E Mak 1:38 - E Nut Ka Meer Mang Ka Mokpom To A Gunngar

³⁸ Va e Yesus tkoripang ngar te, “Mu so mor ngok mnam o rengmat ruk kan mmok, dok kam polger E Nut karo rhek ko tok mnam mar kat, ko E Nut tmi kut meng dok ngte mmie, dok kam mi kut kaeha tok arhe.”

E Mak 1:38 ပူးပေါင်းရင်းမြစ်များ

E Mak 1:37

To ngat re kpis mang, to ngat havaeng te, “O mia kavurgem ngata riring yin.”

E Mak 1:39

To e Yesus tkaelha kvaik kottek kun mnam a mhe to e Galili karo rengmat ngakro maksien tgus he kaelha kam polger E Nut karo rhek ngang o Yuda kun mnam ngaro rektor ruk kam rere mnam mar. Va nma kerer o kool kat.

E Luk 2:49

Va E Yesus tkoripang knan te, “Met vua riring dok kman? Met lua mnor gi, ko meta kta riring dok kat, ko nguaka vle mo mnam E Titou msim ka maksien he?”

E Luk 4:43

vanangko ta kokheng ngar te, “O-o, ngua ktua ngae ge kun mnam o rengmat akuruk yok kat, kmelha kpolger o rhek ruk mang E Nut ka tavgo ko tpis he komor o mia, ko E Nut tmi kut meng dok kam mi kut kaeha tok arhe.”

E Yoanes 16:28

Ii, lmien, ko her mi ottek ko kim E Titou, he her aol ngte mmie. Vanangko tete, kua re kam ngae kparem a mmie ta, he gi kat kaeknik ngok kim E Titou kat.”

E Yoanes 17:4

Ko her teiver yin he, he ka khenam ila serppak mo mmie vgum kuaro reha ruk ko tarkanang ngar hak, endruk yi ellik maktiegom dok kmeharom mar he.

E Yoanes 17:8

Ngta mnor tok, ekam ko, ko her en o rhek ruk yin mruo yi enik ngaok ngang ngar he ngat lol mo krok he. Ii, va ngat sim kut mnor hak te, lmien te, ko mi ottek ko kmin, va ngat kor mnam mar mang dok te, her yin arhe yi mi meng dok kat.

E Yoanes 9:4

Mnam a venloot to kua vle mo mmie koma vle enang a kolkha to nma valler o mia he ka mmok kim mar. Ii, a kolkha to endo her dok ta arhe. He ngua vrua nan kim o mia tgus mo mmie na, to endo yek ngruak kaeharom o reha ruk mkor Endo tmeng dok. Ko koknaik nguak ngae kparem muk to nera vle enang a segain he a mhel lang ner lo kat kais kmeha kat e.”