2Korin 7:5 - E Nut Ka Meer Mang Ka Mokpom To A Gunngar

⁵ Ii, ko tetku mnam a kolkha to kua ngae kpis mMasadonia va kua papat te sei kam vle mang nguk va klo korsang ka vle vop tie ko ko sia ring e Taitus kam kol a re mang nguk, va kua vok tlo vu kongeik e. Ko si mriem mriem ko koma ngae, va kua vok tlo vu kongeik vgum o vnek ruk ngama kirpagis kim dok ko kuaro imuo ruk ngat lo kor mnam mar mang e Yesus ngta vle urkleim dok orom o vnek he kvanker dok orom mar, va vgum o vnek ruk ngma pis kim dok ko kuaro papat ngma kervavle mang nguk ruk mut kor mnam muk mang e Yesus kat ge.

2Korin 7:5 ပူးပေါင်းရင်းမြစ်များ

O Aposel Ngaro Reha 20:1

Ko pekam ko o mia ngat kaum kaen ekam e Pol knop, e Pol ta vle to hera vaeng e Yesus kalngunes ruk ko tok, mar kam kaum. Tenserpgam mar knop, to ta mrung ngar to le kparem mar kam ngae mMasadonia.

lRom 15:26

Ko o vrong rhek ruk lMasadonia kar lAkaia ngta sirei kmen o krek ekam dok ngang E Nut karo mia mruo ruk ngat kor mnam mar mang En ko mYerusalem ko akuruk mnam mar ngta tu kmo tgoluk.

1Korin 15:31

Kua mien ngang nguk orom kuaro rhek ruk endri te, kom mur kaen dok mruo mo kolkhek tgus ko mo kernonhommok, dok kam yor. Kua mien tok, gi enang ko koma mien kam karmail mang nguk ko mut kor mnam muk mang Ngoldaip e Yesus te, her en arhe Endo E Nut Thim Orom Ka Msasaen he kmokpom kar.

1Korin 16:5

To kopekam ko nguak kaelha kaeha kngae ko mnam a mhe to e Masadonia, ngora pis ngok kmuk kat. Vanangko ngora ktar kaelha kvaik kottek mnam o rengmat ruk ko mMasadonia na.

2Korin 2:13

Ii, E Nut tsi koregot kim dok ko tok, vanangko klo pis mang ko nopia to e Taitus ko tok kam kol a re tang ko vgum en mang nguk e. He ekam tok, kuaro papat ngat ngae sei kam vle mang nguk va klo sim korsang ka vle vop. He ekam tok, ko gi vur vle nong ke laut ko mTroas, to ko hera mrung ngar to hera ngae mMasadonia kam ring e Taitus.

2Korin 2:3

He ekam tok, mut her lo vokom kualo keik ko tok mKorin her mang tok arhe. Vanang ko her kle gi ittiek lserppak kun mnam kua hor langto tesgun, he nang muk kam ktar khim to le kaitgung mularo kerkeknen ktar mang dok kam pis ka ptang nguk. To ngrua kle kpis ngok kmuk va kua vrek ner lo kais kam kta kervavle pum muk tok. Ko her muk ruk arhe mgua her le gi kaeharom kua vrek kam sirei. Ii, tesgun ko ittiek ngang nguk enang tok, ekam ko kuaro papat ngat ho mi ktua serppak mang nguk tgus te, mguera lol kuaro rhek ruk kun mnam kua hor to endo he kael mularo kerok ekmar, he nang dok kar muk kam kaum ksirei tgus.

2Korin 2:9

Ii, va a pat to tem dok tesgun he ko ittiek ngang nguk ta vle ti te, kua svil kmegom muk he kvokong nguk te, mguer mi kut kaikkiem kuaro rhek tgus kam mi kaenpasiker a mhel to endo tok, i o nop.

lGalesia 4:11

He ekam ko mum kael riring E Nut kmel muk kam vle la mmok ko pum kalo keik vgum mar tok, kua gor te, nok ko her koham kua serppak he vgum kuaro reha ruk kue vu sovet kmeharom mar ngang nguk vor.

1Tesalonika 3:5

He her gi vgum ko ngat kol a regesal mang nguk he kvanker muk orom o vnek ruk endruk arhe, kuaro papat ngat kervavle mang nguk tete. To ko her matnge vgum a vnek to kua vok kmel ring nguk kam ngae kais ko a vnek to endo tngae ho vanker dok he ko ho lo kat kais kam matnge vgum. To ko her meng e Timoti ngok kmuk he ko kua svil kam mnor mang mularo papat ruk kmor mnam muk mang e Yesus. Ko kua gor te, nok e Seten to nam kaegegom o mia na her egom muk orom o gi vrong vnek ngo mamten he mgua kle kvuvuut vgum mar tok, he nok ko gi mur koham nguaro reha ruk pum muk vgum o vnek ruk endruk tok kat.