po turvek mnam a mmie ta.