2Timoti 2:11 - E Nut Ka Meer Mang Ka Mokpom To A Gunngar

^11-13 O rhek ri o minar mang e Yesus, mar ngaro kleim, mor kam ngarngar mang ngar lserppak, ko ngta vle ti te: Ekam ko ngot her mur kaen mor mruo ngang e Yesus, he en thera kser nguaro pkor ngaro svil ngaro serppak ruk tesgun ngma kapom mor, mar kam yor kun mnam mor gi enang ko en tyor tok kat, va ngota serppak mang a papat to kat te, ngrer mia hop petgim nguaro nnak kam kol a ktalhok to kam plong vle ko kim en ngnik ngnik tok kat. Va enangthe ngopa matnge vgum o vnek ruk en mruo tlol, va nguaro tavgo ngara komor o mia gi enang ko ka tavgo nma komor o mia, tgus tok kat. Va enangthe ngopa klai mang, va en ner mia klai mang ngor gi enang tok kat. Va enangthe ngop si mrua kser nguaro papat ruk kmor mnam mor mang kam lo kta mokpom kar, vanangko en ner lua kser karo papat ruk mang ngor e, vanang ner kle mia serppak kam mokpom kar mor ge. Ko en tlo is hak kam hortgi kam klai mang karo keknen mruo e.

2Timoti 2:11 ပူးပေါင်းရင်းမြစ်များ

E Yoanes 14:19

Ii, ketasuo dok kam yor he o mia ruk mo mmie ngar lo kat kais kam kta vokong dok kat e. Vanangko muk, mguera vokong dok ge, ko ngora hop petgim kua nnak he ka vle orom a ktalhok to kam plong vle ko kim E Nut ngnik ngnik. Va ekam ko kua vle tok, muk kat mguera vle orom a ktalhok to kam plong vle ko kim E Nut ngnik ngnik tok kat.

lRom 6:5

Mare, va ekam ko ta mien te, ngot her kaenang e Yesus kam kaum kyor kar en enang tok, va ngota serppak mang a papat ta kat te, ngruer mia hop petgim nguaro nnak, gi enang en tok kat.

lRom 6:8

Mare! He ekam ko ta mien kat te, ngot her mur kaen mor mruo ngang E Nut, he E Nut thera kser nguaro pkor ngaro svil ngaro serppak ruk tesgun ngma kapom mor, mar kam yor kun mnam mor gi enang ko e Kristus tyor tok kat, va ngota serppak mang a papat ta kat te, ngruer mia hop petgim nguaro nnak kam kol a ktalhok to kam plong vle ko kim e Yesus ngnik ngnik tok kat.

2Korin 13:4

Pu lmien, ko e Yesus tkaenang te, ka vok te lo kaurur hak tie ko ngat krong orom o ot he kvat engnang a ho, vanangko lmien hak kat te, tete ta ktal ka vle kat ekam E Nut ka serppak ko thover petgim ka nnak orom. He her gi enang e Yesus ka vok tok kat, dok to ko kor mnam dok mang e Yesus he kmokpom kar, va kua vok tsi lo kaurur tok kat, vanangko E Nut ka serppak ner kaeha kun mnam dok, he nang dok kam kle her gia vle kar muk tok kmeha ngang nguk kam turang nguk.

2Korin 4:10

Ii, he enang tok, a pat to nma vle kun mnam dok mekam mekam ta vle ti te, o mia ngak kaim dok he kngam dok a yoror vanie, he nang dok kmenang e Yesus ko ngat im kngam a yoror tok kat. Ii, koma vle orom a papat to endo tok, he nang e Yesus kam her mi ktua khenam ka serppak mruo ma mmok ngang o mia vgum o vokngnes ruk ngma pis kim dok tok arhe. Ko en nma turang dok orom ka serppak tok he ka khenam en mruo ma mmok te, en tmi hop petgim ka nnak he ka ktal kat.

1Tesalonika 4:17

Ngara ktar khop na, yek mor ruk ngot lo yor he gia nho kvavle vop mo mmie, E Nut nera kaum mor kar mar he klol mor tgus kam grap orom mor tgus tok ngoguon kam pis mang Ngoldaip kun mo varhek ruk kuo kia gan. He enang tok, ngrera plong vle ko kim Ngoldaip ngnik ngnik tok.

1Tesalonika 5:10

Nove, ko e Yesus tyor mang ngor tgus, mor ruk ngot lo yor vop kar endruk ngat yor he, he nang mor tgus kam kaum khop kam kol a ktalhok to kam plong vle ko kim E Nut ngnik ngnik.

1Timoti 1:15

O rhek ri o minar ngaro kleim, mor kam ngarngar mang ngar lserppak va ngruaka kpom mar, ko ngta vle ti te: E Yesus To E Nut Thim Orom Ka Msasaen tpis enang a mi mhel mo pgegom o mia kam sulgim mar pum ngaro kerkeknen kam lol patgiang ngaiting he kikiangae mang ngar hak. He a mhel to tesgun o kerkeknen ngat ho mi kut el rengmat kun mnam, kir kim o mia tgus, her dok ta arhe.

1Timoti 3:1

O rhek ri o minar ngaro kleim, mor kam ngarngar mang ngar lserppak, ko ngta vle ti te: Ani mhel to tvu kaelel mnam en kam kpom a ngaeha to kam nho mang e Yesus ka ngaomevek langto, tmi kut re pum a ngaeha a yar to ngma nho orom.

E Taitus 3:8

O rhek ruk ko gnua rere orom mar ngruaka kpom mar te, o rhek ruk o minar ngaro kleim, he nang mor kam ngarngar mang ngar. Ii, va kua svil yin Taitus kmenserpagam o rhek ruk endri ngang o mia ruk ngat kor mnam mar mang E Nut he kmokpom kar kat, he nang mar kam sim kut kael ngaro kerok ekam o keknen ruk lyar kmeharom mar. Ko o keknen ruk endruk, ngat ho mi kut ya hak, va nga serppak kmenserpagam o mia tgus orom.