2Korin 13:1 - E Nut Ka Meer Mang Ka Mokpom To A Gunngar

¹ Enang ko kua havae, nguak pis ngok muk va kua pis to endo nera vle te, kua pis to a korlotge orom ko nguak pis ngok kmuk ka ptang nguk orom. He kmikkiem enang tok, E Nut karo rhek ruk ngat ittiegom mar ngat havae te, “Kam srim a vnek tang, o mia ruk ngak kais te, alomin i o korlotge ngak sir pekam ngaela kmenserpagam karo rhek.”

2Korin 13:1 ပူးပေါင်းရင်းမြစ်များ

E Matyu 18:16

Vanang enangthe na lua ngan vgum in, va ngiak vaeng kaela ngang in, i o alo ko yok kmikkiem yin kmenserpgam o rhek kmikkiem enang ko mor o Yuda ngua pos thavae tok. Ko a pos to endo thavae te, ‘O mia ruk ngak kais te, alomin i o korlotge ngak sir pekam ngaela kmenserpagam karo rhek.’

2Korin 12:14

Yu, he tete ko gia toot he, kam ngae kta ptang nguk mnam kua pis to a korlotge orom kat. He ngor kut kaeharom tok kat ge kam lua lol o krek ko mkor muk kat e. Ngora vle kar muk tok, ekam ko mut gia vle ngang dok enang a teit kar a nan nginles ko nginles ngam lo kaeha vgum min he kaelpas orom o krek va o tgol ngang ngin e. Nove. Parem ko, a teit kar a nan ruk nginm kaeha vgum nginles kmelpas orom o krek va o tgol ngang ngar ha. Va dok kat ngora vle kar muk gi enang tok kat arhe, dok kam lua vanker muk orom a ngaeha to endo. Ko dok klua svil kam lol mularo krek e. Nove. Ko kle ktua svil kam lol her muk ruk arhe petgim endruk ngta vraik orom mularo papat petgim e Yesus.