1Korin 6:17 - E Nut Ka Meer Mang Ka Mokpom To A Gunngar

¹⁷ Vanangko endo na kle kmokpom kar Ngoldaip, tmi kut kaum ka vle atgiang kar en tok kat arhe orom E Nunu A Totur ko tel rengmat kun mnam.

1Korin 6:17 ပူးပေါင်းရင်းမြစ်များ

E Yoanes 3:6

Ii, ko a mhel to ta pal mnam knan ka ngausie ka pun vanie. Vanang a papat to a ngaenpaeir ta vle te, a mhel nak pal mnam E Nunu A Totur.

lRom 8:9

Vanangko muk ruk E Nunu A Totur nam kaenkrovgem muk kam kolkol ekam E Nut, her muk ruk arhe, mularo pkor ngaro svil ngam lo kat kais kmenen muk kam mrua ngam muk mruo ekam mar kmeharom o kerkeknen kat. Nove, ko E Nunu A Totur ther kle el rengmat kun mnam mularo vurkul he. Vanang endruk E Nunu A Totur tlo el rengmat kun mnam ngaro vurkul, mar ngam lua vle ngang Endo E Nut Thim Orom Ka Msasaen e.

1Korin 12:13

Ii, ngota vle tok, ekam ko mor tgus ngot parrur orom E Nunu A Totur ka munik ko en atgiang va ngota kaum ka vle kat te, e Yesus ka vok to atgiang tok arhe. Si mor o Yuda, i o o vrong rhek, i o endruk ngam kaeha ngang ngalmialaol ruk ngam kaenen mar, i o endruk nong ngalmialaol ruk ngam kaenen mar kmeha ngang ngar, va E Nut ten E Nunu A Totur ngang ngor tgus, en kmel rengmat kun mnam mor tgus he mor kam kaum ka ktal vgum en. He enang tok, ngota vle enangthe mor tgus ngot kaum kaivie mnam a kolhi atgiang to E Nunu A Totur tok.

1Korin 6:15

Mut lua mnor gi te, mularo pkor mruo ngma vle enang te, mar o mhetor akuruk kun mnam e Kristus ka vok ge? He ekam tok, mguak or kam kta ngam muk mruo ekam lraip ruk ngam mur kaenen ngakro pkor mruo kam kaum kar mar kam vret mar.

lGalesia 2:20

He ekam tok, ko mur kael kuaro keknen ruk tesgun ngang e Kristus. He ngat her kaum kyor kun mnam dok, gi enang ko en tyor kat. Ii, enang tok kom lo kat kaikkiem kuaro keknen mruo kat e. Vanangko her e Kristus to arhe tel rengmat kun mnam dok he ka khenam karo keknen mruo vgum dok tok. Ii, ko kua ngorsang to kom kaikkiem tete mo mmie, kom kaikkiem gi enang ko kom kor mnam dok mang E Nut Khal to nam kaelongtok mang dok he mur el En mruo kam yor mang dok.

lEpeses 5:30

Ii, lurokol mguak kaelongtok mang mulmialraip tok kat ko mor tgus ngot kaum ka vle te, e Yesus ka ngaomevek ko langto langto mnam mor ta vle te, e Yesus ka vok mruo ka mhe langto langto tok kat. Ii, a mhel na sim ktua kolkol ekam e Yesus kam smia nho mang ktavlom kmikkiem E Nut karo rhek ruk endri te,

lPilipai 2:5

Ii, mgua sim kael mularo papat kun mnam muk kmikkiem e Yesus kta papat mruo, ko En tsia vle te, Endo E Nut Thim Orom Ka Msasaen, vanangko te mrua krus orom En mruo kmikkiem enang ko o mia ngma kni orom te: