3Yoanes 1:1 - E Nut Ka Meer Mang Ka Mokpom To A Gunngar

¹ Vae, a hor ta tottek ekam dok to a hipun to koma nho mang E Nut kakro ngaomevek. Gaius, yindo im kor mnam in mang o rhek ruk o minar mang e Yesus, kua kambis to yin, kom kaelongtok mang in.

3Yoanes 1:1 ပူးပေါင်းရင်းမြစ်များ

O Aposel Ngaro Reha 11:30

To kmikkiem a papat to endo ngta kaum o krek kun ma ngaelpas langto, to kle kme orom ekam e Barnabas kre Sol kmenik ngang endruk ngma nho mang e Yesus ka ngaomevek ko mYudea.

O Aposel Ngaro Reha 19:29

Ngat kaelha kam vui kngae tok, to a rengmat tgus ngat mo kol mang kam hover o resik ngang e Gaius kre Aristakas, ennginduk ngint ikkiem e Pol ko ngat ottek mnam e Masadonia he nang o mia kam kaum kaen ekam min. To ngata kleng singni mnam min he, to ka tngungu orom min he kvaik ngok mnam a vle to klalaut hak, endo kmorsang mnam he kvokom o khanier kun mnam. Ngata vaik orom min kam srim min ko kim o mia ngaro kerok.

O Aposel Ngaro Reha 20:4

To en kar o mia akuruk ngat hera kaum kngae he. Endruk e Sopris to e Pirhus to nkong mBerea khal, kre Aristakas, va e Sekundus to nkong mTesalonika va e Gaius to nkong mDebe, va e Timoti kre Tekekus va e Tropemus to nkong mEsia kat.

lRom 16:23

He dok to e Pol kua sirei kam vle ko kim e Gaius ko en nam smia tar dok kun mnam ka rek to e Yesus ka ngaomevek moti nama kaum ktotu pum E Nut kun mnam. Va e Yesus ka ngaomevek moti nama sirei mang e Gaius tok kat. He her e Gaius ta arhe ta svil kat kmen ka mamrung ngang nguk kat. Va e Erastus to nma nho mang a rengmat to enda ngaro krek kar ngornopia to e Kuartus ngint kaen nginalo mamrung ngang nguk kat. [

1Korin 1:14

Vanang kua kanprim E Nut ko klo parrum tang mnam muk

1Pita 5:1

Dok a mhel to ko her mi vokom e Kristus orom kualo keik mruo ko tkerkolkol vgum o vnek ruk tok. Ii, va ngora tuur mnam e Kristus kla mmok kat kun mnam a kolkha to E Nut na khenam en ma mmok mnam. Va dok a hipun to koma kaum kar mularo hipun akuruk mnam a ngaeha to kam toot mang E Nut ka ngaomevek langto, he ko kaurur kim mularo hipun ruk ngma toot mang E Nut ka ngaomevek to orom muk ruk ko tok te:

1Yoanes 3:18

O-o, koles ruk kom kaelongtok mang nguk, ngruak orim a keknen ka mten to kam gia rere orom nguaro gi ngnorok kam re te, ngom kaelongtok mang ngorlenar. Parem ko, ngruak kle va ka khenam ma mmok ngang ngar te, nguaro rhek ngta mien vgum nguaro reha ruk ngang ngar.

3Yoanes 1:2

Kua kambis to yin, yindo kom kaelongtok mang in, kom kaurur kim E Nut mang in te, en kmeharom yin he ila ngorsang kam gia vle lya, nop o vrong yayor kam pis kim in, kmikkiem gi enang ko kua mnor mang in tete te, ila vrek tkaisis kngae ka ngmeang hak.