2Tesalonika 3:13 - E Nut Ka Meer Mang Ka Mokpom To A Gunngar

¹³ Vanang muk ruk koornopeik, mguak or hak kam kapngan kim a ngaeha to kmeharom o keknen ruk ngta sir ko pum E Nut kalo keik.

2Tesalonika 3:13 ပူးပေါင်းရင်းမြစ်များ

E Luk 18:1

To e Yesus tkothoi ngang kalngunes kam patter mar mang a keknen to kam ngarkie mekam mekam, he nang lua kapngan kim E Nut kmorim ngaro papat ruk mang.

lRom 2:7

Mare, ko endruk ngma matnge vgum o vnek kmeharom o keknen ruk lyar, mar ngama nho mkor E Nut kam teiver mar, kmen a munik alaut ngang ngar he kmon mar kam kol a ktalhok to kam plong vle ko kim En ngnik ngnik, ko her endruk arhe E Nut ner kaekon ngang ngar orom a ktalhok to endo.

1Korin 15:28

Ko kopekam ko Endo E Nut Thim Orom Ka Msasaen nak rum kim karo imuo tgus tok, to endo yek, E Nut Khal to en, ner mrua slak orom En mruo kmel en mruo ku meorom E Nut to ten o serppak ngang ka tavgo, he nang E Nut kam kir kim mar tgus tok? Te tok, E Nut tuk to nera vle te, En A Ho Ngaurar Hak to ka tavgo ta vle kuo mang o vrong tgoluk tgus!

2Korin 4:1

He ekam ko E Nut ta mrung dok he ksulgim dok va kael a ngaeha to kam havaeng o mia mang ka mokpom to a gunngar ko maktiegom dok, va kom lua kokkol hak kam patter o mia lsir ma mmok mang e Yesus e.

2Korin 4:16

Ii, kom gia lol o vnek kuo mang kua vok ta. Va kua vok to na gia yor he ka ngti na sia loloong, vanangko E Nut nam kle khortgem kua vrek mnam a kolkha langto langto kam pis a gunngar. He ekam tok, kom lua kokkol hak kam havaeng o mia mang a knovvur e.

lPilipai 1:9

He ekam tok, koma ngarkie mang nguk ti te, E Nut kmel muk ma hor mang karo papat lvu laol mruo, he nang muk kam vle kia vul orom a keknen to kmelongtok mang o mia orom karo papat lvu laol ruk endruk tok.

1Tesalonika 4:1

To tete, koornopeik kua svil kam havaeng nguk mang o papat akuruk na. Lmien mang nguk te, muma plong kaensireim E Nut orom mularo keknen ruk o mia ngma vokong nguk orom mar, gi enang ko ngot her patter muk kmensireim E Nut ormar enang tok tiok he. Vanangko tete, ko kta mnganang nguk kat ge he kaurur kim muk kam lua tu kmeharom o keknen ruk endruk, nang kle ho vua sovet kngae kmeharom akuruk kuon malpgem endruk mum kaeharom mar tete. Ii, ngot kaurur kim muk tok, ekam ko mut her kor mnam muk mang Ngoldaip e Yesus he kmokpom kar he.

2Tesalonika 3:15

Vanang mguak or kam vokom en te, mula imuo to en e. Nove, mguak kle va kaengorang, ko en munopia to en kat.

lHibru 12:3

Ii, her e Yesus arhe endo tmatnge vgum o nganngannes ruk endruk ko vgum o mia ruk ngam eharom o kerkeknen ngang ko ngat sir malngaeng tok. He ekam tok, mgua smia ngangam kim muk mang en tok, he nang muk kam lua kapngan kmor mnam muk mang E Nut, nang lo mrua ksir petgim.

lHibru 12:5

Ngat lo si el gidiel mnam muk kngam muk o yoror vop, vanangko mut her kikiangae mang E Nut karo rhek ruk tkaenserpgam muk orom mar ko ta kvam muk te, kles ruk muk, ko thavae mang langto langto mnam mor te, “Ko hal to yin, ngior kam kenhor mang Ngoldaip ko nama knen mang in kam smia kenang in. Va ngiak or kam kapngan kim En kat ko nma psom in kat e.

O Ngaelmir 2:3

Ii, mum lo korim a ngaeha to kmegom mar e. Nove, mum kle va her gia matnge vgum o vnek ruk ngma pagis kim muk ekam dok, he lua kapngan kmeharom a ngaeha to endo.