Mguak kaeharom gi enang tok kam kolkol ekam mu Teit kuon ma volkha ekam ko mu Teit nam kaeharom a kolkha kam nan kim o mia ruk ngat ho mi kut kernonho hak kar endruk lyar kat. Va nma meng a kus kmerik mang endruk ngam sim kut kaikkiem E Nut karo pos kar endruk ngam lo sim kut kaikkiem mar kat. Mguaka vle tok, he mguera vle enang E Nut kles ruk ngma kolkol ekam ngar Teit orom ngaro keknen tok.
1Korin 6:1 - E Nut Ka Meer Mang Ka Mokpom To A Gunngar1 Va muk ruk mnam e Yesus ka ngaomevek, enang ko tang mnam muk kaela ngang naka kser a vet kun pgegom en va kaela, va mum lua leep gi, ko nam kael kaela to endo ko kim endruk ngam lua kor mnam mar mang E Nut, mar kam momngan kar min, kam srim a vnek to endo? Nang kman ko nam lo kael kaela ko kim E Nut karo mia mruo ge? အခန်းကိုကြည့်ပါ။ |
1Korin 6:1
11 ပူးပေါင်းရင်းမြစ်များ
He ekam tok, enangthe e Dimitrias kar kalngunes ngaro rhek ngang ngar kar a mhel tang va ta ya te, ngar kam mia pis lsir ko kim lRom ngalaip kalkayie to e Galio ko her endo arhe nma nho mang a mmie ka mhe to enda. Va her en arhe tkais kam vongnek kim o rhek, ko tkorsang tete he, he kpaneng o mia. He ko tok ko kim e Galio ngat is kam mon min orom o rhek enang tok.
Ko kaittiegom kua hor ta ngang nguk ruk E Nut ka ngaomevek to ormuk ko tok mnam a rengmat ka pun to e Korin. Her muk ruk arhe E Nut tmur el muk kam vle ngang En mruo, ko mut kor mnam muk mang e Yesus te, her en arhe Endo E Nut Thim Orom Ka Msasaen he kmokpom kar. Ii, va her muk ruk E Nut ther vaeng nguk kat kam kolkol ekam En he ka vle la mmok ko pum kalo keik mruo. Va ko kaittiegom kua hor ta ngang o vrong mia tgus kat, endruk ngat kor mnam mar mang Ngoldaip e Yesus Kristus ka munik mnam a mmie karo mhetor tgus he kmokpom kar. Ii, endruk arhe ngat mon en te, Ngaldaip to en, gi enang mor ko ngot mon en kat te, Ngoldaip to en tok kat.
Mgua sim kut kaelel mo kmuk mruo he kolkol ekam E Nut mruo, muk kam koregot kim muk mruo tok, nang lua motavret orom o rhek ekam ko E Nut karo papat mruo ngam lua motavruru tok kat e. Nove, E Nut nam sim kut kaelel mo kim karo papat ha. Va mang mula mngan to mang lraip, kua havaeng nguk te, E Nut kakro ngaomevek tgus ruk orom karo mia mruo, endruk tmur el mar kam vle ngang En mruo, mar ngam kaum kam totu pum E Nut mnam ngarta rengmat mruo, nang lraip ngam lua rere he motavret orom o rhek e.
Mut hera mnor he mang e Stepanas ka valngan te, her mar ruk arhe a valngan to aktarang kun mnam o mia tgus ruk ko mnam a mhe to e Akaia kam pakvom kmor mnam mar mang e Yesus. He ngama vle pum a ngaeha to kmeha ngang o mia ruk E Nut tmur el mar kam vle ngang En mruo. He ko kaurur kim muk ruk koornopeik te,
Mu vokom na, o mia ruk ngat lo kor mnam mar mang e Yesus he lua vle kun mnam E Nut ka ngaomevek, mut ho lo is hak kam toop kim E Nut orom ka ngaeha to kam nho mnam mar kam monik kim a kapnes ngang ngar pum ngaro kerkeknen e. Nove. Ko her gi E Nut tuk to ka ngaeha mruo to arhe. Vanang endruk ngat kor mnam mar mang e Yesus he ka vle kun mnam E Nut ka ngaomevek msim, her mar ruk mgua smia nho mnam mar kam monik kim mar orom ngaro kerkeknen arhe. He ekam tok, mguak kaeharom muta ngaeha mruo to kam likim a mhel to endo petgim muk hak ko nam kaeharom a kerkeknen to endo.
ကြော်ငြာတွေ