E Mak 11:20 - E Nut Ka Meer Mang Ka Mokpom To A Gunngar

²⁰ To hop enang ngmo marot, E Yesus mar ngat kta hop he kta ngae. Ngta ngae ekam a ngaelaut he kta pis mang a ho to a pik to kvokom kakro im va kakro kavgot tgus ko ngat her gi vui ngatngae.

E Mak 11:20 ပူးပေါင်းရင်းမြစ်များ

E Matyu 13:6

Ngata pagis ka vle gi nong ke laut e, ekam ko ngata viging a kolkha ka koppetmok. To a koppetmok to endo tgi ktim mar to ngat her gi vuvui he kmamarer kam vuvuut ekam ko ngaro kmen ngata puung kim o krek.

E Matyu 15:13

Va e Yesus tkoripang ngar te, “Tgia ya kat e, ko o tgoluk ruk E Titou tkuon ma volkha tlo kakap, En nera hethetik.

E Matyu 21:18

To hop enang ngmo tie marot msim, e Yesus tkottek kuo mBetani he ka grung kmikkiem a ngaelaut kam kta grap ngoguon kmeknik ngok mYerusalem to ta vang.

E Mak 11:12

To hop enang ngmo, e Yesus mar ngta parem a rengmat to e Betani he kat ngae ekam a ngaelaut to kam grap ngoguon mYerusalem va e Yesus ta vang.

E Mak 11:14

To ther kaen o rhek mnam te, “Yin ke pik to enda ngia lo kat kaehi, o mia kam lo kat kaemik vgum yin kmelha tete kam ngae kais ngnik ngnik kat.” Va kalngunes ngta ngan kakro rhek ko thavae tok.

E Yoanes 15:6

Endo nam lua par mnam dok, ner mi kaenang ke ho ka kha to E Nut ner mia hapom he kngam petgim a loot. Va nera vle ko tok kam vui. Ii, va ke ho karo khator ruk enang tok, E Nut nama kakaum mar tgus kam ngam mar oguo kia paei krum mar tgus hak.

lHibru 6:8

Vanang a mmie ka mten langto yok, endo o gigi va o kosmur ngam kle kpagis kun mnam ko tlo vu ya, ketasuo E Nut kam re orom, he a mmie kam lo kta serppak kat hak. He enang tok, E Nut nera tarkanang karo reha tgus orom kam ngampaei pum he a paei nera rum kim hak.

E Yut 1:12

Ii, o mia ruk endruk ngam kaemik ko kmuk ko mum kael o ngorsang kam khenam muk ma mmok te, mum kaelongtok mo nguk mruo. He enang tok, o patter mia la ppiagar ri ngma vle enang o vellik kuon mang a mhel ka vok ko ngam kaemik ko kmuk tok, va ngam lua gorang o mia va lua leep pum ngaro kerkeknen ruk kam mo vret mar ko mnam o ngorsang ruk endruk. Ii, ngma vle enang a toot kmo sipsip to nam gia kolaspa kam gi mrua klang en tuk, nang lua pat mang karo sipsip hak. Va ngma vle enang o varhek ruk ngma kauyang o mia ko a ngausgi tkovvorik, nang a kus tlo kaerik mnam mar e. Ii, o mia ruk endruk ngma vle kat enang o hi ruk ngma kauyang o mia kat ko ngam kaehi ko mnam a venloot to a guip va a horkas nginma pis, vanang nong ngaro miel ngang ngar ko ngata vle enang o yoror. Va ngma vle enang o hi ruk E Nut tgi heter mar kngam mar, mar kam vui, ko E Nut nera monik kim a yor ngang ngar kmikkiem gi enang ko ngta ktar vle enang o yoror tok. He enang tok ngara vle orom alo yor alomin tok arhe.