E Mak 1:18 - E Nut Ka Meer Mang Ka Mokpom To A Gunngar

¹⁸ A gi hi to nginta ngan ko ta re tok, ngint her gi korim ngina ngaeha to kmit singol orom nginaro klui, nang her gi kaikkiem ngatngae.

E Mak 1:18 ပူးပေါင်းရင်းမြစ်များ

E Matyu 4:20

Ngint re ngan ko ta re tok, to ngint her gi korim ngina ngaeha to kmit singol orom nginaro klui, nang her gi kaikkiem ngatngae.

E Mak 1:17

to kreng ngin te, “Me aol ikkiem dok, he ngor kle kaelkim mae kmit o mia ngok kim dok mekam mekam gi enang ko mem kait o singol.”

E Mak 1:19

E Yesus tvur kta ngae nong ke laut, to kta vokom e Sepedi klo hal ruk e Yems va e Yoanes ko nginta vatvat nginaro klui he kaelel mo kmar kuo ma langail.

E Luk 14:33

E Yesus ta re tok, to krum kakro rhek te, “Ta vle ngang nguk enang tok kat arhe, ko enangthe mgua lua ktar korsang kam smia pat he kngangam kim muk ekam dok kam pet o tgoluk tgus ruk mum kaelik ktar ko pum mularo kerok he kaelik ko pekmuk, va mutlo kais hak kam vle te, kolngunes ormuk e.”

E Luk 5:11

E Yesus ta re tok knop, to e Saimon Pita mar ngta poe kvaar to her kait ngalo langail kael min ko paat, to her korim ngaro reha tgus ruk kmit o singol orom ngaro klui va ngaro laktok, nang her kle kaikkiem.

lPilipai 3:8

Ii, va kom lo gia pat mang kotaro keknen ri te, mar tuk ngat lo vu eveep e. Nove. Si o gi vrong keknen tgus ruk mo mmie va koma pat mang ngar kat te, ngat ho lo vu eveep hak, dok kam sir malpgem mar, he E Nut kam mon dok la mmok vgum mar kat. He ekam tok, ko hera kpiem mar tgus he, he kle gi tatar mang ngar ko ngat ottek ekam mor o Yuda nguakro pos. Mare! Ko her orim mar hak he, he nang dok kam kle klol o papat mang e Yesus arhe kam liepum mar orom a her gi papat to kmor mnam dok mang. Ii, tete ko her orim mar tok, nang dok kam kle kmokpom kar Ngoldaip e Yesus To E Nut Thim Orom Ka Msasaen, ekam ko a keknen to kmor mnam dok mang e Yesus, kmel riring E Nut kam mon dok la mmok, her gi a keknen to endo tuk, tho mi laut hak kir kim o gi vrong keknen tgus hak. Ii, he ekam tok, klo kta svil hak kam kat kael o gi vrong keknen oguo ktar pum kualo keik kmel riring E Nut kam mon dok la mmok vgum mar enangthe kom sim kut kaikkiem mar kat e. Nove!