2Pita 3:10 - E Nut Ka Meer Mang Ka Mokpom To A Gunngar

¹⁰ Pu lmien tok, vanangko a kolkha to a kser kim ko Ngoldaip nera pis mnam, ner gia pis pangnaom o mia he kaelsenkrip ngang ngar, gi enang a ngauruvik ko nma pis pangnaom a rek kteit he kaelsenkrip ngang en tok kat. Ko mnam a kolkha to endo, a volkha nera khir he kbor klik kam loloong ka ngmeang hak va a paei ner kaem o vrong tgoluk tgus kuo ma volkha he krum mar tgus kat. Va o tgoluk tgus mo mmie kat a paei ner kaemik he ngara loloong tgus kat.

2Pita 3:10 ပူးပေါင်းရင်းမြစ်များ

E Matyu 24:35

Ii, a volkha kar a mmie nginera loloong, vanang kuaro rhek ngat lo kais kam loloong hak.”

E Mak 13:31

Ii, a volkha kar a mmie nginera loloong, vanang kuaro rhek ngat lo kais kam loloong hak.”

E Luk 12:39

Vanangko mgua kol a papat to enda na, ko enangthe a rek kteit npa ktar mnor mang ani kolkha ka ni mhe to lsir a ngauruvik ner kaol mnam, va tlo is kmennegiang ka rek, he a ngauruvik kam kher e.

lRom 8:20

Ii, ko tennik E Nut tre orom a mmie tgus, he o vlik kam kuviet, va o itok kam yaneng, va o hi kam lpus, va o ngaemslang kam yor he kngingti kat. Ii, tre orom o tgoluk tgus ruk tkueng ngar kam nop tok. Vanang o tgoluk ruk tok ngat lo mur re orom mar mruo e. Nove, tennik her E Nut to tre orom o tgoluk tgus ruk tkueng ngar kmikkiem ka svil mruo, he nang o tgoluk ruk endruk kam vle enang o mia kam kle gia nho mkor E Nut,

1Korin 1:8

Va her E Nut to kat arhe, ther enserpagam muk kam kolkol ekam En tok, he ner kle kaenserpagam muk kam vle tok ge, kam ngae kais mnam a kolkha to Ngoldaip to e Yesus Kristus na kat kaeknik mnam. He ekam tok, E Nut ner lo kais hak kam mon muk orom a kerkeknen tang hak.

1Tesalonika 5:2

ekam ko mut her smia mnor hak mang Ngoldaip te, na kat kaeknik kpis mo mmie va ner gia pis pangnaom o mia gi enang a ngauruvik ko tgi kaol ma segain ka ho ngaenvurgem hak kpis pangnaom a rek kteit tok kat.

1Tesalonika 5:4

Vanangko koornopeik, muk mum lua vle kun mnam a slommok e. He ekam tok, a kolkha to Ngoldaip nak pis mnam tlo is hak kmel votgem muk enang a ngauruvik ko nama pis pangnaom a rek kteit kmel votgem tok e.

2Pita 3:11

Mare! He ekam ko o tgoluk tgus ngara loloong enang tok, va muta pat nngia, mularo keknen ngaka vle nngia tete? Ekam tok, mguak kaegom mularo serppak tgus hak kam mur kaen muk mruo ngang E Nut, kam vle ngang En mruo orom mularo keknen ruk o totur he sim ktua kolkol ekam En mruo.

2Pita 3:12

Ii, mguak kaeharom tok tete he ka vle tok kngae kngae kat, kam tutut mnam a kolkha to E Nut nera momngan kar o mia tgus. Ii, mularo keknen ngaka vle tok, kam marer pum a kolkha to endo kam pis. Mare, a kolkha to endo, E Nut nera ngampaei pum a volkha tgus va a paei ka mman ner kael o tgoluk tgus kuo ma volkha kat he ngara guggus to le kloloong hak.

2Pita 3:7

Ii! Va her gi vgum E Nut karo rhek nga serppak to endo kat gi, E Nut ther el a mmie to tete va a volkha to tete ngina kolkha langto kam vle koknaik, he nang En kam toot mang kam ngae kais ko En kam knim a paei to alautar mnam he kngampaei pmin tgus, yek En nak momngan kar o mia ruk ngam lua totu pum En orom ngaro keknen kun mnam a kolkha to endo gi. Ko mnam a kolkha to endo, o mia ngara lol ngaro mumgu he kyor kat ko E Nut tmi kut el a mmie va a volkha to tete min kam vle kpaneng a kolkha to endo enang tok.

E Yut 1:6

Va si o engyel kat, va tennik ngat mur kansgum mar mruo to kle mur hong ngar mruo petgim ngaro serppak ruk E Nut tmi kut enik ngang ngar. To ngat kle kngorpok petgim ngaro mhetor ruk ngma nho mang ngar orom ngaro serppak ruk endruk. He ekam tok, Ngoldaip ta kleng ngaro singni va ngaro nharok orom o sen to le kngam mar kun ma hengor to ta slok, mar kam vle ko tok ngnik ngnik. Ii, ta mnang ngar kam vle enang tok kam ngae kais ma kolkha to alautar, endo E Nut kam monik kim a kapnes ngang ngar kam vle tok ngnik ngnik kat.

O Ngaelmir 16:15

“Mu vokom dok na, ko ngora pis pangnaom muk gi enang a ngauruvik ko nma pis pangnaom o mia kmurur ngaro tgoluk. Ii, vanangko endo nam kaennei he kael kakro it ko rkieng, her endo ta lgekol arhe, ekam ko en tlo is kam leep ko nera hop orom kakro it ko vanam he ner lua sap kngae en a gi mit kam ngae kaus e.”

O Ngaelmir 20:11

To ko kaengogo orom E Nut ko tkorsang kuon mang ka ngorsang to klalaut ko ta kas. Ko vokom tok, va ko kle kvokom a mmie va a volkha kat ko ngint her gia loloong he o mia ngat lo kta vokom min kat e.

O Ngaelmir 21:1

To ko vokom vop, va ko vokom a volkha to a gunngar va a mmie to a gunngar kat, ko a mmie va a volkha ruk E Nut ta ktar kueng ngin ngint loloong. Va a mou ther loloong kat.

O Ngaelmir 3:3

He ekam tok, mgua kta pat mang E Nut karo rhek ruk mut nganik tesgun ko mut lol he. Ii, mguak ngan vgum E Nut he kaitgung mularo kerkeknen. Vanangko enangthe mgua lua svil kmitgung ngar, va ngora pis pangnaom muk gi enang a ngauruvik nma pis pangnaom o mia kmaurur ngaro tgoluk. Ii, ngora pis pangnaom muk tok mnam a kolkha to mut lua mnor mang.

O Ngaelmir 6:14

Va ko vokom a volkha kat ko ta nho enangthe E Nut tmur llum he kaursie ngoguo, gi enang a mhel to ta llum a meer. Va a mmie ta khi, va o vlik va o nut tgus ngat kaurursie kparem ngaro ngaekmol petgim mar.