He mor tgus ruk E Nunu A Totur tpepet o it ruk o slomkor petgim nguaro kerok ko ngot kor mnam mor mang e Yesus he mokpom kar, her mor ri arhe ngota vokom ka mnor mang e Yesus te, her en arhe Endo E Nut Thim Orom Ka Msasaen. Va E Nut nam kaeha kun mnam mor mekam mekam kam hortgem nguaro keknen mor kam kolkol ekam karo mur keknen mruo, mor kmiser En tok. Va nam kaeha kun mnam mor he ka khenam ka mur serppak mruo tok ma kolkha langto langto kngae ko nma hortgem mor mekam mekam orom E Nunu A Totur, endo ngoma mon kat te, Ngoldaip to en.
1Yoanes 3:6 - E Nut Ka Meer Mang Ka Mokpom To A Gunngar6 Ii, he ani mhel to tpal mnam E Nut ka ngausie ka pun, her a mhel to nma par mnam e Yesus to tkaenang ke ho ka pun arhe. He ekam tok, a mhel to endo nam mrua khenam en mruo ma mmok tok te, en nam lo kta venu kmeharom a kerkeknen tang kat e. A gi mhel to tlo vokom e Yesus orom karo keknen vop ko tlua mnor mang, her gi en to arhe, endo ner gi ktua venu kmeharom o kerkeknen kngorom kngorom ge. အခန်းကိုကြည့်ပါ။ |
1Yoanes 3:6
11 ပူးပေါင်းရင်းမြစ်များ
Ii, va kom lua kokkol kam havae mang a knovvur kat ekam ko E Nut to tmur en a re tennik te, “A mmok nak valler o mia ko mnam o mhetor ruk a slommok nma vle mnam mar,” her En to kat arhe Endo ta valler dok orom a knovvur ka mmok tok kat, dok kam mmok mang o papat ruk o minar mang E Nut vgum Endo E Nut Thim Orom Ka Msasaen ko tmur khenam En mruo orom ka mmok ma mmok ngang dok tok. Ii, teharom tok, he nang dok kam kle mi ktua havaeng nguk orom a knovvur tok arhe.
He kolenar ruk kom kaelongtok mang nguk, ngot her pu vle te, E Nut kles ruk mor tete, vanang mang a mngan to te, ngor kam kle ka vle nngia koknaik, ngot lua mnor mang, ko E Nut tlo polger a papat to endo vop. Vanang ke gi papat to ngot mi mnor mang tete, ta vle ti te, mnam a kolkha to lsir ko E Nut naka khenam e Yesus ma mmok ko na kaeknik kpis mnam, E Nut ner mia hortgem mor he mor ngrer mi ktua vle gi enang En. Mare, ko ngrer mi vokom ka mi mit ka mnor mang tok arhe.
Ii, he a mhel to tpal mnam E Nut ka ngausie ka pun, en tlo kat kais hak kmeharom o kerkeknen mekam mekam e, nove. Ekam ko en tho mi kut pal mnam E Nut ka gidiel orom karo keknen tgus ko ngtel rengmat kun mnam he. Ii, tho lo kat kais kam kta venu kmeharom o kerkeknen ekam ko tpal mnam E Nut ka ngausie ka pun msim orom E Nut ka gidiel tok.
Vanang a mhel to tlua kpom a keknen to kmelongtok mang o mia, a mhel to endo ta kle mrua khenam en mruo ma mmok kat te, en tlo pal mnam E Nut ka ngausie ka pun he lua mokpom kar En e. Ii, va ngot kais kam mnorvek pum a mhel enang tok, ekam ko E Nut ka keknen to kmelongtok mang o mia, tmur kut vle orom En mruo.
Ii, va ngota mnor kat te, oni mia ruk ngat pal mnam E Nut ka ngausie ka pun ngam lo kat kael kerok mang o kerkeknen kam venu kmeharom mar kat e, nove. Ko endo ta ktar pakvom kam pal mnam E Nut ka ngausie ka pun, ta kpom mar ko maktiegom, he e Seten to nam kaenen o mia kmeharom o kerkeknen tlo kat kais kam kta pis ktuom kalo ktiek mang kat e.
Kua kambis to yin, yindo kom kaelongtok mang in, ngiak or kam kolkol ekam o kerkeknen ruk endri e. Ngia kle gi kael ilalo keik mang o keknen ruk lyar. Ii, ani mhel to tgi kael kalo keik mang o keknen ruk lyar, her endo ta mrua khenam en mruo ma mmok te, tpal mnam E Nut ka ngausie ka pun. Vanang ani mhel to nam kaeharom o kerkeknen, a mhel to endo ta kle mrua khenam en mruo ma mmok kat te, en nam lua vokom E Nut orom karo keknen e. Nove.
ကြော်ငြာတွေ