E Matyu 1:23 - E Nut Ka Meer Mang Ka Mokpom To A Gunngar

²³ “Vae, a vlom langto lurokol ngat lo ehang vop, ner kael ka nam he kol a sie to a ngokol va o mia ngara kilegem te, e Emanuel”. To kam hortgem ka munik to enda ka pun ta vle te, “E Nut ta kmor he.”

E Matyu 1:23 ပူးပေါင်းရင်းမြစ်များ

E Matyu 1:24

E Nut tngam tmik kim e Yosep tok knop, to e Yosep thera hop kaikkiem Ngoldaip ka engyel karo rhek kam vaeng e Maria ngok mrek, en kam vle ko kim,

E Matyu 28:20

Va mgua smia keknen ngang ngar kat kam vle pum o rhek tgus ruk ko her havaeng nguk orom mar. Ii, kua mien ngang nguk te, mguak kaeharom tok va ngora plong vle mo kmuk mekam mekam mo kolkhek tgus kam ngae kais mnam a kolkha to a kser kim.”

E Luk 20:44

Vanang mu vokom na. Ma te enangthe tennik, a hipun to e Devit mruo ta mrua hover kaes to E Nut Thim Orom Ka Msasaen kam mrua mon te, ‘Kaldaip to en,’ va nngia ko mum kaekon kim a hipun to e Devit karo rhek mruo kam mon Endo E Nut Thim Orom Ka Msasaen te, en gi kaes a hipun to e Devit, vanang en ta ktar vle tennik ktar mang e Devit?”

E Yoanes 1:14

Ii, Endo ngat kilegem te, E Nut Ka Re, en tmur ellik orom enang a mhel, he kael ka ngorsang mo pgeik kmor. Ngota vokong he keketar karo keknen ruk lyar hak, ko en E Nut Khal to ke tro to tottek kuo kim Kteit. Va ngota vokom te, en a ho minar hak va en nam ho mia ring ya mang o mia tgus kat.

O Aposel Ngaro Reha 18:9

Ii, mnam a segain langto Ngoldaip tngam tmik kim e Pol he kreng te, “Yin ge, ngior kam gor! Ngia kaeharom a ngaeha to im kaeharom ge. Ngiak or kam ksir kam tu kam rere e. Ngiak rere kam ngae gi, ekam ko o mia kavurgem ruk ngta vle mo mnam a rengmat to enda ngar kor mnam mar mang dok. He nop a mhel tang tlo kais kam prik mang yin kmim yin he kering yin hak ekam ko kua vle kar yin.”

lRom 8:31

To kmikkiem o rhek ruk enang tok, ngruak havaeng o mia nngia? Ngruak havaeng ngar ti te, ekam ko E Nut ta sir pekam mor tok, va o mia ngat lo kat kais hak kam sir malngaeng ngor orom ngaro rhek kir kim mor e!

lRom 9:5

Ii, va her o Yuda ruk lIsrael kat arhe ngat pal mnam ngares to e Ebrehem kles ngaro usiel kat. Ii, he her vgum e Ebrehem kles ruk endruk Endo E Nut Thim Orom Ka Msasaen ta pal mnam ngaro usiel tok kat ko tmur el en mruo enang a mi mhel. Mare, Endo E Nut Thim Orom Ka Msasaen her en E mi Nut msim to kat arhe. He o mia tgus ngak kanprim En mekam mekam. Lmien!

2Korin 5:19

Va E Nut ka re mruo to endo ta vle te, E Nut nam kaeha kngae kam vaeng o mia tgus ruk mo mmie kam kta monho kar En orom Endo Thim Orom Ka Msasaen. Ii, E Nut nam kaeha tok, he nma lol o mia ngaro kerkeknen patgiang ngaiting he lo kta kser a ken mang ngar kat e. Va a ngaeha to kam seneker a re to endo mang E Nut ko tvaeng o mia tgus kam kta monho kar En he kta mokpom kar En tok, ther mur el ko maktiegom mor ruk o aposel.

1Timoti 3:16

Ii, va E Nut ka papat to a minar to tesgun ta tvok kim o mia, ngot mur havae mang ngor mruo mang te, tho mi kut laut hak. Va a papat to endo, ngoma kni pum E Nut kam totu pum en orom ta vle ti te: En tmur khenam en mruo orom a mhel ka vok, va E Nunu A Totur ta kle ka khenam en ma mmok kat te, en E Nut Khal lsir kat, ko thover en petgim ka nnak va o engyel ngat mi vokom, va o mia ngat havae mang ngang o vrong rhek tgus ruk kun mnam a mmie karo mhetor tgus, va ngat kor mnam mar mang va E Nut tkol ka grap orom ngoguon mnam ka yammok kat.

2Timoti 4:17

Mare, o mia ngat si ngorpok petgim dok tok, vanangko Ngoldaip mruo tsir ko vanam dok he kaenserpagam dok. He ekam tok, ko her sir ko kim mar, va ko her rum kuaro rhek tgus kam halger a papat to a minar mang e Yesus, he nang o vrong rhek ruk endruk tgus kam nganik ko vgum dok tok. Ii, Ngoldaip ta sir ko vanam dok tok, he ho mi kut hong dok pum kua kernonhommok to endo ko ngat re kam monik kim a yor ngang dok kngam dok. Ii, nok pathe kua vle enangthe ngat re kam ngam dok ko vgum a ngaemslang to ngma mon te, a laion vor, he nang en kmelat dok kngam dok a yoror, vanangko E Nut thong dok pum a kernonhommok to endo.

2Timoti 4:22

Timoti, kua ngarkie ngang Ngoldaip mang in te, En kam vle kar yin mekam mekam. Va kua ngarkie mang yin kar ilenar tgus kat te, En kam ring ya mang nguk tgus ko tok mekam mekam kat.