E Mak 5:37 - E Nut Ka Meer Mang Ka Mokpom To A Gunngar

³⁷ To e Yesus tkaikkiem e Yairus he lo kta tting orom a mhel tang kat, en kmikkiem klapsa kngae e, gi e Pita va e Yems kar knopia e Yoanes.

E Mak 5:37 ပူးပေါင်းရင်းမြစ်များ

E Matyu 17:1

Kopekam ko o kolkhek ruk aktiek hori orom atgiang ko ngat nop, e Yesus thera nglum e Pita kar lo monopia ruk e Yems kre Yoanes he ka ktong ngar kam grap ngoguon kia vul to a hogor petgim o mia.

E Matyu 26:37

To ther gia nglum e Pita va e Sebedi klo hal, to endo he, a mamrung alautar hak tkaelha kam kolkol he kerngorom he, ko karo papat ngat ho mi ktua kervavle hak.

E Mak 14:33

To ther gia nglum e Pita va e Yems kre Yoanes, to endo he, a vnek alautar hak tkaelha kam kerngorom ko karo papat ngat ho mi ktua kervavle hak.

E Mak 9:2

Kopekam o kolkhek ruk aktiek hori orom atgiang ko ngat nop, e Yesus thera nglum e Pita kre Yems va e Yoanes he ka ktong ngar kam grap ngoguon kia vul to a hogor petgim o mia, mar kam vle mar tuk. Ngata vle ko tok, to e Yesus ka vok tkaelha kam horotgi ko pum ngaro kerok.

E Luk 8:51

To ngta ngae kpis ko mnam e Yairus ka rek, va e Yesus tvokom o mia ko ngat kael a halum he kaee kuon mail va mur kaim mar mruo mang a vlom sie to endo. To e Yesus ta reng ngar te, “Mu or kmaee tok, ko a vlom sie to enda, tlua vle enang a mi yor e. Tgia vle enang a kalyie to tgi onit ko ner kta hop kat.” Ta re tok, va o mia ngat le gia kol a klel orom ko ngat mia mnor hak te, tmi yor hak he. Ekam tok, e Yesus ta hagam mar kam lua vavaik ekam e, gi e Pita, e Yems, e Yoanes va a yor kteit va knan.

O Aposel Ngaro Reha 9:40

To e Pita ta meng lraip ruk endruk kmottek ku mnok, nang en ta vle ktubulkek kam ngarkie. Ta ngarkie knop, to khortgi ngok kim a yor he gia reng te, “Tabita, hop!” To e Tabita ta malegem ka lo keik he kvokong e Pita to hera hop korsang.

2Korin 13:1

Enang ko kua havae, nguak pis ngok muk va kua pis to endo nera vle te, kua pis to a korlotge orom ko nguak pis ngok kmuk ka ptang nguk orom. He kmikkiem enang tok, E Nut karo rhek ruk ngat ittiegom mar ngat havae te, “Kam srim a vnek tang, o mia ruk ngak kais te, alomin i o korlotge ngak sir pekam ngaela kmenserpagam karo rhek.”