2Korin 3:11 - E Nut Ka Meer Mang Ka Mokpom To A Gunngar

¹¹ Yu! He enangthe a mokpom to tesgun, ther pis orom a serppak to orom a mmok to endo, ko tmia loloong kngae kam ngae ho mia nop, va mu vokom na, a mokpom to a gunngar, endo nera plong vle ngnik ngnik ta khenam ma mmok te, tmi kut laut hak kir kim endo tesgun her gi ekam ko nma plong vle ngnik ngnik he lua loloong kam nop hak tok arhe.

2Korin 3:11 ပူးပေါင်းရင်းမြစ်များ

2Korin 3:10

Ii, E Nut ner kle ka khenam ka serppak langto yok ma mmok orom E Nunu A Totur vgum ka keknen to kmimim kim o rhek mang o mia ngaro kerkeknen kmeharom o mia kam vle la mmok ko pum kalo keik. He her gi enang tok, E Nut nera khenam ka serppak langto yok ma mmok kir kim endo tesgun, ekam ko ka mokpom to tesgun ka serppak to orom a mmok tmia loloong kngae kam ngae ho mia nop hak. Va tlo kta vle kat e. Ko tete E Nut ka mokpom to a gunngar ta pis orom ka serppak to tmi kut laut hak kir kim endo tesgun, ko nera plong vle ngnik ngnik.

2Korin 3:12

Mare, he ekam ko koma nho mkor E Nut kmimim kim o rhek mang nguaro kerkeknen kmeharom mor kam vle la mmok ko pum kalo keik, va kom lua kokkol hak kam rere lserppak ma mmok mang E Nut ka mokpom to a gunngar to endo e.

2Korin 4:1

He ekam ko E Nut ta mrung dok he ksulgim dok va kael a ngaeha to kam havaeng o mia mang ka mokpom to a gunngar ko maktiegom dok, va kom lua kokkol hak kam patter o mia lsir ma mmok mang e Yesus e.

lHibru 8:13

Mare, he ekam ko E Nut tmon ka mokpom to endo te, “a gunngar,” ta khenam ka mokpom to E Nut ta ktar el tennik ma mmok te, nong ka serppak ngang kat e. He ekam tok, ka mokpom to tennik nong karo kleim ngang kat tete, he tre kam loloong ko nong ka serppak ngang kat.