E Matyu 17:25 - E Nut Ka Meer Mang Ka Mokpom To A Gunngar

²⁵ To e Pita ther koripang ngar te, “Mare, en nma ngam ktalo kat.” To e Pita thera ngae ngok mrek. Tvaik kun mnam a rek he lo kaelha kam rere vop, vanang e Yesus ta ktar gi mnganang ge te, “Vae Saimon, ya pat nngia mang a taven to mnam a mmie to enda, ko nma lol o takis mkor erie mar, mkor kles mruo i o, mkor o gi vrong mia?”

E Matyu 17:25 ပူးပေါင်းရင်းမြစ်များ

E Matyu 22:21

Va ngat koripang te, “He e Sisa.” Va e Yesus tkat koripang ngar kat te, “He ekam tok, mguak kaekon o tgoluk ruk ngta khenam e Sisa ka nunu ngak kaeknik ngang kat, vanang kle kaekon muk mruo ngang E Nut ko muta khenam E Nut ka nunu ormuk mruo enang tok kat.”

E Matyu 22:19

Ma te, mu khenam a kre to kmenkim a takis orom ngang dok, he ko vokom na.” To ngat her kait a kre langto he kaen mkor.

E Matyu 22:17

He ekam tok, ngiak havaeng ngor orom ilaro papat na te, ta sir ngang ngor ruk o Yuda kam ngam o takis ngang lRom ngalaip to tkol a ngaekam to ngma mon te, e Sisa, i o nop?”

E Matyu 3:15

Va e Yesus tkoripang te, “Na her gia vle tok na, kmaottam E Nut ka svil to kam susulgim o mia tgus.” E Yesus thavae tok, to e Yoanes ta le kngatkal ngang kam parrum.

E Matyu 17:26

To e Pita tkoripang te, “He, o gi vrong mia.” To e Yesus tkoripang te, “Yu! Te enang tok, a taven nma poom kles msim, ngola? Ii, he gi enang tok kat, mor ruk E Nut kles msim, E Nut ta poom mor kat kam lua ngam a takis mang ka maksien kat e.

E Luk 20:22

He ekam tok, ngiak havaeng ngor na te, ta sir ngang ngor ruk o Yuda kam ngam o takis ngang lRom ngalaip to ngma mon te, e Sisa, i nop ge?”