1Yoanes 5:7 - E Nut Ka Meer Mang Ka Mokpom To A Gunngar

⁷ Ii, ngota mnor mang en, ko o ngaelmir ruk endri korlotge ngat kaum ka vle atgiang kam rere orom e Yesus tok:

1Yoanes 5:7 ပူးပေါင်းရင်းမြစ်များ

E Matyu 17:5

E Pita ta rere kngae vop, va te vgum a varhek to la mallegar ko tpis va ka ngoumi ta komor mar. Va ngta ngan a ktui ko tkottek kuon mnam a varhek to endo he kre te, “Ko hal ta arhe, kom vu kaelongtok mang va ko sei kam higiang. He mgua smia ngan vgum!”

E Matyu 18:16

Vanang enangthe na lua ngan vgum in, va ngiak vaeng kaela ngang in, i o alo ko yok kmikkiem yin kmenserpgam o rhek kmikkiem enang ko mor o Yuda ngua pos thavae tok. Ko a pos to endo thavae te, ‘O mia ruk ngak kais te, alomin i o korlotge ngak sir pekam ngaela kmenserpagam karo rhek.’

E Matyu 28:19

He ekam tok, mguak havaeng o mia tgus mang dok. Va mguak ngae ngok kim o vrong rhek tgus ngo valngneik ngo pneik kam patter mar kmikkiem dok. Ii, mguak patter mar tok, he kparrum mar orom E Titou kar Khal va E Nunu A Totur nga munik.

E Yoanes 1:1

Tesgun ko a mmie tlo pal vop, va Endo ngat kilegem te, E Nut Ka Re ta ktar vle he. En nma vle ko kim E Nut mruo, va En tho mi kut kaenang E Nut msim hak.

E Yoanes 10:30

Ta vle enang tok ekam ko E Titou kar dok tgus moma vle te, mot gi mo enang nguo.”

E Yoanes 12:28

Titou, yin ge! Ngia mrua khenam ila serppak ngang o mia, mar kam kanprim ila munik.” E Yesus thavae tok, to a ktui langto tkottek kun kuon ma volkha he kre te, “Ko her khenam he, va ngor kta khenam kat.”

E Yoanes 14:17

En E Nunu A Totur to nma polger o papat ruk o minar ngang o mia. He vrong o mia ruk mo mmie ngat lo is hak kam kol, en kam vle ko kmar, ko ngat lo is kam vokom va ka mnor mang. Vanangko muk, her muk ruk arhe muta mnor mang, ekam ko tgia vle mo kim muk va nera viging nguk kmel rengmat kun mnam muk kat.

E Yoanes 15:26

Koknaik, nguak meng Endo Kam Tuturang Nguk ngte kim muk, he ner kaol. En E Nunu A Totur to ner kottek ko kim E Titou he kpolger o rhek ruk o minar ngang nguk. Ner kaol krere orom dok ka khenam dok ma mmok.

E Yoanes 5:26

Ngara kol a ktalhok to kam plong vle ko kim E Nut ngnik ngnik her vgum E Nut Khal tok, ekam ko a serppak to kmen a ktalhok to kam plong vle ko kim E Nut ngnik ngnik tottek ko kim E Nut he E Nut ther le kaen a serppak to endo ngang Khal, en kmen a ktalhok to kam plong vle ko kim En ngnik ngnik ngang o mia kat.

E Yoanes 8:18

He kmikkiem muta mur pos to endo tok, dok mruo koma rere orom dok va E Titou to tmeng dok ta ngam alomin orom kam rere orom dok kat. He enang tok muo alomin tok moma kaum krere orom dok.”

E Yoanes 8:54

Va e Yesus ta kle kre te, “Enangthe dok atgiang tuk ko ko mrua kansgum dok kam mrua hover dok mruo, va kuaro rhek ngat lo is kmaur e. Vanangko gi E Titou to E Nut, Endo mum mrua havae mang nguk te, muma plong totu pum, her En arhe nma hover dok.

O Aposel Ngaro Reha 2:33

Mare, E Nut thover e Yesus petgim ka nnak kam teiver tok arhe, kmel ko vanam ka miktiek. He her en arhe Kteit ten E Nunu A Totur ngang kmikkiem ka tnangal to endo tennik. He ekam tok, o tgoluk ruk ngat pis mo kmuk tete, ngat pis ekam E Nunu A Totur msim, endo e Yesus ta kle kmeng ngte kam viging o mia ruk endri muta vokong ngar he kngan mar tete.

O Aposel Ngaro Reha 5:32

Ii, her E Nut to kat arhe nam kaen E Nunu To A Totur ngang endruk ngma vle pum karo rhek. He ekam tok, mor ngoma havaeng nguk mang o tgoluk ruk endri mang e Yesus tok ko E Nunu To A Totur nam kael o rhek ruk endruk kun mnam mor.”

2Korin 13:14

Yu! Kua ngarkie ngang Ngoldaip e Yesus Kristus, en kam ring ya mang nguk. Va kua ngarkie ngang E Nut, En kam khenam ma mmok ngang nguk te, nam vu kaelongtok mang nguk. Va kua ngarkie ngang E Nunu A Totur kat, en kmel rengmat kun mnam muk kam mokpom kar muk tgus kat.

1Yoanes 1:1

Vae, ko kaittiegom kua hor ta ngang nguk mang Endo ngat kilegem te, E Nut Ka Re. Kua svil kam havaeng nguk mang te, her endo nam kaen a ktalhok to kam plong vle ko kim E Nut ngnik ngnik ngang o mia arhe. Va her endo ta ktar vle tennik he ko kim E Nut kat, gi ktar mang ko tlo mur ellik orom enang a mi mhel ko pum nguaro kerok vop. Ii, ta ktar vle tennik, to le mur ellik orom enang a mi mhel kam mrua khenam en mruo ma mmok enang tok. Va her mor ri arhe ruk ngot mi vokom ka mit enang tok orom nguaro kerok mruo va mur ehang orom nguaro mur singni ri kat. Ii, va ngom her plong vle ko kim he keketar karo reha, va ka plong ngan karo rhek kat. He ekam tok, ngot le kaen o rhek ri ngang nguk ma mmok tete mang en, ko nma vle ko kmor enang tok. Ii ngot hahavae mang o rhek ruk endri te, tennik ta vle ko kim Kteit mekam mekam tok, to le mur ellik orom enang a mi mhel, kam mrua khenam en mruo ma mmok, he nang mor kam mi vokom enang tok.

1Yoanes 5:6

Va erieto E Nut Khal msim? Ngota mnor mang en her vgum alo ngaelmir alomin, endo ko ta parrur mnam a ye va endo ko tyor he ka gidiel ta ksuk arhe. Ii, ngota mnor te, her en e Yesus To E Nut Thim Orom Ka Msasaen arhe. Vanang ngot lua mnor mang en gi vgum ko tgi parrur e. Nove. Ngota mnor mang vgum alo ngaelmir tgus, endo ko tyor he ka gidiel ta ksuk kar endo ko ta parrur kat. Ii, va E Nunu A Totur mruo kat tkaum kar alo ngaelmir ri kam mur rere lmien orom e Yesus kat kam ngam ngkorlotge orom, he ngota mnor mang en vgum E Nunu A Totur tok, ko E Nunu A Totur, en a ho minar hak.

1Yoanes 5:8

endo E Nunu A Totur, endo ka parrur kun ma ye va endo ka yor he ka gidiel ta ksuk kat. Va mar tgus ngat kaum mang atgiang kam rere orom tok.

O Ngaelmir 19:13

Va tkaegenkar ka yet to thum va gidiel. Va ka munik langto kat ngata mon orom te, “E Nut Ka Re.”