2Korin 12:6 - E Nut Ka Meer Mang Ka Mokpom To A Gunngar6 Vanangko enangthe kop si per orom dok mruo te, E Nut tmia kaengogo ngang dok orom o ngaelmir ruk endri kam khenam mar ma mmok ngang dok tok, va kuaro rhek nga lo is kam khenam dok ma mmok te, nong ka lpek ngaok e. Nove. Ko o rhek ruk endri, mar o ho mi kut minar hak. Vanangko ngor lua per orom dok mang o ngaelmir ruk endruk e. Nove. Matok a mhel tang mnam muk na kle kngae vu sim ktua nho orom dok her gi vgum o ngaelmir ruk E Nut tengogo ngang dok ormar, nang nong vgum kuaro keknen ruk ngma vokong ngar va kuaro rhek ruk ngma ngannik ko vgum dok e. အခန်းကိုကြည့်ပါ။ |
2Korin 12:6
12 ပူးပေါင်းရင်းမြစ်များ
Vanang e Apolos kar e Pol, min alo ni mhel ruk e? Min, alo gi mhel ruk ngint gia vle te, E Nut kalo kalyie ruk ngint gi kaeha ngang nguk, gi enang ko Ngoldaip tmur kut en o reha ngang karo mia mruo kam kut kaeha orom mar tok. Va mut kor mnam muk mang e Yesus he kmokpom kar vgum ngina ngaeha to endo ngang nguk tok arhe.
O-o, ho mi kut nop hak! Kom lua vle enang o mia ruk enang tok e. Parem ko, kmikkiem lsir gi enang ko E Nut nam kaottam karo rhek tgus ruk tel karo tnangal mang Endo Thim Orom Ka Msasaen ormar, mar kam pis lmien, va dok kat, kuaro rhek ruk mang a knovvur, endo dok kar e Silas va e Timoti ngot havaeng nguk mang te, he e Yesus Endo E Nut Thim Orom Ka Msasaen, ngat her ngae sim ktua vle lmien gi enang tok kat arhe ko ngat ngae ho lo vur vle te, “Mare” ngta mien, nang kle ka vle kat te, “Nove” ngat lua mien kat e. Ho mi kut nop hak! Kua re tok, ekam ko a re to mang E Nut Khal to e Yesus te, En her Endo E Nut Thim Orom Ka Msasaen, tlua vle te, “Mare” ta mien, nang kle ka vle kat te, “Nove” tlua mien kat e. Nove. Ko o rhek tgus ruk mang e Yesus To E Nut Thim Orom Ka Msasaen ngat ho mi ktua mien hak, kais mang tiok he, ko a mmie tlo pal vop. Ii, E Nut karo rhek tgus ruk tel karo tnangal ormar mang Endo Thim Orom Ka Msasaen ngta mien tok ko E Nut tsi sovet kmel karo tnangal ngarlavurgem mang en tok, va o tnangal ruk endruk tgus ngat her mi pis lmien orom en arhe. He ekam tok, her vgum E Nut karo tnangal ruk mang Endo E Nut Thim Orom Ka Msasaen arhe, dok kar muk ngot kais kam kaum khover E Nut kam kaum kre te, “Ol mis E Nut A Ho Minar Hak.”
Yu, enang ko kua re: Mu or kam pat te, nong ka lpek ngaok e. Vanangko enangthe mgua le kpat mang dok tok, va mguaka tting mang dok kam mrua havae mang dok mruo na, gi enang ko mut her tting mang endruk la ppiagar ruk nop kero lpetuk ngang ngar tok kat. Mguaka ngnek na, ko ngor mrua per orom dok mruo nong ke laut na he ka vle enang a mhel to nong ka lpek ngang enang ngar tok kat.
Yu! Ko her rere lveve orom dok mang kuaro rhek ruk endruk tok arhe, ko kuaro rhek ngat kaeti enangthe nong ka lpek ngaok. Vanangko kua rere lveve tok, ekam ko muk mruo ge, mut her kaoppom dok ko mum lua svil kam sir orom dok kam rere orom dok, yek ko her rere orom dok mruo tok. Ko endruk ngma rere orom mar mruo, endruk muma mon “O Aposel Ruk Lvu Laol Hak” ormar, mar ngam sia rere lmien pum dok te, dok a mhel to kom lo vu kaurur kim muk, vanangko nong tang hak mnam mar, tgi vur kir kim dok mang a papat tang hak. Pu lmien tok, vanang mum ngae lua svil kam rere orom dok kam tting mang dok ge! To ta vle te, her dok ta arhe endo mupa rere orom dok he ka tting mang dok.
He ekam ko E Nut tengogo ngang dok orom o ngaelmir ri ho laol hak tok, ther le kngatkal orom e Seten, he a vokngnes alaut kam kol dok, dok kam vle enang a mhel to tel torok mnam ka vok he koma kerkolkol vgum mar. Ii, kua vokngnes to endo tngae vle enangthe, e Seten ten kalkayie langto kmel torok mnam dok mekam mekam kmel vokngnes mnam kua vok tok. Ii, E Nut ta ngatkal orom e Seten enang tok, he nang a vokngnes kam hagam dok kam mrua kansgum dok mruo he vua per orom dok mruo mang ko tengogo ngang dok orom o ngaelmir ruk endruk kam khenam mar ma mmok ngang dok tok.
Yu, va enangthe ta mien mang dok te, kua mrang, kmikkiem enang ko akuruk mnam muk ngma mon ppiagam dok tok, va te, muk gi, kua mrang tmi kut vle ngang dok kam hover E Nut ka munik orom tok arhe. Vanangko ta kle va kmien mang dok te, kuaro papat ngma vle mnam dok. He ekam tok, ngma vle mnam dok tok, he nang dok kam rere mnam muk mang E Nut tok.
Ii, kua vrek tmi ktua hop ekam ko ko her ktar kanprim muk ngang e Taitus te, mguer mrua khenam muk mruo tok. He ekam tok, kuaro rhek ruk kua kanprim muk orom mar ngang, ngat lo kaeknik ngang dok kngam a leep kuon mang dok e. Vanang kmikkiem enang ko kuaro rhek tgus ruk kom her plong khavaeng nguk orom mar ngta mien, va kuaro rhek ruk ko her kanprim muk ngang e Taitus orom mar, ngat aottam he kpis lmien ormuk tok arhe.
ကြော်ငြာတွေ