1Yoanes 5:2 - E Nut Ka Meer Mang Ka Mokpom To A Gunngar

² Yu, to ngruak kais kam mnor mang ngor te, ngom kaelongtok mang E Nut kles nngia? Ngruera mnor her gi vgum ngua keknen to kmelongtok mang E Nut, he mrua khenam mor ma mmok tok orom ngua keknen to kam sim kut kaikkiem karo pos.

1Yoanes 5:2 ပူးပေါင်းရင်းမြစ်များ

E Yoanes 15:17

Ii, enang ko ko ktar re te: Mgua mur kaelongtok mo nguk.”

1Yoanes 2:3

To oni ruk ngta khenam mor ma mmok te, ngota mokpom kar e Yesus he? Ngruak mrua nho kun mnam mor mruo he kvokom te, ngot kaikkiem karo rhek, to te tok, ngop kais kam re te, nop he, ngota mokpom kar en.

1Yoanes 2:5

Vanang a mhel to nam kaikkiem e Yesus karo rhek, a mhel to endo nam kle mrua khenam en mruo ma mmok te, a mhel to endo nam kaelongtok mang E Nut, va ka keknen to kmelongtok mang E Nut va o mia, ner ho klaut kngae kngae ge, kun mnam en kat. He enang tok, ngot kais kam mrua mnor mang ngor mruo tok te, ngota par mnam e Yesus to tkaenang ke ho ka pun her gi vgum ko ngom kaikkiem karo rhek enang tok arhe.

1Yoanes 3:14

Ko her mor ri arhe ngota vle enangthe ngot lo kta kolkol ekam endruk ngta vle kun mnam a tootkol to kam yor, nang her tmanda ngok mnam a tootkol to kam kol a ktalhok to kam plong vle ko kim E Nut ngnik ngnik, ekam ko mor ngom kaelongtok mang ngoornopeik. Vanang a mhel to nam lo kaeharom a keknen to kmelongtok mang kaornopeik, va a mhel to endo ta kolkol ekam endruk ngta vle kun mnam a tootkol to kam yor vop.

1Yoanes 4:21

Ii, ta vle tok, ko E Nut mruo tmur en a pos to enda ngang ngor te: Ani mhel to na kaelongtok mang E Nut, na mrua khenam en mruo ma mmok tok kam kle kaelongtok mang o mia tok kat.