2Korin 4:8 - E Nut Ka Meer Mang Ka Mokpom To A Gunngar

⁸ Mu vokom na, o vnek ngarlavurgem ngam sia vanker dok, vanangko e Yesus nam lo korim o vnek ruk endruk kam vovoem dok he kngam dok e. Va kom ngae sia rute krute vgum mar he sia ngangam kim dok vgum mar kat, vanangko e Yesus nam lo korim mar kam rum kim dok kat e. Nove.

2Korin 4:8 ပူးပေါင်းရင်းမြစ်များ

E Yoanes 14:18

Ii, va nguak yor va kta hop he kaeknik ngok kim E Titou, vanang ngor lua mnang nguk kam gia vle enang o tumrek e. Nove! Ngor kat kaeknik ngte kmuk kat.

1Korin 10:13

Lmien te, o tgoluk ngo mamten tgus ruk ngam kaegom mularo serppak ko ngama kirpagis kim muk, her o tgoluk ngo mamten ruk ngama kirpagis kim o mia tgus kmegom ngaro serppak tok kat. Nang nong tang mnam mar, a gunngar e. Va lmien kat te, E Nut nama pat mang ngor, nang lua kaennegiang o tgoluk ruk ngo mamten ruk ngam kaegom nguaro serppak kam vanker mor he kvuvuem mor e. Ko mnam a kolkha to o tgoluk ngo mamten ngam kaegom mularo serppak, va E Nut ner kaeharom a ngaelaut tang ngang nguk, muk kam mrua hong nguk pum o tgoluk ruk endruk, he nang muk kam sir lserppak kim mar.

2Korin 12:10

Yu, va koma sirei mang o vnek ruk ngma khenam dok ma mmok te, kom lo kaurur vgum mar tok ekam ko ko kais kam khenam Endo E Nut Thim Orom Ka Msasaen ka serppak to ta vle kun mnam dok ma mmok her vgum o vnek ruk endruk enang tok arhe. Ii, ko o mia ngama kekner dok, va koma viging o vnek, va ko o mia ngma kol a regesal mang dok, va o reha ngma koppet ngang dok kat. Ii, mo kolkhek ruk o gi vrong vnek ri ngta kol dok he ka khenam dok ma mmok te, dok kom lo kaurur vgum mar, yek endo yek ko ho mi ktua serppak hak her gi vgum e Kristus ka serppak enang tok arhe.

2Korin 6:12

Lmien te, kuaro papat ngma kervavle vgum o vnek, vanangko klo mrua hak kmok kim muk mang kua keknen to kmelongtok mang nguk hak. Nove. Parem ko, her muk ruk arhe, muk ruk mut mur hak kmuk kim dok mang mula keknen to kmelongtok mang dok ha.

2Korin 6:4

Vanangko kuaro keknen tgus ngam kle va mrua sir orom dok kam khenam dok ma mmok te, dok to E Nut kalkayie msim to kom kaeha ngang En, kua ngaeha tgus tmia mmok hak ko pum E Nut kalo keik, ko koma matnge vgum o vnek. Va si o gi vrong vnek tgus ruk ngma pis kim dok nngia nngia, vanangko kuaro keknen ngam mia sir orom dok kam khenam dok ma mmok te, kua ngaeha tmia mmok hak ko pum E Nut kalo keik tok. Ii, kua rere mang kuaro keknen ruk koma vle orom mar vgum o vokngnes, va endruk koma vle ormar vgum kuaro papat ko ngta kervavle mang ngar, va endruk koma vle ormar vgum o vnek ruk kom ngae sia rute krute vgum mar ko o mia ngma kol a regesal mang dok orom mar kat.

2Korin 7:5

Ii, ko tetku mnam a kolkha to kua ngae kpis mMasadonia va kua papat te sei kam vle mang nguk va klo korsang ka vle vop tie ko ko sia ring e Taitus kam kol a re mang nguk, va kua vok tlo vu kongeik e. Ko si mriem mriem ko koma ngae, va kua vok tlo vu kongeik vgum o vnek ruk ngama kirpagis kim dok ko kuaro imuo ruk ngat lo kor mnam mar mang e Yesus ngta vle urkleim dok orom o vnek he kvanker dok orom mar, va vgum o vnek ruk ngma pis kim dok ko kuaro papat ngma kervavle mang nguk ruk mut kor mnam muk mang e Yesus kat ge.

lGalesia 4:20

Koma kolkol a nganngannes kun mnam dok, ko kuaro papat ruk mang nguk ngma kervavle hak, va kua vok nam vu kael ring nguk, dok kam vle ko kmuk tete. Ko enangthe kopa vle ko kmuk va ngua lo kat kais kmittiegom kuaro rhek ri lesik ngang nguk enang ti kat e.