2Pita 2:9 - E Nut Ka Meer Mang Ka Mokpom To A Gunngar

⁹ Mu vokom na, ekam ko o rhek ri mang o mia ruk endruk ngta mien tok, va ta khenam ngang ngor te, Ngoldaip nam smia mnor kam turang o mia ruk ngam sim kut kaikkiem karo keknen kam pet mar petgim ngaro vnek. Va ta khenam kat te, E Nut nam smia mnor kat kam lua tutut mang a kolkha to kam momngan kar endruk ngam lo kaeharom o keknen ruk ngta sir ko pum kalo keik ko tpaneng a kolkha to endo kam pis. Vanang ta kle lo korim mar lhok kam lua marer kmen ngaro kapnes ngang ngar enang tok kat ge.

2Pita 2:9 ပူးပေါင်းရင်းမြစ်များ

E Matyu 10:15

Kua mien ha, mguak kaeharom tok arhe ko kua havaeng nguk te, ner vur kongeik ngang o kermia ruk lSodom va lGomora mnam a kolkha to ngak sir ko pum E Nut kalo keik. Vanang a rengmat to na lua ngatkal mang nguk, ner ho mi ktua kernonho ngang hak.”

E Matyu 6:13

Va ngot kaurur kmin kat te, Yin kmenserpagam mor kat kam lo mrua ngam mor mruo ekam o ngaegom ruk ngak pis kim mor kat. Vanang ngiak kle va kpet mor petgim e Seten to tho mi kut kernonho hak. [Ngiak kaeharom tok ekam ko her Yindo arhe ima vle ngnik ngnik orom ila serppak kar ila mmok, va mor ruk ilaro mia ngoma vle ku meorom ila tavgo.]’

lRom 2:5

Vanangko mu vokom na, ekam ko mum vua kerngnek vgum E Nut kam ho lua svil hak kmitgung mularo kerkeknen tok, va mum mrua hoger E Nut ka ngaesik to ngang nguk. He mnam a kolkha to E Nut nera mon o mia tgus orom ngaro kerkeknen kmikkiem ka ngaesik to endo, ner kaikkiem karo papat ruk ngta sir he le khenam ka ngaesik ma mmok kam mon muk orom mularo kerkeknen tok kat.

1Korin 10:13

Lmien te, o tgoluk ngo mamten tgus ruk ngam kaegom mularo serppak ko ngama kirpagis kim muk, her o tgoluk ngo mamten ruk ngama kirpagis kim o mia tgus kmegom ngaro serppak tok kat. Nang nong tang mnam mar, a gunngar e. Va lmien kat te, E Nut nama pat mang ngor, nang lua kaennegiang o tgoluk ruk ngo mamten ruk ngam kaegom nguaro serppak kam vanker mor he kvuvuem mor e. Ko mnam a kolkha to o tgoluk ngo mamten ngam kaegom mularo serppak, va E Nut ner kaeharom a ngaelaut tang ngang nguk, muk kam mrua hong nguk pum o tgoluk ruk endruk, he nang muk kam sir lserppak kim mar.

2Timoti 3:12

Kua mien ha, ko endruk tgus ngat kor mnam mar mang e Yesus te, her en arhe Endo E Nut Thim Orom Ka Msasaen he kmokpom kar va ka svil kam sim kut kaelel kmar mruo mang E Nut karo rhek ruk o minar kmikkiem mar, va o mia ngar mia kol a regesal mang ngar tok arhe.

E Taitus 2:14

Ko nguaro tutu ruk ngot elik ngang E Nut vgum nguaro kerkeknen, her e Yesus to tmur slak orom en mruo kam yor mang ngor arhe, kmel a ngaekam ekam mor orom ka vok mruo. Ii, tyor mang ngor tok, he kmomgol mor pum nguaro kerkeknen kmel mor kam mi ktua vle te, karo mia mruo ruk ngota vle ngang en mruo, he nang mor kam sovet kam svil kmeharom o keknen ruk lyar.

2Pita 2:4

Ii, E Nut ner lo konit orom nga kapnes hak, ko mu vokom na, o ker engyel ruk ngat eharom o kerkeknen tennik, E Nut tlo mnang tang mnam mar hak kam lo kaen a kapnes ngang kat e. Nove! Ther kle va kaenpasiker mar tgus ko mnam a hengor to ogu mLol ku kia paei to a vleir. A mhe to endo, a mhe to a slommok alautar nma vle mnam, he ngar le ka vle ko tok kais mnam a kolkha to E Nut nera momngan kar mar kmen nga kapnes ngang ngar.

2Pita 3:7

Ii! Va her gi vgum E Nut karo rhek nga serppak to endo kat gi, E Nut ther el a mmie to tete va a volkha to tete ngina kolkha langto kam vle koknaik, he nang En kam toot mang kam ngae kais ko En kam knim a paei to alautar mnam he kngampaei pmin tgus, yek En nak momngan kar o mia ruk ngam lua totu pum En orom ngaro keknen kun mnam a kolkha to endo gi. Ko mnam a kolkha to endo, o mia ngara lol ngaro mumgu he kyor kat ko E Nut tmi kut el a mmie va a volkha to tete min kam vle kpaneng a kolkha to endo enang tok.

E Yut 1:6

Va si o engyel kat, va tennik ngat mur kansgum mar mruo to kle mur hong ngar mruo petgim ngaro serppak ruk E Nut tmi kut enik ngang ngar. To ngat kle kngorpok petgim ngaro mhetor ruk ngma nho mang ngar orom ngaro serppak ruk endruk. He ekam tok, Ngoldaip ta kleng ngaro singni va ngaro nharok orom o sen to le kngam mar kun ma hengor to ta slok, mar kam vle ko tok ngnik ngnik. Ii, ta mnang ngar kam vle enang tok kam ngae kais ma kolkha to alautar, endo E Nut kam monik kim a kapnes ngang ngar kam vle tok ngnik ngnik kat.

O Ngaelmir 3:10

He ekam ko muk mut her matnge vgum o vnek he lo kaeloong mnam o vnek ruk endruk, mar kam marer kam nop, nang kle sim ktua toot mang kuaro rhek he kaikkiem mar ge, va dok kat ngor smia toot mang nguk kat mang o vnek ruk endruk ko ngara pis kim o mia tgus ruk mo mmie kmegom mar.