2Korin 2:7 - E Nut Ka Meer Mang Ka Mokpom To A Gunngar

⁷ To tete, mguak or kam kta ho vua vanker a mhel to endo orom a kapnes to tok. Orim he, nang kle va kol ka kerkeknen to endo patgiang ngaiting he kikiangae mang hak, nang kle va kat kaenkrovgem kat. Mguak kle kat kaenkrovgem he kol ka kerkeknen patgiang ngaiting, matok na ho vua mrung en mruo hak to ka mamrung nak vovoem tgus, to en ner kle mrua ksir petgim e Yesus hak vgum tok.

2Korin 2:7 ပူးပေါင်းရင်းမြစ်များ

1Korin 15:54

Ko mnam a venloot to nguaro pkor ngo mamten ruk ngat kais kam yor he ka ngti ngak hortgi enang tok, he ngot pi orom nguaro pkor ruk o gunngae ko ngat lo is kam yor he ka ngti, E Nut nera kaottam karo rhek ruk ngat ittiegom mar, mar kam pis lmien ko ngat ittiegom mar te, “E Nut nera hover o yoror petgim ngaro nnak kir kim e Seten ka serppak to nam kaim o mia kngam mar o yoror.” Va

2Korin 2:8

Yu! He ekam tok, ko kaurur kim muk kam kta vaeng a mhel to endo ko kmuk he ho mi ktua khenam muk mruo ma mmok ngang te, mum mi kaelongtok mang vop.

2Korin 5:4

Ii, kmikkiem enang ko kua re, koma tra mnam kua vok to ta vle enang a rambel he kpaneng e Yesus kmeknik va kom kael kua ktui kmurur kim E Nut. Kom kaurur kim E Nut tok, vgum a vnek to mang ko kom lua svil kam vle enang a mhel to la gimit ko pum E Nut kalo keik e. Ii, kom ho lua svil hak kam yor he ka vle enang a yor to ngat kuit pum he lo kaegenkar orom ka yet to a gunngar e. Nove. Parem ko, koknaik ko nguak hop petgim kua nnak, ko kle ka svil kam hop petgim kua mnes, to kle kpi orom kua vok to a gunngar, endo ngora kol a ktalhok to kam plong vle ko kim E Nut ngnik ngnik kuon ma volkha orom.

2Korin 7:10

Ii, ko a mamrung ka mten to endo vgum ko mut mrua koon pum muk ko pum E Nut kalo keik tok nam kaeharom o mia kam kat kaeknik ngok kim E Nut, kam kta mokpom kar En gi enang tok arhe, he E Nut kam susulgim mar kmen a ktalhok to kam plong vle ko kim En ngnik ngnik ngang ngar. He ekam tok, kom lo vu kosnok mang ko ko ittiegom kua hor to endo ngang nguk gi enang tok. Vanangko o mia ruk ngam gi mrua koon pum mar ko pum o mia ruk mo mmie ngaro kerok tuk, nang lo mrua koon pum mar mruo ko pum E Nut kalo keik, mar ngara yor, nang kle lo kais hak kam kol a ktalhok to kam plong vle ko kim En ngnik ngnik e.

lEpeses 4:32

Ii, mguaka ksir petgim mar tok, to kle va kmo ya mo kmuk mruo va kmo mrung nguk kat her vgum ko mguak mo lol mularo kerkeknen mruo patgiang ngaiting he kikiangae mang ngar hak, gi enang ko E Nut ther lol mularo kerkeknen patgiang ngaiting he kikiangae mang ngar tok kat, ekam ko mut kor mnam muk mang e Kristus he kmokpom kar.

lPilipai 2:27

Ii, lmien te, ka yor to tesgun ta serppak mang, he tre kam yor orom. Vanangko E Nut ta mrung. Vanang tlo gia mrung e Epaprodaitus tuk e. Nove! Ta mrung dok kat he kaekon e Epaprodaitus ngogu va vnga he, matok nguak kol a vnek langto ko na kle kyor kuon malpgem a vnek to tkol dok tete mo ma hengor ta. Ii, E Nut tpet kua vnek tok petgim dok hak.

lKolosi 3:13

Mguaka vle vgum o vnek ruk mulenar ngam kaelik kuon mang nguk va mulenar orom mutakor tok kat. Va mguak lol oni vrong kerkeknen tgus ruk mulenar ngam kaeharom mar ngang nguk patgiang ngaiting he kikiangae mang ngar hak, va mulenar orom mutakor tok kat. Ii, mguak lol ngaro kerkeknen patgiang ngaiting he kikiangae mang ngar tok, gi enang ko Ngoldaip tlol mularo kerkeknen patgiang ngaiting he kikiangae mang ngar tok kat.

1Tesalonika 4:13

Koornopeik, klua svil mularo papat ruk mang endruk ngat her yor kam tu kim muk, he nang muk kam gia vle pum a keknen to kam ho vua sovet kam mrua mrung nguk mruo mang ngar, enang endruk ngat lua nho mkor E Nut kmen a ktalhok to kam plong vle ko kim En ngnik ngnik ngang ngar kat e.

2Tesalonika 3:6

Koornopeik, mor tgus ngot her kaum kor mnam mor mang Ngoldaip to e Yesus Kristus he kmokpom kar. He ekam tok, kua re lserppak ngang nguk orom ka munik te, mguak or kam kambis kar muornopeik tgus ruk o lo ehaneng, endruk ngaro ngorsang ngam lo kaikkiem kuaro rhek ruk mut her lol ko vgum dok e.