2Korin 5:8 - E Nut Ka Meer Mang Ka Mokpom To A Gunngar

⁸ To enang ko kua re, kuaro papat ngta vle lserppak mang E Nut ka tnangal to kmen nguaro pkor ruk o gunngae ngang ngor. He a papat to dok koma svil mang tete ta vle te, dok kam yor he kparem kua rengmat mo mmie orom kua vok to koma tra mnam, nang kle kngae ngok mrek msim ko mnam kua rengmat ka pun msim tkuon ma volkha kam vle kar Ngoldaip.

2Korin 5:8 ပူးပေါင်းရင်းမြစ်များ

E Matyu 25:21

To kalaip tkanprim te, ‘O, kolkayie a yar hak to yin, ekam ko yi ngae sim kut tar kuaro kirpik he sim kut papuntom ike ngaeha atgiang to enda, va tete ngor le kael yin kam ho gia nho mang o reha ruk ngarlavurgem vat. Yu! He vaik ngte kim dok kam kaum ksirei kar dok mnam kua pnes.’

E Matyu 25:23

To kalaip tkoripang te, ‘O, kolkayie a yar hak to yin, yi her sim kut papuntom ike ngaeha to kat he, he tete ngor le kael yin kam nho mang o reha ruk ngarlavurgem vat. Yu! Va yin kat ngiak vaik ngte kim dok kam kaum ksirei kar dok mnam kua pnes kat!’

E Luk 2:29

“Ngoldaip yin mruo im vua nho mang o tgoluk tgus he ekam tok, ngiak kaikkiem ila tnangal to ye her el ngang dok, endo kam vaeng dok ngok kmin yek, ekam ko ko her vokom Endo Kam Sulgim O Mia He Khong Ngar Pum Ngaro Kerkeknen he. Ii, kua vrek thera vle longeik ekam ko ko mur vokom endo orom kua lo keik mruo.

E Yoanes 12:26

Ii, endo nma svil kmeha ngang dok, na smia mokpom kar dok va karkar ekam kuaro leik. He enang tok, kolkayie to en, nera vle ko kim dok mekam mekam mnam a mhe to koma vle mnam. Va E Titou nera teiver endo arhe nam kaeha ngaok.

E Yoanes 14:3

Vanang ekam ko kua re kam ngae ktatar o ngaekmol ruk endruk ekmuk, va ngor kat kaeknik kam pis ka nglum muk kat, muk kam ngae ka vle ko kim dok, ko tok mnam a mhe to dok mruo kua re kam vle mnam.

E Yoanes 17:24

Va Titou, endruk yi ktar el mar maktiegom dok, kua svil te, mar kam vle ko kmok ko tok mnam a mhe to kua re kam vle mnam, he nang mar kam vokom kua serppak to yi el kuon mang dok, ekam ko im vu kaelongtok mang dok, tie ktar ko yi lo kueng a mmie ta vop.

O Aposel Ngaro Reha 21:13

Ngot kaurur kim urur kim va e Pol tle kut koripang ngor te, “Kman ko mut kaee mang dok he vu kat kael kaetim dok mang nguk enang tok? Ko ko her mur elel dok mruo, mar kam gi kaussiem dok he, va si mar kmim dok kngam dok a yoror kat ko tok mYerusalem ekam Koldaip e Yesus ka munik.”

2Korin 5:6

Mare, ngom sia vle mo mrek ko mnam ngua rengmat mo mmie vop orom nguaro pkor ruk enang o rambel he kvavle si malhagenmok mang Ngoldaip to ngok mrek msim ko mnam ngua rengmat ka pun msim tkuon ma volkha tok vop, vanangko kuaro papat ngma vle lserppak mekam mekam mang En kmeharom mor tok ge.

2Korin 5:9

Mare, he ekam ko kua svil kam vle kar Ngoldaip tkuon ma volkha tok, va kom kael kualo keik mang a pat to atgiang mo mmie, endo kam her gi ensireim En. Ii, ngua sia vle mo mmie orom kua vok ka mten ta, i o ngua yor parem kua vok ta kam ngae kuon mnam kua rengmat ka pun msim to kuon ma volkha kar e Yesus, vanangko kom kael kualo keik mang a pat to atgiang tuk, endo kmensireim Ngoldaip ge.

1Yoanes 3:2

He kolenar ruk kom kaelongtok mang nguk, ngot her pu vle te, E Nut kles ruk mor tete, vanang mang a mngan to te, ngor kam kle ka vle nngia koknaik, ngot lua mnor mang, ko E Nut tlo polger a papat to endo vop. Vanang ke gi papat to ngot mi mnor mang tete, ta vle ti te, mnam a kolkha to lsir ko E Nut naka khenam e Yesus ma mmok ko na kaeknik kpis mnam, E Nut ner mia hortgem mor he mor ngrer mi ktua vle gi enang En. Mare, ko ngrer mi vokom ka mi mit ka mnor mang tok arhe.

O Ngaelmir 22:3

Va mnam a rengmat to endo nong a tomhel tang to E Nut ta re orom en kam yor, tkais kam vle ko tok. Gi a ngorsang to mkor E Nut kar Endo ta vle enang A Sipsip To A Sital nera vle ko tok kun mnam a rengmat to endo. Va E Nut karo mia mruo ngara vle ko kim kmeha ngang kat.