1Korin 5:7 - E Nut Ka Meer Mang Ka Mokpom To A Gunngar

⁷ He ekam tok, mguak pet ke ngaor ke sie to endo, endo orom a kerkeknen to endo, he nang muk kam le kpis enang a bret to a gunngar, endo nop ke ngaor ke sie to endo ta vle kun mnam. Ko E Nut nam her gia vokom muk gi enang tok arhe. Ii, E Nut nma vokom muk tok vgum e Kristus, ko tpet mularo kerkeknen kuon mang nguk orom ka vok mruo to ta vle enang a sipsip to a sital, endo o Yuda ngam kaim kam mrua pet ngaro kerkeknen kuon mang ngar mruo orom tok kat. Ii, o Yuda ngam kaeharom tok, ko ngam kaem a pnes to ngma mon te, A Pnes To A Engyel Ngat Varpaam O Yuda Ngaro Molpou.

1Korin 5:7 ပူးပေါင်းရင်းမြစ်များ

E Matyu 13:33

To ta kta keknen ngang ngar orom a koka langto vat te, “E Nut to kuon ma volkha ka tavgo ta vle enang ko a vlom langto ta kol a bret ka mit to klalaut he kael ke ngaor to a yis kam movavaik kar. A yis ta movavaik kar he le ho kaeharom a bret ka mit kam himhim orom to a bret ta kle ho gia hibul hak vgum.”

E Mak 14:12

Kam ngae, to tie ma palngaem, o Yuda ngam kaem a pnes to ngma mon te, A Gi Bret. Vanang mnam a pnes to endo ngam kaim o sipsip ruk o sital kam mur kael pat kim mar mruo mang ko a engyel tvarpaam o Yuda ngaro molpou ruk tennik. To e Yesus kalngunes ngat kaol ngok kim to ka mnganang te, “Ngola, ya svil mang ngor kmelel mo kim o olngaemik mnam ani mhe to, yin kam kunngir kim a kolkha to A Engyel Tvarpaam O Yuda Ngaro Molpou?”

E Yoanes 1:29

To hop enang ngmo, e Yoanes ta vokom e Yesus ko tkaol ngok kim lsir, to ta re te, “Mu vokom a mhel to na, en tkaenang A Sipsip To A Sital To Kam Nngiar Ngang E Nut Orom. Ko en nak yor mang o mia tgus mo mmie ngaro kerkeknen, he ka gidiel na lul ormar, he nang E Nut kam lol patgiang ngaiting he kikiangae mang ngar hak.

E Yoanes 1:36

va kvokong e Yesus ko tkaol kre kotter mar, to e Yoanes ta le kta re te, “Mu vokom a mhel to na, en tkaenang A Sipsip To A Sital To Kam Nngiar Ngang E Nut Orom.”

E Yoanes 19:14

Vanang a kolkha to endo ta vle te, a kolkha to o Yuda ngam kaelel mo kim o tgoluk kam paneng a Sabat kam vuut. Va ketasuo en kam vuut her mi kut lsir kun pgegom o Yuda nga pnes to ngma mon te, A Engyel Tvarpaam O Yuda Ngaro Molpou. Vanang a kolkha ta sir vop, nang E Pailet tkorsang ko tok he kreng o Yuda te, “Yu! La taven to mkor muk lYuda ta he.”

lRom 3:25

Ii, her E Nut arhe, endo tmur el e Yesus ma mmok ko engnang a ho, en kmel ekmor kam mur en ka vok mruo kam yor he ka gidiel kam ksuk mang ngor, yek tngam menglol mnam E Nut ka vrek. He tete, E Nut ka vrek ner kaisis mang ngor enangthe ngop kor mnam mor mang e Yesus ka yor to orom ka gidiel tok he kmokpom kar. Ii, E Nut tmur kaen e Yesus ngang ngor, kmenkim mor tok, kam khenam ma mmok ngang o mia te, karo keknen ngat ho mi kut sir hak. Ko tennik kngae kais mang tete, E Nut tho lo gia prik mang a ngael resik kim mor pum nguaro kerkeknen. Tgi kaennegiang o mia ngaro kerkeknen ruk ngata ktar eharom mar tesgun he lo tutut kmoripang ngang ngar kmen a kapnes ngang ngar pum mar e.

1Korin 10:17

He ekam ko a bret to endo ta vle te, a bret to agitgiang tok, va si mor tgus, ko mor ngarlavurgem ngarlavurgem, vanangko mor ngot kaum kmokpom kar e Yesus he ka vle enang te, mor, ka vok to atgiang ruk mor tok kat, ekam ko ngom kaemik mnam a bret to agitgiang tok.

lEpeses 4:22

Mare, ko ngat patter muk te, kmel mularo yaik ngang mula ngorsang to tesgun he ksir petgim mularo pkor ngaro svil ruk ngam kaenen muk kmeharom o kerkeknen. Ko tesgun mum kaeharom mar ktar mang ko mut lo kor mnam muk mang e Yesus he kmokpom kar vop. Ii, ngruaro pkor ngaro svil ngma kauyang ngor he kle kering ngor orom nguaro sing ruk tok.

O Ngaelmir 5:12

Mar tgus ngat kaum ka kni klik pum A Sipsip To A Sital te, “A Sipsip To A Sital, her en tmi kut is arhe kam lol o mia ngaro rhek ruk ngta kanprim he ktotu pum en ormar. Ii, tmi kut is kam lol ngaro rhek ruk ngta kanprim en ormar mang ka serppak, karo vu tgoluk, karo vu papat, ka tavgo va ka mmok kat. He en her Endo ngat im kngam a yoror kat arhe.”