2Tesalonika 3:12 - E Nut Ka Meer Mang Ka Mokpom To A Gunngar

¹² Dok to ko kor mnam dok mang Ngoldaip e Yesus Kristus he kmokpom kar kat kua re lserppak ngang ngar ruk o lo ehaneng ruk tok he kaurur kim mar te, ngak korim a kerkeknen to endo he mur kaeha mang ngaro ol mruo mar kmemik.

2Tesalonika 3:12 ပူးပေါင်းရင်းမြစ်များ

E Luk 11:3

Va ngota kaurur kmin kmeha vgum mor ma kolkha langto langto.

lEpeses 4:28

Vanang muk ruk o ngauruvik, mguak tu kmurur o tgoluk, nang kle va kaelha kam khenam mularo singni kam lol mutaro reha mruo kam turang o mia orom mar. Ii, mguak lol o reha ruk tok, he nang endruk nong o tgoluk ngang ngar kam tuur mnam mularo serppak enang tok.

1Tesalonika 4:1

To tete, koornopeik kua svil kam havaeng nguk mang o papat akuruk na. Lmien mang nguk te, muma plong kaensireim E Nut orom mularo keknen ruk o mia ngma vokong nguk orom mar, gi enang ko ngot her patter muk kmensireim E Nut ormar enang tok tiok he. Vanangko tete, ko kta mnganang nguk kat ge he kaurur kim muk kam lua tu kmeharom o keknen ruk endruk, nang kle ho vua sovet kngae kmeharom akuruk kuon malpgem endruk mum kaeharom mar tete. Ii, ngot kaurur kim muk tok, ekam ko mut her kor mnam muk mang Ngoldaip e Yesus he kmokpom kar he.

1Tesalonika 4:11

Va a keknen to a sim re pum o mia, mguak kael te, her mula treil to kat arhe. Va mguak or kam toop kim o mia ngaro reha kat e. Nove, mgua kle va mrua tuom mularo singni mruo kmikkiem gi enang ko ngot her patter muk tiok he, kmeharom tok arhe.

2Tesalonika 3:8

Ii, va klo gia lol mularo ol he kaemik ekam muk e. Nove, parem ko, kom kle va kaeha mo segain va mo kolkhek tgus ka prongyek ka psek kmeha vgum dok mruo, he nang dok kam lo kael a vnek ngang tang mnam muk.

1Timoti 2:2

Ii, va kam ngarkie mang o taven kar ngalngunes tgus ruk ngma nho mang ngor, he nang nguaro ngorsang kam mi kut kaisis mekam mekam va nguaro vurkul kam lua putput mang o vrong tgoluk tgus. Ii, ngruaka vle tok, orom nguaro keknen ruk ngoma totu pum E Nut ormar, endruk ngta mmok ko pum kalo keik.