E Matyu 2:2 - E Nut Ka Meer Mang Ka Mokpom To A Gunngar

² Ngat pis he kaelha kam mamnganang o mia te, “O Yuda nga taven to knan tgi gnua kol namriem? Ko ngota vle oguon malhagenmok he ka vle kvokom a ketor ko ther gia hurpis ko he ksap kvuut. He ekam tok, ngot kaol ngte kam nngiar ngang va kam totu pum.”

E Matyu 2:2 ပူးပေါင်းရင်းမြစ်များ

E Matyu 2:3

A taven to e Herot ta ngnek mang ngar ko ngta mamnganang o mia mang o Yuda nga taven tok, to en kar lYerusalem kavurgem ruk ko tok mYudea ngaro papat ngat ho mi ktua kervavle mang.

E Matyu 21:5

“Havaeng lSaion, endruk lYerusalem te, ‘Vae! Mu vokom na, ko mula Taven tkaol kam pis ko kmuk orom ka keknen to kam lua guragura orom mang o mia, ko tkorsang kuo mang a dongki orom ka sie ko vanam kat.’”

E Matyu 27:11

Ngata lgem o rhek kmenkim a mmie ka mhe to endo, nang o mia ngat hera srim e Yesus ko kim e Pailet kalo keik. To e Pailet thera mnganang te, “Ngola, O Yuda Nga Taven msim to yin arhe?” Va e Yesus tkoripang te, “Yin mruo yi her ngae rkieng dok he, orom a re to endo!”

E Luk 19:38

Ngta kni te, “E Nut ta ngamyammok mang ka taven to yin ko ya pis orom ka munik. He ekam tok, ngruak guya pum E Nut to man ma volkha ka munik ko tel a vrek longeik kun pgegom o mia kar En mruo.”

E Luk 2:11

tete kun mnam e Devit ka rengmat ka pun, a gunsvel langto knan tkol he, he her en arhe, Endo Kam Sulgim O Mia Kam Hong Ngar Pum Ngaro Kerkeknen. Ii, a gunsvel to endo, her en Ngoldaip to E Nut Thim Orom Ka Msasaen to arhe.

E Luk 23:3

E Pailet ta ngnek tok, to hera mnganang e Yesus te, “Ngola, O Yuda Nga Taven msim to yin arhe?” Va e Yesus tkoripang te, “Yin mruo yi her ngae rkieng dok he, orom a re to endo!”

E Yoanes 1:49

To e Nataniel ta senkrip to le kreng te, “Pattermia, her yindo arhe E Nut Khal msim to in. Endo mor lIsrael ngua Taven msim.”

E Yoanes 12:13

To ngata keneker o kneng ngakro im to kngae kam puknim ko ekam a ngaelaut. Va ngata vuvui kam kni pum te, “E Nut ta ngamyammok mang ka taven to yin ko yi pis orom ka munik. Ngota kanprim yin ko her yindo arhe kam susulgim mor. Ii, E Nut ta teiver mor lIsrael ngua Taven to yin.”

E Yoanes 18:37

Va e Pailet thavae te, “Te pusner, ko yin mruo ye mrua havae miik te, yin a taven.” To e Yesus tkoripang te, “Yin mruo yi her mrua re he te, dok a taven. Va her gi mang a papat to kat arhe, E Nut tmi meng dok ngte mmie kam pal mnam a ngausie tang, he nang dok kam polger o rhek mang o papat ruk o minar. He ani mhel to nma vle orom o rhek ruk o minar, her endo arhe nam gia ngnek vgum dok.”

E Yoanes 19:19

Vanangko e Pailet ther en a re he, ngar kmittiegom a re to ngat mon en orom, to kreng ngar kam vat kuo mang e Yesus ka ho kuon palpgem. A re to ngat mon en orom tkaeti ti te,

E Yoanes 20:28

E Yesus ta reng tok, to e Tomas ther gi koripang te, “Koldaip msim to yin, kua totu pmin msim hak.”

E Yoanes 5:23

Ii, tel a ngaeha to endo maktiegom Khal tok, he nang o mia tgus kam totu pum Khal, gi enang ko ngma totu pum Kteit to E Nut tok kat. He ekam tok, endo nam lua totu pum E Nut Khal, a mhel to endo tmia khenam en mruo ma mmok te, en nam lua totu pum E Nut tok kat arhe.

E Yoanes 9:38

A mhel ta, tgia hop ku to kre te, “Koldaip, ko kor mnam dok mang in he.” To ta tubulkek ku penharom e Yesus he ktotu pum.

lHibru 1:6

Ii, va E Nut ta khenam Khal ma mmok te, ta laut kir kim o engyel tgus orom karo rhek ruk tenik ngang o engyel tiok he, mnam a venloot to E Nut tmeng Khal to a molpou kam pis mo mmie. Ko thavaeng ngar te, “Muk o engyel tgus ruk dok E Nut ko kueng nguk, her en arhe mguak tubulkek ku penharom he ktotu pum.”

O Ngaelmir 22:16

Dok to e Yesus, ko her meng kua engyel langto ngang in kar ingornopeik ruk o propet akuruk kat, he nang en kmengogong yin orom o ngaelmir ruk endri tgus. Ii, tkaen o rhek ruk endri ngang in, he nang in kam hahavae lmien ormar ngang kuakro ngaomevek. Her e Devit Kaes to dok, dok to ngma mon dok kat te, Endo ta vle enang A Ho Ka Sipngan ko ta par mnam E Devit ka ngausie ka pun va A Ketor To E Lesa to nma nan klik.”