2Korin 6:17 - E Nut Ka Meer Mang Ka Mokpom To A Gunngar

¹⁷ “He ekam tok, mgua mrua kser muk petgim ngaro kerkeknen hak. Mgua lo kat kais kam vle enang ngar kat e. Mularo keknen ngaka vle ho yok ge, petgim ngartakor. Mguaka vle tok he lo kaehang a tomhel tang to mkor mar ko tlua mmok ko pum kualo keik. To endo yek, ngora tting mang nguk kam vle ko kim dok.”

2Korin 6:17 ပူးပေါင်းရင်းမြစ်များ

O Aposel Ngaro Reha 2:40

E Pita thavaeng ngar tok, to le kaurur kmar he kpagorang ngar orom karo rhek vang te, “Muk mgua mrua sulgim muk mruo kam mrua ksir kmeharom o kerkeknen ruk o kermia nga main to tete ngam kaeharom mar.”

lRom 15:7

He ekam tok, mguak mo nho kuon mang nguk, gi enang Endo E Nut Thim Orom Ka Msasaen ko en ta nho kuon mang nguk tok kat, to endo yek, o mia ngar kais kam hover E Nut ka munik her vgum muk tok arhe.

2Korin 7:1

To kolenar ruk kom vu kaelongtok mang nguk, ekam ko E Nut tel ka tnangal to endo ngang ngor va ngrua mrua kser mor pum nguaro kerkeknen petgim mar hak, ko her mar ruk arhe ngam kaeharom nguaro pkor va nguaro vurkul kam vle lua mmok ko pum E Nut kalo keik. Ii, ngrua mrua kser mor pum nguaro kerkeknen tok, nang kle kolkol ekam E Nut karo keknen mruo, mor kam ho mi kut kaisis tgus kngae ka ngmeang orom karo keknen ruk endruk tok. Ngruak kaeharom tok, ekam ko ngoma totu pum E Nut, he nang mor kam kle ktua vle la mmok hak ko kim kalo keik gi enangthe ngot her parrur orom ka munik he.

O Ngaelmir 18:4

To ko ngan a ktui langto ko ta rere kuon ma volkha ko thavae te, “Muk ruk kuaro mia mruo, mguak kottek kun mnam a rengmat to endo. Mguak or kam tuur mnam karo kerkeknen ruk endruk, he nang o kernonhommok ruk ngua re kmelik ngang a rengmat to endo kam lua lol muk kat.