1Tesalonika 5:3 - E Nut Ka Meer Mang Ka Mokpom To A Gunngar

³ Ii, ko mnam a kolkha to endo, o mia ngara hivuo kam senker a re te, “Mnam a venloot to tete, mor kar nguaro imuo ngot sim ktua nho mo ngor he gi korsang longeik ka vle.” Ii, ngar sia senker a re to tok, vanangko a ho kernonhommok hak nera pis pangnaom mar kam rum kim mar hak. Ii, nera pis pangnaom mar, gi enang a kolkha tgi pis pangnaom a vlom to orom ka vrek ko kalyie tkaimim, en kam kol he. Ii, o mia ruk endruk ngara vle tok, he ngar ho lo kais hak kam mrua hong ngar pum a kernonhommok to endo.

1Tesalonika 5:3 ပူးပေါင်းရင်းမြစ်များ

E Matyu 23:33

Muk laro inkuol ruk mut ho mi kut kernonho hak! Muta pat re te, mguer kais kmehenam a kapnes to E Nut ta mon muk mang, endo kam ngam muk oguo kia paei to a vleir to ko mGehina?

E Yoanes 16:21

Ii, mguera vle enang a vlom to kalyie tkaimim, ko ta ker kol vgum a nganngannes, vanang a gi hi to nam re kol kalyie he, nam lo kta pat mang a nganngannes to enda kat e. Nam kle her gia sirei ko tgun kol kalyie he kngamkhor mang ka ngausie.

O Aposel Ngaro Reha 13:41

‘Vae, muk ruk muma kerrereng dok he khallam dok, mguera sor kim kua ngaeha to kua re kmeharom kun pgegom muk. Va si enangthe a mhel tang nap smia havaeng nguk mang te, ta mien, va mup le ho lua svil hak kmor mnam muk mang kat e. He ekam tok, mguer le ho kyor vgum mula kerkeknen to arhe!’”

2Tesalonika 1:9

Ii, E Nut ner kaenpasiker mar kmen a ho kapnes a ho lautar hak ngang ngar kam kering ngaro pkor kam ngae kngorom kngorom he. Ii, ko ner ho mia likim mar tgus hak petgim Ngoldaip mruo, mar kam lua vle ko kim En ngnik ngnik hak, he ho lo kta vokom ka serppak to a vu ngaurar hak kat e.

lHibru 12:23

Ii, muta mokpom kar E Nut he muta vle kat enangthe, mut her aol ngte kim E Nut ka ngaomevek to ta vle enang a mhel kalyie to a molpou ko E Nut ta kser a ken mang langto langto mnam mar kun mnam E Nut ka ngaomevek to endo he kaittiegom ka munik kun mnam ka meer to kuon ma volkha. Ii, muta vle enangthe mut her aol ngte kim E Nut arhe, Endo nera momngan kar o mia tgus mang ngaro kerkeknen. Mare, va muta mokpom kar E Nut he muta vle kat enangthe mut her aol ngte kim o nunu ruk mkor endruk E Nut ther tarkanang ka ngaeha orom mar ko ther mon mar la mmok ko pum kalo keik kat he.

2Pita 2:4

Ii, E Nut ner lo konit orom nga kapnes hak, ko mu vokom na, o ker engyel ruk ngat eharom o kerkeknen tennik, E Nut tlo mnang tang mnam mar hak kam lo kaen a kapnes ngang kat e. Nove! Ther kle va kaenpasiker mar tgus ko mnam a hengor to ogu mLol ku kia paei to a vleir. A mhe to endo, a mhe to a slommok alautar nma vle mnam, he ngar le ka vle ko tok kais mnam a kolkha to E Nut nera momngan kar mar kmen nga kapnes ngang ngar.