E Mak 6:38 - E Nut Ka Meer Mang Ka Mokpom To A Gunngar

³⁸ To e Yesus ta mnganang ngar te, “Yu! Mularo bret ruk o gutnei ngat is te, aner? Mu ngae he him mar na.” Ngata him mar knop to ngat gia re te, “Mor nguaro bret aktiek va alo slang agi lomin e.”

E Mak 6:38 ပူးပေါင်းရင်းမြစ်များ

E Matyu 15:34

To e Yesus ta kle ka mnganang ngar te, “Nang mularo bret o gutnei aner?” Va ngat koripang te, “Aktiek hori orom alomin va kero singol lgititge e.”

E Mak 6:37

Ngata re tok, va e Yesus tkoripang ngar te, “Muk mruo mgua mrua klang ngar mo ol ha, mar kmemik.” Va kalngunes ngta mnganang te, “Ya re mor kam ngae he krum a kre alautar hak kmenkim o ol he ka klang ngar ngar kmemik? Tang mnam mor nak kaeha kais mo kenho ruk aktiek hori orom korlotge kmit o krek ruk ngat is kmenkim o ol ngang ngar.”

E Mak 6:39

To e Yesus ta reng a mumu kmorsang ku ma ngaergot to tgi gnua rer, he kaum o valngneik.

E Mak 8:5

Va e Yesus ta kle ka mnganang ngar te, “Nang mularo bret ruk o gutnei aner?” Va ngat koripang te, “Aktiek hori orom alomin.”

E Luk 9:13

Ngat re tok, va e Yesus tkoripang ngar te, “Muk mruo mgua mrua klang ngar mo ol ha, mar kmemik!” Va karo aposel ruk, ngta havaeng te, “Hai-e, nguraro gi ol ruk alo gi slang alomin va o bret ruk aktiek mo maktiegom mor. Va ngot lo is hak kmenkim o ol akor kngam kuon malpgem endri kmis mang o mia vang ri e.”

E Yoanes 6:9

“Ke kalyie to enda kero bret ruk aktiek o gutnei, endruk ngat eharom mar orom ke ho to a bali ka ngaor va ke lo slang lomin ri kat. Vanangko ngat ngae ho lo is hak mang o mia ngarlavurgem ri e.”