2Korin 12:18 - E Nut Ka Meer Mang Ka Mokpom To A Gunngar

¹⁸ Tiok kua kaurur kim e Taitus, yek en ta ngae ka ptang nguk, va ko meng ngor nopia langto, endo muta mnor mang kat, endo tkor mnam en mang e Kristus he kmokpom kar en kmikkiem e Taitus. Ii, va nok pathe her e Taitus to vor, endo tmas ormuk kam krong mularo vorngap he klol o krek mo kmuk kmenik ngang dok la tvok ngola? Nop hak, ko e Taitus tsim kut kolkol ekam dok, ko muo tgus mot gi mo enang tgus ekam ko muo tgus mot kaum mang a pat to atgiang, endo kam turang nguk. He mom kaeharom o keknen tgus kmikkiem a pat to tok!

2Korin 12:18 ပူးပေါင်းရင်းမြစ်များ

lRom 4:12

Va o Yuda ruk ngat paam mar kat to le kor mnam mar mang E Nut he kmokpom kar kat, e Ebrehem ta vle ngang ngar kat te, ngares msim to en tok kat. Ko ngat si paam mar, vanangko ngat sim kut kaikkiem ngares e Ebrehem karo leik kat ko ngat kor mnam mar mang En he kmokpom kar gi enang ko e Ebehem tkor mnam en mang E Nut he kmokpom kar ktar mang ko ngat lo paam vop.

1Korin 4:21

Mu havaeng dok na! Muta svil dok kam pis ngok kmuk orom a khap, i o muta svil dok kam pis ngok kmuk orom a keknen to a sim re, endo tottek ekam E Nunu A Totur kam khenam ngang nguk te, kom kaelongtok mang nguk?

2Korin 7:2

Mare, mguak kta khenam mula keknen to kmelongtok mang dok ma mmok he lo kta keyang dok kat ekam ko klo kernonho ngang tang mnam muk e. Va klo kering tang mnam muk karo keknen ruk lyar kat e. Va klo vur krong tang mnam muk ka vorngap kam lol o tgol ekam kat e, enang ko akuruk mnam muk ngma mon ppiagam dok tok. Nove.

2Korin 7:6

Vanangko E Nut to nam kaenkrovgem o mia ruk o vnek ngam ngae vovoem mar, ther enkrovgem dok orom e Taitus ka ngaeknik ko taol ngte kim dok orom a re to a yar mang nguk.

2Korin 8:6

Yu, he E Nut ka ngaeha to ten ngang nguk, endo kam nngiar ngang o mia, e Taitus telha pum tiok he, kun pgegom muk. Va ko her kaurur kim en tete kmenserpagam muk kam tarkanang E Nut ka ngaeha to endo orom mula ngaeha to kam ktar kaum orom mutaro krek kun mnam muk mruo na. Ii, muk lKorin mut her elha pum E Nut ka ngaeha to endo tiok he, vanang tete mguak tarkanang he ka vle enang lMasadonia tok kat.

1Pita 2:21

Ii, ko her gi mang a papat to muk kam lol o vnek msim arhe E Nut tvaeng nguk kmor mnam muk mang e Kristus he kmokpom kar, ekam ko e Kristus kat, va en tmatnge vgum o vnek ruk tlol mang nguk tok kat. Ii, tmatnge vgum mar tok, he nang muk kam kolkol ekam en kam kar ekam karo leik tok kat. Ii, ko en