2Korin 3:12 - E Nut Ka Meer Mang Ka Mokpom To A Gunngar

¹² Mare, he ekam ko koma nho mkor E Nut kmimim kim o rhek mang nguaro kerkeknen kmeharom mor kam vle la mmok ko pum kalo keik, va kom lua kokkol hak kam rere lserppak ma mmok mang E Nut ka mokpom to a gunngar to endo e.

2Korin 3:12 ပူးပေါင်းရင်းမြစ်များ

E Yoanes 10:24

to o Yuda akuruk ngat kaum kpis ko kim he ka mnganang te, “Ngira polger ilaro rhek ruk mang in mruo nganngor, he mor kam lo kta lopumtang pum in? Ngiak havaeng ngor lsir na te, Endo E Nut Thim Orom Ka Msasaen her yin arhe i o nop?”

E Yoanes 16:25

Pu lmien te, kom her gia rere la vlorum ngang nguk mang o tgoluk ruk endri, vanangko vur koknaik ko a kolkha to endo nak pis, ngor lo kta rere la vlorum ngang nguk kat e. Nove, ngor kle va krere orom o rhek ngo miel msim ma mmok ngang nguk kam keknen mang E Titou.

E Yoanes 16:29

E Yesus ta re tok, to kalngunes ngata reng kat te, “O-o, tete yi mia rere ma mmok ngang ngor kngae yek, ko yi lo kta rere la vlorum ngang ngor kat e.

O Aposel Ngaro Reha 14:3

He ekam tok, e Pol kre Barnabas nginta vle lhok ko kmar kam rere lserppak ngang ngar mang Ngoldaip. He Ngoldaip tkaen a serppak kun mnam min he tkut kaeharom o ngaelmir ruk lserpgue va o reha ruk ngma sor kmar ko maktiegom min kmenserpgam nginaro rhek ruk mang ka mamrung.

O Aposel Ngaro Reha 4:13

Nginta rere lserppak he lua gor ko pum endruk laol ngaro kerok tok, to ngata senkrip kmin ko ngta tar ko min minta vle enang o gi vrong mia ruk ko mrek ko nop o papat ruk laol mnam min e. Ngta tar tok, to le kol a papat ta te, alo mhel ri nginta mokpom kre e Yesus he kaikkiem kat.

O Aposel Ngaro Reha 9:27

Vanangko a mhel langto ka munik e Barnabas ta le ktua vaeng e Sol kngorom he kael ko kim o aposel. To tsim ktua keknen ngang ngar mang e Sol te, tmur vokom Ngoldaip ko ekam a ngaelaut he Ngoldaip tmur rere kar. Va thavaeng ngar mang e Sol ko tvu smia polger o rhek mang e Yesus ka munik oguo mDamaskas he lua gorang o mia e.

O Aposel Ngaro Reha 9:29

Nama rere lsir va en kar o Yuda ruk ngma rere orom o Grik nga re ngma mo kir mo kmar mang o papat ruk mang e Yesus. Vanangko o Yuda ruk endruk ngam kael onit ngang kmim kngam a yoror.

1Korin 14:19

Vanangko mnam o kolkhek ruk E Nut kakro ngaomevek ngama kaum kam totu pum En, ta ya dok kam vrua rere nong ke laut orom o rhek ruk o mia ngat kais kam ngannik kam smia keknen ngang ngar, nang tlo vu ya dok kam vua ngarkie orom a re langto yok kam hoger tok e.

2Korin 10:1

Vae, muk lKorin, tete akuruk mnam muk ngma kerrereng dok kam havae te, “Mnam o kolkhek ruk koma vle ko kmuk koma koka lmomgol he gia mamres kongeik ngang nguk, vanang mnam o kolkhek ruk kom kle ka vle malhagenmok mang nguk va kom kle va kaittiegom kuaro rhek ruk kam gervik kim muk hak.” Vanangko tete, dok e Pol mruo ta he, ko gia vle ngang nguk enang a mhel to a sim re, he lua kikir kim muk kmel a papat to kmoripang nguk. Ii, kua vle ngang nguk tok tete, gi enang ko koma kolkol ekam Endo E Nut Thim Orom Ka Msasaen ko en nam kok mi ktua vle ngang o mia enang tok kat. Kua vle tok he ho mi ktua kaurur kim muk kam ngan vgum dok na.

2Korin 3:11

Yu! He enangthe a mokpom to tesgun, ther pis orom a serppak to orom a mmok to endo, ko tmia loloong kngae kam ngae ho mia nop, va mu vokom na, a mokpom to a gunngar, endo nera plong vle ngnik ngnik ta khenam ma mmok te, tmi kut laut hak kir kim endo tesgun her gi ekam ko nma plong vle ngnik ngnik he lua loloong kam nop hak tok arhe.

2Korin 4:13

Ii, kua ngaeha ta vle gi enang ko ngat ittiegom E Nut karo rhek ruk endri te, “Ko kor mnam dok mang in he kmokpom kar yin. He ekam tok, kom kaeha kngae kam havaeng o mia mang in.” Ii, he kmikkiem E Nut karo rhek ruk endruk tok, dok kat ko kor mnam dok mang E Nut he mokpom kar gi enang tok kat. He ekam tok, kom gi kaeha kngae kam havaeng nguk ruk lKorin mang En tok kat mekam mekam orom a knovvur.

2Korin 7:4

He ekam tok, dok ko ho mi ktua serppak mang nguk te, mguer kta mokpom kar dok ge, va kaelongtok mang dok kat. He koma karmail mang nguk he kanprim muk ko kim o mia akuruk yok kat. He ekam tok, o papat ruk mang nguk tok ngat ho mi kut kaenkrovgem dok hak. Va si o vnek ngam sia pagis kim dok va kome ksei kam sirei mang nguk hak ge, kir kim mar.

lPilipai 1:14

Va kmel a papat kuon mang kat, a ngaenpasiker to tkol dok moti tle kaenkrovgem koornopeik akuruk mnam endruk ngat kor mnam mar mang e Yesus he kmokpom kar kat, he ngat kle ho lo kta gorang o mia kat e, ko ngat kaelha kam havaeng o mia mang E Nut karo rhek kat. Ii, kavurgem ngat lo kta kokkol kam havae mang e Yesus tete e. Gi lgititge mnam mar ngta gor vop.

lPilipai 1:20

Ii! Kua papat to koma nho mkor E Nut kmeharom ko koma tutut mnam kam pis lmien, her enda arhe te, dok kam ho lo vrua leep mang a tomhel tang hak ko kim o momngan ngaro kerok, nang kle va ho mi kut kais kam lua kokkol kam rere lserppak kim mar. Ii! Kua svil kam lua kokkol kam rere lserppak kim mar tok tete, va ka vle tok kngorom kngorom ge. Ko enangthe kop lua kokkol kam rere lserppak ko kmar tok, va ngor kais kam hover e Kristus ka munik ko kim mar tok. Ko si enangthe ngpa lgem o rhek kam hong dok petgim a hengor ta, dok kam ngae ka vle vop, va kop kais kam hover e Kristus ka munik orom kuaro rhek tok arhe. Vanang enangthe ngap kle va ka lgem o rhek te, kmim dok kngam dok a yoror va ko kais kat ge kam hover e Kristus ka munik ormar tok kat.

lKolosi 4:4

Mare, mguak ngarkie mang dok te, dok kam sim ktua nantom o rhek, kmel o mia ma hor mang ngar, kmikkiem enang ko E Nut tel a ngaeha to endo ko maktiegom dok tok.

1Tesalonika 2:2

Ii, ko muta mnor mang dok te, tesgun ko ngot lo pis ko kmuk vop, o mia ruk ko mPilipai ngat kerrereng dok kre Silas he kol a regesal mang nguo. Lmien te, ngata sir kim dok lserppak tesgun tok, vanangko tete E Nut ther kle kturang nguo he kaenkrovgem dok, he nang dok kam kta kaegom kuaro serppak kat kam lo kat kaursie vgum mar kam kle kngae ngok kmuk kam havaeng nguk mang a knovvur kat ge.

1Timoti 3:13

O diken ngaka vle tok arhe, ekam ko, endruk ngam sim kaeha ngang e Yesus ka ngaomevek langto orom ngaro keknen ruk tok, her mar ruk arhe o mia ngat kais kam nho orom mar, va her endruk kat arhe ngam lua kokkol kam rere mang ngaro papat te, ngat kor mnam mar mang e Yesus te, en her Endo E Nut Thim Orom Ka Msasaen kat arhe.

E Pilimon 1:8

Pilimon, muo mom kaelongtok mo kmuo, va mang E Nut karo mia kat. He ekam tok, ko gia ngam a re ngang in kmurur kmin, yin kam kol a ngaeha to ngia mi kut kaeharom he. Pu lmien te, ko mi kut kais kam sopong in orom a serppak to e Kristus tel maktiegom dok, he nang yin kmeharom a ngaeha to enda, vanangko kua kees kam sopong in tok. Ngor kle va gia ngam a re ngang in kam kok mi kut kaurur kmin kmeharom ekam ko kua svil kam khenam ma mmok ngang in te, kom kaelongtok mang in. Ii, Pilimon, dok mruo lsir he, dok e Pol, ko ngae he kngae ho ka vle mrek. Va ngat el dok kat kun ma hengor ta ekam ko kom hera havae mang e Yesus ngang o mia te, her en arhe Endo E Nut Thim Orom Ka Msasaen.