1Korin 9:12 - E Nut Ka Meer Mang Ka Mokpom To A Gunngar

¹² Ii, mguak kaeha vgum dok, gi enang ko muma vokom mulmialaol akuruk tok te, mguak kaeha vgum mar tok kat. Va enangthe muma vokom mar tok, va mgua kle ho gia vokom dok tok kat kir kim mar, kmeha vgum dok kat. Pu lmien te, ta sir te, mguak kaeha vgum dok tok, vanangko, klua svil hak kam sopong nguk hak kmeha vgum dok tok e. Parem ko, si o vrong vnek ngma kirpagis kim dok tok, vanangko kom kle kaenenker kmeha ge, matok nguak hover o rhek ruk mang kuaro vnek ruk enang tok, he khos kim a knovvur ko nguak kering o rhek ruk endruk mang Endo E Nut Thim Orom Ka Msasaen.

1Korin 9:12 ပူးပေါင်းရင်းမြစ်များ

E Luk 11:52

Ii, muk o pattermia kmo pos mguera kerkol a kapnes ko vgum E Nut tok, ekam ko muma hohos kim o papat ruk o minar mang E Nut ka tavgo he kavettom o mia ko ngma re kam kol. He ekam tok, muk kat mut mrua kavettom muk mruo enang tok kat arhe, he lua vaik ku meorom E Nut ka tavgo kat e.”

O Aposel Ngaro Reha 18:3

va ther gi kut ngaerkieng kat ko lomevek ri nginma kpom a ngaeha to kam vatvat o it kmeharom o rektor orom mar kat, gi enang ko en nam kaeharom mar tok kat. To ekam tok, ther gia vle ko kmin he kaeha kar min kat.

lRom 15:22

Ii, va a her gi ngaeha msim to kam havae mang a knovvur ko mo rengmat ruk yok arhe, nma hagam dok kam pis ngok kmuk tennik kam ngae kais mang tete.

1Korin 13:7

Ii, va si o vrong tgoluk ruk ngma kirpagis kim, vanangko nam kle kaenenker kmelongtok mang o mia ge, va nam mia kor mnam en mang o mia kam sir pekam mar, va nama serppak mang o mia ngaro rhek, va nama matnge vgum o vnek kmelongtok mang ngar kat ge.

1Korin 6:7

Ii, he ekam ko mum mo kael muk ruk mut kor mnam mar mang e Yesus ko kim endruk ngat lo kor mnam mar mang, mar kmikkiem o pos kam momngan kar muk ormar, va ta khenam muk ma mmok tok te, o kerkeknen ngat kir kim muk he, he vovoem muk tgus. Vanang her a keknen langto yok arhe, ta ya kmeharom, endo kam her gi kaennegiang ani vnek to hak he, ko a mhel na eharom a kerkeknen ngang nguk, i o ko nak uruvik mkor muk kat. Vanang ta kle ho mi ktua kernonho hak muk kmel muornopeik mruo ko kim o mia ruk ngat lo kor mnam mar mang e Yesus.

1Korin 9:14

He her gi enang tok kat, ko Ngoldaip ta ktar el ka re te, endo nma lol o rhek ko vgum endruk ngma havaeng ngar mang a knovvur, her endo arhe nak kaeha vgum endruk arhe.

1Korin 9:15

Pu lmien te, ta sir te, mguak kaeha vgum dok, vanangko ko ho lua svil kam sopong nguk kam vle kar muo tok e. Va klo kaittiegom kua hor ta kat te, kam nho orom muk kmelha pum a keknen to kmeha vgum muo kat e. Nove, ko ta ya ngang dok kam yor, vanang tlo vua ya hak ngang dok enangthe a knovvur na lo vua sap kun mnam muk, nang dok kam lo kais kam karmail mang nguk vgum tok e.

1Korin 9:16

Koma havaeng o mia mang a knovvur, vanang kom ho lo is hak kam karmail mang dok mruo pum kua ngaeha to endo tok e, ko her E Nut mruo arhe, Endo tmi kut el dok kam havaeng o mia mang a knovvur to endo. Parem ko suvrum dok he, enangthe kop lua havaeng o mia mang a knovvur ha.

1Korin 9:18

He ekam tok, kua ni keik to he? Kua keik ta vle ti te, dok kam gia havaeng o mia mang a knovvur, nang lua pat mang ngar kmenkim dok mang tok, he nang dok kam lua sopong ngar hak kmeha vgum dok mang kuaro reha ruk endruk ngang ngar.

1Korin 9:2

Pu lmien te, o mia akuruk ngma klai mang dok te, nong a mi aposel msim to dok, vanangko muk ruk mut kor mnam muk mang e Yesus mum kle va kvokom dok te, a mi aposel msim to dok. Ii, muma vokom dok tok, ko her muk ruk arhe muta vle te, a ngaelmir to ta khenam dok ma mmok te, Ngoldaip tmur el dok kam vle te, a mi aposel msim ko mut kor mnam muk mang e Yesus he kmokpom kar vgum kua ngaeha to endo kun mnam muk.

2Korin 11:12

Ii, va ngor kle kaeharom a keknen to endo mekam mekam tok kat ge, he muk kam lo kaenkim dok mang kua ngaeha gi enang tok arhe. Ii, ngor kaeharom tok, he nang dok kam kser o mia ruk ngma rere pum dok nga papat ka pun to ngma sir malpgem kam rere pum dok orom. Ko mar ngam vu sim ktua ring o mia kmel a papat mang ngar te, “Ngat vu kais mang dok va ngaro reha ruk kun pgegom muk ngat gi kaenang kuaro reha tok kat.” Ii kua svil kam kser a papat to endo orom kua keknen to tok, mar kam lo kat kais kam sir malpgem he mrua hover mar mruo orom tok kat.

2Korin 11:20

Ii, lmien te, endri ngam sia ptir ngang nguk kam krong mularo vorngap kmenpasiker muk va sia toot mularo leineik kam lol o tgol ekmuk, vanangko mum her kle gia tting mang ngar he ka mnang ngar kam vle ngang nguk tok ge. Va ngam si mrua kansgum mar mruo kmel nga laut mang nguk, va ngam sia pokpelam muk kat, vanangko si a gi vrong mhel tang mnam muk ko nam kaeharom tok ngang nguk, va muma tting mang en he ka mnang en kam koskalil orom muk tok kat ge.

2Korin 2:12

Nang tie ko kua ngae mTroas kam havaeng o mia mang a knovvur to orom e Seten ko Endo E Nut Thim Orom Ka Msasaen tkir kim, ko vokom ko Ngoldaip tkoregot kim dok kmeharom ka ngaeha to endo ko tok.

2Korin 6:3

Dok koma sovet kam mrua nho kun mnam dok, he nang dok kam lo kaeharom a kerkeknen tang hak ngang a mhel tang he en kam vuut vgum e. Koma vle tok, ekam ko kom lua svil o mia kam ngam o rhek kuon malpgem kua ngaeha kam ker rere pum tok.