1Korin 4:11 - E Nut Ka Meer Mang Ka Mokpom To A Gunngar

¹¹ Ii, mum vua kekhet mor ruk o aposel tok, ekam ko tennik kam ngae kais mang tete, ngoma vle enang kelenar ruk o ol va o itok ngama tu kmor. Ii, va ngom lo kaegenkar o it ruk lyar va ngoma kerkolkol vgum o nganngannes ruk laol hak kat, endruk o mia ngma koskalil ormor ormar. Va nop o rektor ngang ngor kmonit kun mnam mar kat e.

1Korin 4:11 ပူးပေါင်းရင်းမြစ်များ

E Matyu 8:20

Va e Yesus tkoripang te, “O-o, yi her ketoptop kmikkiem dok he, ko si o pendol ngartaro nhotor ruk kmonit mnam mar, va o iningol ruk kuon kia gan ngaro ngainirik kat, vanang A Mhel To Nkong Man Ma Volkha nop ke vur ngaekam tang ngang, en kam vur konget ka sai e.”

O Aposel Ngaro Reha 14:19

Kam ngae, to o Yuda akuruk nkong ngar ko mAntiok va mIkoniam, ngta pagis he krere mnam a mumu kmit mar kam ru kim mar. To ngat kle klalaem e Pol to krasgum ngku mnok ma rengmat ko ngta pat re te, tyor he.

O Aposel Ngaro Reha 16:23

To koknaik ko ngat hera panaem min kam kirmekon a khap mnam min, ngat her le kael min maktiegom endo nma toot mang a hengor, en kmelegot kim min kun, nang en ngat reng lserppak te, en kam sim ktua toot mang ngin ko tok.

O Aposel Ngaro Reha 23:2

E Pol ta re tok, to o pris ruk laol ngalaip to e Ananais ta le kreng endruk ngta sir ko vanam e Pol, mar kam spom ka gu.

lRom 8:35

To tete, nop a tomhel tang hak to tkais kam sir malngaeng ngor kam kser mor petgim Endo E Nut Thim Orom Ka Msasaen to tkaelongtok mang ngor. Ii, o tgoluk ruk ngam kaegom mor ngat lo is e. O vnek ngat lo is kat e. O vokngnes ruk o mia ngma koskalil orom mor ormar kat ngat lo is kat e. O vang ngat lo is kat. Va kam vle a gimit mo mmie tlo is. Va kam vle ko ma kernonhommok ko ketasuo mor kam yor, va tlo is kat e. Va ko o mia ngat re kam krong ngor orom o komtok kat va ngat lo is kat hak. Ho nop hak.

1Korin 9:4

Ngola, klo kais gi kam vle enang o aposel akuruk kar Ngoldaip kaornopeik va e Sipas to e Pita kat, kam vaeng a vlom to tkor mnam en mang e Yesus kam vle mo kmok kat, en kam vle te, kotavlom? Va klo kat kais gi kmemik va kaivie ekmuk?

2Korin 11:20

Ii, lmien te, endri ngam sia ptir ngang nguk kam krong mularo vorngap kmenpasiker muk va sia toot mularo leineik kam lol o tgol ekmuk, vanangko mum her kle gia tting mang ngar he ka mnang ngar kam vle ngang nguk tok ge. Va ngam si mrua kansgum mar mruo kmel nga laut mang nguk, va ngam sia pokpelam muk kat, vanangko si a gi vrong mhel tang mnam muk ko nam kaeharom tok ngang nguk, va muma tting mang en he ka mnang en kam koskalil orom muk tok kat ge.

2Korin 4:8

Mu vokom na, o vnek ngarlavurgem ngam sia vanker dok, vanangko e Yesus nam lo korim o vnek ruk endruk kam vovoem dok he kngam dok e. Va kom ngae sia rute krute vgum mar he sia ngangam kim dok vgum mar kat, vanangko e Yesus nam lo korim mar kam rum kim dok kat e. Nove.

lPilipai 4:12

Ko mo kolkhek akuruk, ko kuaro tgoluk ngam sia tu kim dok he koma vang, vanangko kua vrek nam kut kaisis vgum E Nut ge. Va mo kolkhek akuruk yok ko kom si kais kmo tgoluk he kom kaemik kvi, vanangko kua vrek nam kut kaisis vgum E Nut tok kat ge. He her vgum tok, ko her kol a pat ko mkor E Nut te, enangthe o tgoluk ngap sia tu kim dok he kop sia vang, i o enangthe o tgoluk vang he kop sia vi, vanang kua vrek nam kaisis kun mnam dok vgum E Nut ge.

2Timoti 3:11

Mare, va im mur vokom o mia orom dok ko ngma kol a regesal mang dok ko mAntiok, ko mAikoniam va ko mListra, va ko koma kerkolkol vgum mar ko ngat el o vokngnes ngo mamten ngang dok. Ii, si o vrong vokngnes ruk endruk ko ngat kirpagis kim dok, vanangko koma matnge vgum mar kmeharom E Nut karo reha ge, he enang tok Ngoldaip tsulgim dok khong dok pum mar tgus.