2Timoti 4:10 - E Nut Ka Meer Mang Ka Mokpom To A Gunngar

¹⁰ ko e Demas tkaelongtok mang o kerkeknen ruk mo mmie he ksir petgim dok he, nang kle kngorpok kngae mTesalonika. Va e Kresenes, en te ktua ngae ngok mnam a mhe to e Galesia. Vanang e Taitus tkut ngae mDalmesia kat.

2Timoti 4:10 ပူးပေါင်းရင်းမြစ်များ

E Matyu 12:32

Va nera vle tok kat, ngang o mia ruk ngta rere vgum A Mhel To Nkong Man Ma Volkha to dok, ko E Nut tkais kam mia lol ngaro rhek patgiang ngaiting. Vanang ani mhel to ta kerrereng E Nunu A Totur, E Nut nera kpom karo rhek he lua lol patgiang ngaiting. Nera kpom mar tete ko a mmie to enda ta vle vop kam ngae kais ngnik ngnik ko a mmie to a gunngar nak pis.”

E Matyu 26:56

Vanangko mguaka kapom dok vanie, ko o tgoluk ruk endri ngak papagis lsir gi enang ti arhe kmaottam o propet ngaro rhek ruk ngat ittiegom mar tok.” E Yesus ta re tok knop, to kalngunes tgus ngat hera ngorpok kparem.

E Luk 14:33

E Yesus ta re tok, to krum kakro rhek te, “Ta vle ngang nguk enang tok kat arhe, ko enangthe mgua lua ktar korsang kam smia pat he kngangam kim muk ekam dok kam pet o tgoluk tgus ruk mum kaelik ktar ko pum mularo kerok he kaelik ko pekmuk, va mutlo kais hak kam vle te, kolngunes ormuk e.”

E Luk 16:13

He ekam tok, a kayie tang tlo kais kmel klo taip ngang ktar ko pum kalo keik kmeha ngang ngin tgus ko min alomin e. Nove! Ko enangthe na re ka vle tok, va nera namlolo pum min kam ya pum tang, nang kle kernonho mang langto. I o ner kaeha lserppak ngang tang, nang kle kaitgung langto. Va kmikkiem enang tok, muk kat mut lo kais kam kaum kael E Nut va mularo gol ngo pneik ko pum mularo kerok kat e.”

O Aposel Ngaro Reha 13:13

E Pol ka ngaeha tnop ko mPapos, to en kar klenar ngta kol a langail to kngae kenker a mou kam ngae ngoguon mPega mnam a mhe to e Pampilia, vanang ngaela to e Yoanes to ngma mon kat te, e Mak tkaeknik ekmar kais ko he, to le ka ksir petgim mar he kaeknik ngoguon mYerusalem.

O Aposel Ngaro Reha 15:38

vanangko e Pol ta pat te, tlua ya en kmikkiem min kat e, ekam ko tesgun e Mak ta ksir petgim mar ko mPampilia he kngorpok, nang lo kat kaikkiem min kmeha kar min kat e.

O Aposel Ngaro Reha 16:6

To e Pol kar klenar ngta punpa kngae kun mnam a mhe to e Prisia va kun mnam a mhe to e Galesia he kaelpun kvaik kottek kun mnam alo mhe ri nginaro rengmat kam havae mang E Nut karo rhek. Ngta punpa ko tok, ekam ko E Nunu A Totur thagam mar kam grung ngogu he kvaik kun mnam a mhe to e Esia kam havaeng o mia ko tok.

O Aposel Ngaro Reha 17:1

Ngint parem e Pilipai to hera ngae klapsam alo rengmat ruk e Ampipolis va e Apolonia to hera pis mnam a rengmat to e Tesalonika. Ko tok o Yuda ngarta rek to kam rere mnam ta vle kat.

O Aposel Ngaro Reha 17:11

Nginta havaeng lBerea mang e Yesus kat, vanangko lBerea ngaro keknen ngat vua kir kim lTesalonika ngartakor ko lBerea ngat ho mi ktua nganmgaem e Pol karo rhek kam ngannik he kol E Nut ka meer to le kpepet kam sim ktua non ekam mar kam smia mnor te, e Pol karo rhek ngta mien kmikkiem E Nut karo rhek i o nop.

O Aposel Ngaro Reha 17:13

Tie ko o Yuda ngalmialaol ruk ko mTesalonika ngata kol a re mang e Pol te, tngae he le kpatter o mia mang E Nut karo rhek ko mBerea vat, ngat le hera knaek ngok kat he kpis kaelha kmenpgam o mia kmesik ngang e Pol ko tok kat.

O Aposel Ngaro Reha 18:23

Tpis ko tok mAntiok, to vrua vle to her kta parem a mhe to endo kmelha kvaik kottek mnam o rengmat ruk mnam alo mhe ruk e Galesia va e Prigia he kaelha kaenserpagam e Yesus kalngunes ruk ko tok.

2Korin 2:13

Ii, E Nut tsi koregot kim dok ko tok, vanangko klo pis mang ko nopia to e Taitus ko tok kam kol a re tang ko vgum en mang nguk e. He ekam tok, kuaro papat ngat ngae sei kam vle mang nguk va klo sim korsang ka vle vop. He ekam tok, ko gi vur vle nong ke laut ko mTroas, to ko hera mrung ngar to hera ngae mMasadonia kam ring e Taitus.

2Korin 7:6

Vanangko E Nut to nam kaenkrovgem o mia ruk o vnek ngam ngae vovoem mar, ther enkrovgem dok orom e Taitus ka ngaeknik ko taol ngte kim dok orom a re to a yar mang nguk.

2Korin 8:16

A keknen to kam vu kaelongtok mang nguk E Nut tel kun mnam dok. To tete, kua kanprim E Nut ko tmi el a keknen to endo gi kun mnam e Taitus tok kat.

2Korin 8:23

Vanang mang e Taitus, dok mruo to ko mi kut re pum he kmeng ngok kmuk. Va en nama mokpom kar dok he ktuom kalo ktiek kar dok kam kaum kturang nguk. Vanang mang ngor lo nopia ruk ennginduk, her ennginduk arhe e Yesus kakro ngaomevek mruo ngat mur el min kam kol nga gu he kmeng ngin ngok kmuk. Va nginm kaeharom o keknen ruk o mia ngma gu ya pum e Kristus mang ngar.

2Korin 8:6

Yu, he E Nut ka ngaeha to ten ngang nguk, endo kam nngiar ngang o mia, e Taitus telha pum tiok he, kun pgegom muk. Va ko her kaurur kim en tete kmenserpagam muk kam tarkanang E Nut ka ngaeha to endo orom mula ngaeha to kam ktar kaum orom mutaro krek kun mnam muk mruo na. Ii, muk lKorin mut her elha pum E Nut ka ngaeha to endo tiok he, vanang tete mguak tarkanang he ka vle enang lMasadonia tok kat.

lGalesia 1:2

Ii, va koornopeik tgus ruk ngam kaum kaeha kar dok ngta vle mo kmok kat. Ko kaittiegom kua hor ta ngang nguk ruk e Yesus kakro ngaomevek ruk ko mnam a mhe to e Galesia.

lPilipai 2:21

Ko o mia tgus ngam her smia tar ngartaro gi reha mruo tuk, nang kle ho kikiangae hak mang o reha ruk mkor e Yesus Kristus.

1Timoti 6:10

Ii, ko a keknen to kam vua ring mnam kmit a kre alaut arhe ta vle te, o vrong kerkeknen ngo mamten tgus nga pun msim. He enang tok, o pattermia ruk la ppiagar ngat her vraik orom ngaro papat mruo petgim e Yesus, he ngat lo kat kor mnam mar mang e Yesus kat e. He enang tok, mar mruo ngat mrua ngam o vnek kavurgem kuon malpgem mar mruo tok.

1Timoti 6:17

Va mang endruk ngaro vu tgoluk mo mmie tete, Timoti, ngiak re lserppak ngang ngar kat te, ngak or kam mrua hover mar mruo pum ngaro vu tgoluk. Va ngak or kam nho mkor ngaro gol ngo pneik ruk nga ho lo is hak kam plong vle ngnik ngnik kam turang ngar e. Ngak kle va ka nho mkor E Nut kam turang ngar ha, ko her En arhe tkueng o tgoluk tgus kmenik ngang ngor kmensireim mor orom mar, ko En nama vle kia vul orom mar.

2Timoti 1:15

O Timoti, yi her kol a re he mang endruk tgus ko mnam a mmie ka mhe to e Esia, ko mar tgus ngata ksir petgim dok he. Va si e Pigelas kre Hermosenis va min kat nginta ksir petgim dok kat.

2Timoti 4:16

Ii, tie ma kolkha to aktarang ko kua ktar ksir ko kim o momngan ngaro kerok, nong a mhel tang mo kmok hak to ta sir ko vanam dok kam turang dok kmimim kim o rhek mang dok e. Nove, mar tgus ngat kle va ho gia ngorpok petgim dok hak. Vanangko tevanie, ko ko gia ngarkie ngang E Nut te, En kam gia kol nga kerkeknen to endo patgiang ngaiting he kikiangae mang hak.

E Pilimon 1:24

Vanang endruk endri e Mak kre Aristakas, va e Demas kre Lukas, mar ri kat ngata vle tete mo kmok he kaum kaeha kar dok kat, mar kat ngat kaen nga mamrung ngang in.

2Pita 2:15

ngat her parem karo rhek ruk ngata sir he ka vle enang a mhel to tparem a ngaelaut he kle kaol ksosop he. Ii, ngma sosop to kle kaeharom o kerkeknen, kam sim kut kolkol ekam e Balam to e Baor khal, ko tennik e Balam nma svil mang o mia kmenkim mang ka kerkeknen to na re kaeharom ngang lIsrael.