Vanang a mhel to tlua kpom a keknen to kmelongtok mang o mia, a mhel to endo ta kle mrua khenam en mruo ma mmok kat te, en tlo pal mnam E Nut ka ngausie ka pun he lua mokpom kar En e. Ii, va ngot kais kam mnorvek pum a mhel enang tok, ekam ko E Nut ka keknen to kmelongtok mang o mia, tmur kut vle orom En mruo.
1Yoanes 3:10 - E Nut Ka Meer Mang Ka Mokpom To A Gunngar10 Mare, he ngom ktua vokom a mhel to endo karo keknen ko tpal mnam E Nut ka ngausie ka pun he ktua mnor mang tok ge. Va tok kat mang a mhel to tkut pal mnam e Seten ka ngausie ka pun ko ngom ktua vokom karo keknen tok kat he ktua mnor mang tok kat ge. Ii, va ani mhel to nam kaeharom o keknen ruk ngat lo vua sir ko pum E Nut kalo keik, va lo kaelongtok mang kaornopeik, ngot kais kam vokom karo kerkeknen ruk tok kam mnor mang tok kat te, en nong E Nut kalkayie to en kat e. အခန်းကိုကြည့်ပါ။ |
1Yoanes 3:10
26 ပူးပေါင်းရင်းမြစ်များ
Kua kambis to yin, yindo kom kaelongtok mang in, ngiak or kam kolkol ekam o kerkeknen ruk endri e. Ngia kle gi kael ilalo keik mang o keknen ruk lyar. Ii, ani mhel to tgi kael kalo keik mang o keknen ruk lyar, her endo ta mrua khenam en mruo ma mmok te, tpal mnam E Nut ka ngausie ka pun. Vanang ani mhel to nam kaeharom o kerkeknen, a mhel to endo ta kle mrua khenam en mruo ma mmok kat te, en nam lua vokom E Nut orom karo keknen e. Nove.
Ii, muma vle tok, ekam ko tennik ko E Nut tlo kueng a mmie vop, e Seten to tmi plam muk msim ta kees kam vle pum o rhek ruk o minar kat e. Ko nop a vur papat tang ko a minar hak kun mnam gi. Ko en a ho vu ppiagar hak. Ii, ko en nma rere va nma rere orom ka re mruo to orom karo rhek ruk la ppiagar ekam ko nam vua ppiak ormar. Va o gi vrong rhek tgus ruk la ppiagar ngam kottek mkor her en mruo arhe, ekam ko en o vu ppiagar ngar teit msim to en arhe. Ii, tennik tmur hong en mruo pum o rhek ruk o minar tok petgim mar, to kle khortgi kam vle te, a pormia msim. He ekam ko muma svil kmikkiem e Seten ka svil mruo, endo kam pormia enang tok kat, va ta khenam muk mruo ma mmok te, her endo a vu ppiagar mu teit msim arhe, endo tmia plam muk.
Mu vokom na, gi ekam ko muma kees kam lol kuaro rhek ruk o minar ruk endruk he lua kor mnam muk mang dok pum mar kam mokpom kar dok, va tmia khenam muk ma mmok kat te, muk nop E Nut kles msim e, ekam ko E Nut kles msim ngma lol karo rhek ruk o minar he kor mnam mar mang En pum mar he kmokpom kar ge.”
He ekam tok, mguak or kam vle enang ngar tok e. Vanang muk, si orom mularo imuo vat, va mguak kle kya pmar he ka tting ngang ngar kmel a tol ko kmuk, nang or kam kta papat mang ngar kmoripang ngar ngang nguk kat e. Mguak kaeha tok, kmikkiem enang ko E Nut nma ya pum endruk ngma kulpang va gia prik. Va nma ya pum endruk ngat kernonho kat. Mguaka mrung o mia kat kmenang mu Teit ko En nma mrung o gi vrong mia tgus kat. Va enangthe mupa vle tok, va E Nut ner kaen a keik to tho mi laut hak ngang nguk va mguera vle te, Endo A Ho Lautar Hak kles ruk muk enang tok.”
Vanang mor, mor ngot kle kut pal mnam E Nut ka ngausie ka pun he. He ani mhel to nama ngan vgum mor, a mhel to endo nam mrua khenam en mruo ma mmok tok te, a mhel to endo ta mokpom kar E Nut. Vanang ani mhel to nam lua ngan vgum mor, va en ta kle va mrua khenam en mruo ma mmok tok kat ge te, tlo pal mnam E Nut ka ngausie ka pun. Ii, he ekam tok, o mia mruo ngam mrua khenam mar mruo ma mmok tok he ngot kais kam ktua vokom mar ka mnor mang ngar ge te, endrim mnam mar ngat pal mnam a serppak to a minar to mkor E Nunu A Totur, va endrim mnam mar ngat pal mnam a serppak to la ppiagar to mkor e Seten.
Mut her ngae ho mi kut isis kun mnam muk he mang e Yesus te, karo keknen ngat ho mi kut sir hak ko pum E Nut kalo keik. He kmikkiem enang tok, ani mhel to nma ngarngar mang karo keknen ruk endruk, va mut kais kam ho mi kut kaisis kun mnam muk tok kat te, a mhel to endo tpal mnam E Nut ka ngausie ka pun.
Ii, mguak srim o mia tgus ruk ngat el o tol mang nguk. Vanang o tol akor nga lo kta sir ka vle e. Vanangko a tol ka mten langto ge ko kim o mia, endo kmelongtok mang ngar, her a tol to endo tuk na sir ka vle mo kolkhek tgus he mgua plong srim mekam mekam. Ii, mguak kaelongtok mo kmuk mruo mo kolkhek tgus tok, ekam ko endruk ngam kaelongtok mang o mia, her mar ruk ngam her sim kut kaottam E Nut karo pos nga pun msim hak tok arhe.
Va a re to ko kaurur kmin mang tete, yin kmikkiem, ka treil msim ta vle te, yin kam kla orom a keknen to kmelongtok mang o mia orom a keknen to mularo vurkul kam mrer ko pum E Nut kalo keik, va orom a keknen to mularo papat kam mmok, ko nong a kerkeknen tang mnam muk hak he muk kam mrua koon pum muk mang, va orom a keknen to muk kam smia mien kmor mnam muk mang e Yesus kat.
He mu nho margem Ngor Teit na, ko En ther khenam he te, tngae vu kaelongtok mang ngor. Ekam tok En nma kvam mor te, kles ruk mor. Va nop, lmien te, kles ruk mor ha. Vanangko o mia ruk mo mmie, ngata vutko he lua vokom ka mnor mor te, kles ruk mor e. Nove, ekam ko mar mruo ngat lua mnor mang E Nut. Nove!
He kolenar ruk kom kaelongtok mang nguk, ngot her pu vle te, E Nut kles ruk mor tete, vanang mang a mngan to te, ngor kam kle ka vle nngia koknaik, ngot lua mnor mang, ko E Nut tlo polger a papat to endo vop. Vanang ke gi papat to ngot mi mnor mang tete, ta vle ti te, mnam a kolkha to lsir ko E Nut naka khenam e Yesus ma mmok ko na kaeknik kpis mnam, E Nut ner mia hortgem mor he mor ngrer mi ktua vle gi enang En. Mare, ko ngrer mi vokom ka mi mit ka mnor mang tok arhe.
ကြော်ငြာတွေ