E Mak 12:37 - E Nut Ka Meer Mang Ka Mokpom To A Gunngar

³⁷ Vanang mu vokom na. Ma te, enangthe tennik, e Devit mruo tmur hover kaes to E Nut Thim Orom Ka Msasaen kam mrua mon te, ‘Kaldaip to en’ tok, va nngia ko o pattermia kmo pos ngam kaekon kim a hipun to e Devit karo rhek mruo kam le kmon Endo E Nut Thim Orom Ka Msasaen te, en gi kaes to mkor a hipun to e Devit?” E Yesus ta keknen ngang ngar tok va o mumu ho laol ruk ngta vle ko tok ngat ho mi kut svil hak kam ngan e Yesus karo rhek ko ngat mia mgae ngang ngar hak.”

E Mak 12:37 ပူးပေါင်းရင်းမြစ်များ

E Matyu 1:23

“Vae, a vlom langto lurokol ngat lo ehang vop, ner kael ka nam he kol a sie to a ngokol va o mia ngara kilegem te, e Emanuel”. To kam hortgem ka munik to enda ka pun ta vle te, “E Nut ta kmor he.”

E Matyu 11:25

To mnam a kolkha to endo ke vgon to endo ge, e Yesus ta kle kngarkie ngang E Nut kam kanprim te, “Titou, yin arhe yindo ya kueng a volkha va a mmie. Kua kanprim yin ko yi tuvgong o papat ruk mang ila tavgo to endo kim o mia ruk ngam mrua hover mar mruo vgum ngakro papat ruk vu laol, vanang kle ka khenam mar ma mmok ngang endruk ngat kaenang o ngnes.

E Matyu 21:45

To o pris ruk laol va o Parisiau ngata ngan e Yesus ka koka to tok to le kael te, tmia koka mang ngar lsir.

E Matyu 21:46

He ekam tok, ngat sia khanang ngar kam kapom kmenpasiker kun ma hengor. Vanangko ngat lo is e, ekam ko ngta gorang a mumu pum, ko mar ngta pat mang e Yesus kat te, en a propet langto kat.

E Yoanes 12:9

Phevgom e Yesus ko e Maria ta pungnim kalo nhar, o Yuda ngarlavurgem ngata ngnek te, e Yesus ta vle mBetani to ngata ngae ngok. Ngata ngae ngok kam lo gia vokong e Yesus tuk e. Ngat ngae ngok kam vokong e Lasarus kat, endo e Yesus thover petgim ka nnak ko tho yor hak he.

lRom 9:5

Ii, va her o Yuda ruk lIsrael kat arhe ngat pal mnam ngares to e Ebrehem kles ngaro usiel kat. Ii, he her vgum e Ebrehem kles ruk endruk Endo E Nut Thim Orom Ka Msasaen ta pal mnam ngaro usiel tok kat ko tmur el en mruo enang a mi mhel. Mare, Endo E Nut Thim Orom Ka Msasaen her en E mi Nut msim to kat arhe. He o mia tgus ngak kanprim En mekam mekam. Lmien!

1Timoti 3:16

Ii, va E Nut ka papat to a minar to tesgun ta tvok kim o mia, ngot mur havae mang ngor mruo mang te, tho mi kut laut hak. Va a papat to endo, ngoma kni pum E Nut kam totu pum en orom ta vle ti te: En tmur khenam en mruo orom a mhel ka vok, va E Nunu A Totur ta kle ka khenam en ma mmok kat te, en E Nut Khal lsir kat, ko thover en petgim ka nnak va o engyel ngat mi vokom, va o mia ngat havae mang ngang o vrong rhek tgus ruk kun mnam a mmie karo mhetor tgus, va ngat kor mnam mar mang va E Nut tkol ka grap orom ngoguon mnam ka yammok kat.

E Yems 2:5

Koornopeik ruk mut kor mnam muk mang e Yesus he kmokpom kar, kom vu kaelongtok mang nguk. Mu ngnek na! O mia ruk ngaro papat ngat kottek ko mkor endruk mo mmie ngam si kekhet kelenar ruk nop o vur krek ngang ngar, vanangko her kelenar ruk arhe E Nut mruo ther mur re pum mar he, mar kmor mnam mar mang e Yesus, he nang mar kmenang endruk orom ngaro vu krek ko E Nut nma vokom ngaro papat ruk kmor mnam mar mang e Yesus tok te, ngaro gol ngo pneik. Ii, E Nut tre pum mar tok, he nang ka tavgo kam vle kuo mang ngar, to koknaik mar kam kle kol a ktalhok to kam plong vle ko kim En ngnik ngnik. Ii, E Nut mruo thera ktar mur el ka tnangal ngang ngar kmen a ktalhok to endo ngang endruk ngam kaelongtok mang En.

O Ngaelmir 22:16

Dok to e Yesus, ko her meng kua engyel langto ngang in kar ingornopeik ruk o propet akuruk kat, he nang en kmengogong yin orom o ngaelmir ruk endri tgus. Ii, tkaen o rhek ruk endri ngang in, he nang in kam hahavae lmien ormar ngang kuakro ngaomevek. Her e Devit Kaes to dok, dok to ngma mon dok kat te, Endo ta vle enang A Ho Ka Sipngan ko ta par mnam E Devit ka ngausie ka pun va A Ketor To E Lesa to nma nan klik.”