1Yoanes 1:9 - E Nut Ka Meer Mang Ka Mokpom To A Gunngar

^9-10 Va tok kat, ko enangthe ngopa klai mang ngor mruo te, “Tennik kam ngae kais mang tete, ngot lo eharom a kerkeknen tang hak” va ngom kle mia mon ppiagam E Nut tok kat arhe, va mrua khenam mor mruo ma mmok kat te, E Nut karo rhek ngat lo el rengmat kun mnam mor tok kat. Vanang enangthe ngop kle mrua havae mang ngor mruo orom nguaro kerkeknen ko pum E Nut kalo keik, va En ner mi kaeharom a keknen to tho mi kut sir hak kun mnam En mruo, endo kmikkiem ka tnangal to tel te, En kam lol nguaro kerkeknen patgiang ngaiting he kikiangae mang ngar hak mekam mekam. He enang tok, ner kle kmomgol mor ko pum kalo keik pum o gi vrong kerkeknen ngo mamten ruk ngat lo vua sir kun mnam mor.

1Yoanes 1:9 ပူးပေါင်းရင်းမြစ်များ

E Matyu 3:6

Ngma veet ko kim tok, to nam kle kparrum mar orom E Nut ka munik kun mnam a ye to e Yodan ekam ko ngat mrua havae mang ngaro kerkeknen ma mmok.

E Luk 22:57

Vanangko e Pita ta klai mang te, “Kolkheng, kua havaeng yin te, klua mnor mang a mhel to endo e.”

E Yoanes 17:25

Ii, Titou, ilaro keknen ngat ho mi kut sir hak. Va pu lmien te, o mia ruk mo mmie ngat lo sia mnor mang in, vanang dok mruo kua mnor mang yin. Va endri kua ngarkie mang ngar, ngata mnor mang in kat te, her yindo yi mi meng dok ngte arhe.

O Aposel Ngaro Reha 19:18

Va si e Yesus karo mia mruo, endruk tesgun ngat kor mnam mar mang e Yesus he kmellot kar nga kerkeknen to kam kerngan rhek, ngta kol a re mang ngar tok kat, va kavurgem mnam mar ngta pis ma mmok he mrua havae mang ngar mruo orom ngaro kerkeknen

lRom 3:26

Vanangko tete mnam a venloot to enda, E Nut tmur el e Yesus ko pum mularo kerok tok kam ho mi kut khenam karo keknen ruk ngat ho mi kut sir hak ma mmok. Tikkiem tok, kmikkiem enang ko karo keknen ngta sir tok kat, he nang En kmimim kim o rhek ruk mang o mia ngaro kerkeknen kam sirim mar kam kle kmon mar la mmok ko pum kalo keik ekam ko ngat kor mnam mar mang e Yesus he kmokpom kar. He enang tok, her E Nut to arhe, Endo nam kaimim kim o rhek mang o mia, mar kam vle la mmok ko pum kalo keik vgum tok.

1Korin 1:9

He E Nut to tvaeng nguk kam mokpom kar Khal e Yesus Kristus to Ngoldaip tok, En tlo is hak kam hortgem ka papat to endo e.

1Korin 6:11

Tesgun akuruk mnam muk mut hera vle orom o kerkeknen ruk endruk tok arhe. Vanangko tete, mut lo kta vle enang tesgun kat e, ko E Nut ther momgol muk he. Ii, tesgun muta vle tok arhe, vanangko tete, mute ktua vle yok ge, ko E Nut thera kser o kerkeknen ruk endruk petgim muk hak, kmimim kim o rhek mang nguk pum mularo kerkeknen ruk endruk. Ii, E Nut teharom o reha ruk endruk ngang nguk tok, orom E Nunu A Totur, endo tmeng ngang nguk ko mut kor mnam muk mang Ngoldaip e Yesus Kristus ka munik he kmokpom kar.

lEpeses 5:26

Ii, e Yesus tmur en ka mur vok mruo kam yor tok, he nang ka ngaomevek kam vle ngang en mruo orom o keknen ruk o totur, ko ta parrum mar orom ka munik mruo he kmon mar la mmok hak ko pum kalo keik her gi vgum ko ngat kor mnam mar mang E Nut karo rhek ruk ngoma patter o mia ormar.

1Timoti 1:15

O rhek ri o minar ngaro kleim, mor kam ngarngar mang ngar lserppak va ngruaka kpom mar, ko ngta vle ti te: E Yesus To E Nut Thim Orom Ka Msasaen tpis enang a mi mhel mo pgegom o mia kam sulgim mar pum ngaro kerkeknen kam lol patgiang ngaiting he kikiangae mang ngar hak. He a mhel to tesgun o kerkeknen ngat ho mi kut el rengmat kun mnam, kir kim o mia tgus, her dok ta arhe.

E Taitus 2:14

Ko nguaro tutu ruk ngot elik ngang E Nut vgum nguaro kerkeknen, her e Yesus to tmur slak orom en mruo kam yor mang ngor arhe, kmel a ngaekam ekam mor orom ka vok mruo. Ii, tyor mang ngor tok, he kmomgol mor pum nguaro kerkeknen kmel mor kam mi ktua vle te, karo mia mruo ruk ngota vle ngang en mruo, he nang mor kam sovet kam svil kmeharom o keknen ruk lyar.

lHibru 10:23

Ii, va ekam ko e Yesus ta vle ngang ngor tok, va ngruak ho mi ktua ngarngar hak mang a papat to ngom her gia nho mkor E Nut mang he khavaeng o mia mang, endo kmen a ktalhok to kam plong vle ko kim En ngnik ngnik ngang ngor. Nang mguak or kam lopumtang mang a ktalhok to endo ngoma nho mkor E Nut kmen ngang ngor. Ii, ngruak ngarngar mang a papat to endo ekam ko E Nut to tel ka tnangal ngang ngor tok, nam lo gi vrong kaelel karo tnangal e. Nove, ner mia mitom mar koknaik yek.

lHibru 11:11

Ii, va e Ebrehem si en a ho hipun hak, va ktavlom tgia mait kat, vanangko E Nut tgi kaenserpagam en, he nang ktavlom kmel ka vrek mang en her gi vgum ko e Ebrehem tkor mnam en mang E Nut ka tnangal to tel ngang te, E Nut ka serppak tmi kut kais kam mitom ka tnangal to endo kmeharom gi enang ko thavae.

lHibru 6:10

Ii, kuaro papat ngta serppak mang nguk tok, ekam ko E Nut nam kaeharom o keknen ruk ngta sir ngang o mia tgus va tlo kais kam kikiangae mang mularo keknen ruk kmelongtok mang En, endruk mut her khenam mar ma mmok orom mularo reha ruk mum eharom mar ngang karo mia mruo tennik, va endruk mum kaeharom mar kngae tete kam turang ngar ormar.

1Yoanes 1:7

Vanangko enangthe mor tgus ngrua kle kaenang E Nut mruo kam her gi kael nguaro kerok mekam mekam mang o keknen ruk ngta mmok ko pum E Nut kalo keik ko En mruo ta mmok ormar tok, va ngruer kais kam kaum kmokpom mo kmor mekam mekam orom nguaro keknen ruk endruk tok kat. He enang tok, E Nut na her le kais kam momgol mor ko pum kalo keik pum nguaro gi vrong kerkeknen tgus mekam mekam vgum Khal e Yesus ka yor ko ka gidiel ta ksuk mang o mia tgus.

O Ngaelmir 15:3

Ngta sir ko tok, he ka kni orom a kni to e Moses kar Endo ta vle enang A Sipsip To A Sital nginta kni orom ko nginta kni pum E Nut te, “Ngoldaip, yindo La Ho Mi Kut Ngaurar Hak, ilaro reha ngat ho mi kut laut hak he o mia ngma sor kmar. Yindo a Taven to ima plong vle ngnik ngnik, va ilaro keknen ngta sir hak ko ngat ho mi kut vle gi enang ko yin mruo ye her mi kut el mar kam vle tok.