1Yoanes 2:6 - E Nut Ka Meer Mang Ka Mokpom To A Gunngar

⁶ He ekam tok, ani mhel to na mrua havae mang en mruo te, en nma par mnam e Yesus to tkaenang ke ho ka pun, va a mhel to endo nak karkar ekam e Yesus karo laek.

1Yoanes 2:6 ပူးပေါင်းရင်းမြစ်များ

E Matyu 11:29

Mguaka slak orom muk mruo he ka tting kam vat kar dok va klol o rhek vgum dok, ekam ko dok koma grung orom dok mruo, he lua guragura ormok mang o mia e. Mguaka tting kam vat kar dok va klol o rhek vgum dok, he ekam tok, dok ngor kael a vrek longeik ngang nguk he mularo vurkul ngara ya vgum dok tok.

E Yoanes 13:15

Ii, ko her mur el dok ko pum mularo kerok kam kenang nguk mang a keknen to endo, he nang muk kam kle kaeharom gi enang ko ko eharom tok ngang nguk tete.

E Yoanes 15:10

Ii, ko endruk ngma par mnam dok ko ngam smia ngan vgum dok, her endruk arhe ngam mrua khenam mar mruo ma mmok tok arhe te, ngam kaelongtok mang dok. Ii, ngta vle tok gi enang dok kat, ko koma par mnam E Titou ko koma ngan vgum En tok kat, he mrua khenam dok mruo ma mmok ngang kat te, kom vu kaelongtok mang En tok kat.

1Korin 11:1

He ekam tok, mguak kolkol ekam dok, kmikkiem gi enang ko dok koma kolkol ekam e Kristus tok kat.

lEpeses 5:2

kmelongtok mang o mia kmikkiem gi enang Endo E Nut Thim Orom Ka Msasaen ther khenam ka keknen to kmelongtok mang ngor tok kat, ko tmur en en mruo kam yor mang ngor. Ii, tmur en en mruo ngang E Nut tok enang a nngiar to kam ngam menglol mnam E Nut ka vrek. Tmur en en mruo kam yor tok, he ka vle enang a nngiar to orom ka gri to tgi ya, endo a pris nam kaen ngang E Nut.

1Pita 2:21

Ii, ko her gi mang a papat to muk kam lol o vnek msim arhe E Nut tvaeng nguk kmor mnam muk mang e Kristus he kmokpom kar, ekam ko e Kristus kat, va en tmatnge vgum o vnek ruk tlol mang nguk tok kat. Ii, tmatnge vgum mar tok, he nang muk kam kolkol ekam en kam kar ekam karo leik tok kat. Ii, ko en

1Yoanes 2:28

Muk ruk kua kvam muk te, koles ruk kom kaelongtok mang nguk, muk ge, muk ge! Mguak ngarngar mang o papat ruk kmor mnam muk mang e Yesus kngae ge, he nang muk kar mor tgus kam kaum kam vle lserppak mnam a kolkha to en nak pis ma mmok mnam, nang lua ruokar kim va lua leleep kim kat e.

1Yoanes 2:4

A mhel to nam mrua havae mang en mruo te, ta mokpom kar en, vanang kle lo kaikkiem karo rhek, a mhel to endo ta mrua mon ppiagam en mruo. He enang tok, nam mrua khenam en mruo ma mmok tok kat te, e Yesus karo rhek ruk o minar ngat lo el rengmat kun mnam en kat e. Nove.

1Yoanes 3:24

He endruk ngaka kpom E Nut karo rhek ruk endri he kaikkiem mar, her o mia ruk endruk ngta par mnam E Nut to tkaenang ke ho ka pun va E Nut ta kha orom mar tok kat ko na her el rengmat kun mnam mar. He ngot mur mnor te, E Nut ta kha orom mor tok he el rengmat kun mnam mor, ko ngoma vokom En orom E Nunu A Totur to ther en ngang ngor.

1Yoanes 3:6

Ii, he ani mhel to tpal mnam E Nut ka ngausie ka pun, her a mhel to nma par mnam e Yesus to tkaenang ke ho ka pun arhe. He ekam tok, a mhel to endo nam mrua khenam en mruo ma mmok tok te, en nam lo kta venu kmeharom a kerkeknen tang kat e. A gi mhel to tlo vokom e Yesus orom karo keknen vop ko tlua mnor mang, her gi en to arhe, endo ner gi ktua venu kmeharom o kerkeknen kngorom kngorom ge.

1Yoanes 4:17

To enangthe ngop mo kaelongtok mo ngor, va E Nut ka keknen to enda ner ho kael rengmat kun mnam mor he klaut kngae ka ngmeang ge kun mnam mor kat. Mare, to mnam a kolkha to a kser kim ko ngruak sir ko pum E Nut kalo keik, va ngrer lo kais hak kam ruokar kim E Nut e, ekam ko mnam o kolkhek ruk ngota vle mo mmie vop, ngoma kolkol ekam En kmelongtok mo ngor.