2Korin 12:9 - E Nut Ka Meer Mang Ka Mokpom To A Gunngar

⁹ va en ta kle oripang dok te, “O-o, nove. Ngor lua kser a vokngnes to endo kam nop kuon mang in e. Ko kua keknen to kam ring ya mang in, her gi kua keknen to endo tis miik he, tis kam turang in. Ko mnam o kolkhek ruk im ngae ho lo kaurur vgum o vnek arhe, yek endo yek koma khenam kua serppak ma mmok ko maktiegom in ko koma turang in.” He ekam tok, kom ho ksirei ge kam mrua per orom dok mruo mang o vnek ruk ngma khenam dok ma mmok te, kom lo kaurur vgum mar, ko Endo E Nut Thim Orom Ka Msasaen ka serppak tmi ktua vle kun mnam dok her gi enang tok arhe.

2Korin 12:9 ပူးပေါင်းရင်းမြစ်များ

E Matyu 28:18

To e Yesus tkaursie ngok kmar he khavaeng ngar te, “E Nut thim dok orom ka msasaen kam nho mang o tgoluk tgus ruk mo mmie va kuon ma volkha kat orom kua serppak.

E Matyu 28:20

Va mgua smia keknen ngang ngar kat kam vle pum o rhek tgus ruk ko her havaeng nguk orom mar. Ii, kua mien ngang nguk te, mguak kaeharom tok va ngora plong vle mo kmuk mekam mekam mo kolkhek tgus kam ngae kais mnam a kolkha to a kser kim.”

E Luk 21:15

ekam ko dok mruo ngor kael o rhek ko vgum muk va o papat ruk lyar kun mnam muk kat. Ii, he ekam tok, mularo imuo ngar lo kais hak kam sir malngaeng nguk kam kokheng nguk mang ngar hak.

1Korin 10:13

Lmien te, o tgoluk ngo mamten tgus ruk ngam kaegom mularo serppak ko ngama kirpagis kim muk, her o tgoluk ngo mamten ruk ngama kirpagis kim o mia tgus kmegom ngaro serppak tok kat. Nang nong tang mnam mar, a gunngar e. Va lmien kat te, E Nut nama pat mang ngor, nang lua kaennegiang o tgoluk ruk ngo mamten ruk ngam kaegom nguaro serppak kam vanker mor he kvuvuem mor e. Ko mnam a kolkha to o tgoluk ngo mamten ngam kaegom mularo serppak, va E Nut ner kaeharom a ngaelaut tang ngang nguk, muk kam mrua hong nguk pum o tgoluk ruk endruk, he nang muk kam sir lserppak kim mar.

1Korin 15:10

Ko si vle enang tok, vanangko E Nut ther ring ya mang dok ge, he her mi kut el dok kam vle gi enang ko koma vle tete. He E Nut tlo mur kaim En mruo pum ka ngaeha to kam ring ya mang dok kat e. Nove, ko dok koma prongyek ka psek kmeha lserppak kir kim o aposel ngaro reha tgus. (Vanangko nong kua serppak mruo to kom kaeha orom tok e. Nove. E Nut mruo tring ya mang dok he kaen a serppak kun mnam dok kmeha orom tok.)

1Korin 2:3

Ii, va dok, mnam o kolkhek ruk koma vle ko kmuk orom a papat to endo, va kua vok tlo vua serppak e. Nove, va koma kokkol kam rere he ka khi kim muk kat.

1Korin 2:5

He teharom tok, he nang muk kam sir kuon malpgem ka serppak mruo to endo kmor mnam muk mang E Nut, nang nong kuon malpgem kuaro papat mruo ruk lvu laol, endruk ngat ottek ekam o vrong mia ruk mo mmie.

2Korin 11:30

Ii, he ekam tok, ta nho te, enangthe ngua re ka svil kam per orom dok mruo, va ngua mrua per orom dok her gi mang kuaro keknen ruk ngam mia khenam dok ma mmok te, koma kaum kar muk kam lua kaurur vgum o vnek ruk muk mruo mut lo kaurur vgum mar ko muta kerkolkol vgum mar tok kat.

2Korin 12:1

Muk mruo mut kaoppom dok, yek ko mrua per orom dok mruo orom kuaro rhek ri. He ngor le khoger kuaro rhek ruk kam per orom dok mang o ngaelmir ruk Ngoldaip e Yesus tengogo ngang dok orom mar kam khenam mar ma mmok ngang dok. Kom sia rere orom dok mruo enang ti, vanangko kua mnor te, dok mruo klo kais kam mia kaenserpagam dok mruo tok e.

2Korin 12:10

Yu, va koma sirei mang o vnek ruk ngma khenam dok ma mmok te, kom lo kaurur vgum mar tok ekam ko ko kais kam khenam Endo E Nut Thim Orom Ka Msasaen ka serppak to ta vle kun mnam dok ma mmok her vgum o vnek ruk endruk enang tok arhe. Ii, ko o mia ngama kekner dok, va koma viging o vnek, va ko o mia ngma kol a regesal mang dok, va o reha ngma koppet ngang dok kat. Ii, mo kolkhek ruk o gi vrong vnek ri ngta kol dok he ka khenam dok ma mmok te, dok kom lo kaurur vgum mar, yek endo yek ko ho mi ktua serppak hak her gi vgum e Kristus ka serppak enang tok arhe.

2Korin 12:15

He ekam tok, dok ta arhe ngora sirei hak kam mrua slak orom kuaro tgoluk tgus ngang nguk kam rum kim mar tgus, he nang dok kam kta lol muk petgim mar. Va dok kam si kael kua vok mruo ngang o mia mang nguk, mar kmim dok he krum kim dok kat, va ngora slak orom tok kat. Vanangko klua mnor, naka vle nngia ngang dok enangthe kopa pis ngok kmuk he ka vle kar muk tok kam khenam te, kome sei kmelongtok mang nguk, vanang muk mum kle va ho lua svil hak kmelongtok mang dok tok kat?

2Korin 12:5

Ii, her gi a mhel ka mten to enda tuk ko kais kam per orom. Vanang klo kais kam mrua per orom dok mruo mang o tgoluk ruk mkor dok mruo e. Gi o vnek ruk kom lo kaurur vgum mar, va ko kais kam per orom dok mruo orom mar.

lEpeses 3:16

Va ekam ko E Nut nma vle kia vul orom karo keknen ruk ngat ho mi kut ya hak, koma ngarkie mang nguk te, E Nut kam meng E Nunu A Totur kmel rengmat kun mnam muk, he nang en kmenserpagam muk orom ka serppak mruo, muk kam vle lserppak.

lPilipai 4:13

He ekam tok, oni ruk oni ruk nga sia pis kim dok va dok ko kais kam matnge vgum mar ko Ngoldaip nam kaenserpgam dok.

lKolosi 1:11

Ii, va E Nut tkais kam higiang mularo ngorsang kat ekam ko nam kaenserpagam muk kam vle lserppak orom ka ho serppak tgus hak kmikkiem gi enang ko nma khenam ka ho serppak to a vu ngaurar hak ngang o mia tok. Ii, va E Nut nam kaenserpagam muk orom kla serppak tok, he nang muk kam mi kut kais kam matnge vgum o vnek he lo kaeloong mnam mar kam marer kam nop. Ii, va E Nut tkais kam higiang nguk kat ekam ko muma sirei

1Timoti 1:14

Mare, tesgun ko ngae ka vle tok arhe, vanangko Ngoldaip tho ksovet hak ge, kam ring ya mang dok. He ekam ko tring ya mang dok enang tok tete, dok vat ko kle kor mnam dok mang e Yesus te, en her Endo E Nut Thim Orom Ka Msasaen he kmokpom kar kat, to kle kaelongtok mang endruk ngat kor mnam mar mang he kmokpom kar en tok kat.

lHibru 11:34

Va akuruk, o mia ngat ngam mar kuo kia paei he a paei tvurvur klik, vanangko tlo em mar. Va akuruk, o mia ngat re kam krong ngar orom o mus, vanangko E Nut tmur hong ngar pum a kernonhommok to endo. Akuruk E Nut thortgem mar, ko tesgun ngam lo vua serppak, vanang koknaik E Nut tenserpagam mar kam vle lserppak kam kle kngae kaus lserppak hak kar ngaro imuo ruk o vrong rhek he kir kim mar kam pet mar petgim a mhe to ngat kaus mang.

lHibru 4:16

He ekam ko e Yesus nma mrung ngor tok, va ngruak or kam ruokar kim E Nut kam pis ko kim ko nam korsang ko mnam ka ngorsang to kam nho mang o mia kam ring ya mang ngar. Ii, ngruak or kam ruokar kim En tok, he nang En kam kle ka mrung ngor he kring ya mang ngor kun mnam o venloot ruk ngota lol o vnek.