1Korin 3:15 - E Nut Ka Meer Mang Ka Mokpom To A Gunngar

¹⁵ Vanangko enangthe a paei na rum kim karo papat ruk endruk, va a mhel to endo nera mot vgum a keik to endo. E Nut nera sulgim en ge, vanangko nera sulgim en pum a paei to endo tok, ko nak viging kmottek mnam.

1Korin 3:15 ပူးပေါင်းရင်းမြစ်များ

O Aposel Ngaro Reha 27:21

Kam ngae, to o mia ngat lo kaemik mo kolkhek kavurgem kat e. To e Pol ta hop ksir ko kim mor to khavaeng ngor te, “Vae! Kolenar, ko hera havaeng nguk he! Mup ngan vgum dok he lo parem a nut to e Krit va mup lua kol a vnek to enda e, va mup lua kering a langail va mularo tgoluk kat e.

O Aposel Ngaro Reha 27:44

Nang o mia akuruk ta le kreng ngar kam kol a ho ka vgon, i o a langail karo mhetor akuruk kam kikie mang ngar ngogun paat enang tok kat. Ngat kaeharom gi enang tok, to mar tgus ngat papagis ko paat nang tang mnam mar tlo ru e.

1Pita 4:18

Va “Enangthe ta koppet ngang endruk E Nut tmur mon mar la mmok ko pum kalo keik, he E Nut kam susulgim mar, va ner kle ho mi ktua kernonho hak ngang endruk ngat lo kor mnam mar mang E Nut, nang kle gia plong kaeharom o kerkeknen.”

2Yoanes 1:8

He ekam tok, kua havaeng nguk te, mgua ngangreal ngang nguk ko enangthe mgua lua toot mang nguk mruo enang tok tete, va mguera huo mang mularo singni koknaik. Vanang enangthe mgua sim ktua toot mang nguk mruo tete, va mguer ktua kol a ktalhok to muk mruo mut ktua prongyek ka psek kam ngarngar mang he kol ko mkor Ngoldaip.

E Yut 1:23

Nang endruk yok ngat re kam mrua ksir petgim E Nut he mur kael mar mruo ko ma kernonhommok he E Nut kam ngam mar kuo kia paei to a vleir tok, va mguak le smia patter mar orom E Nut kakro rhek kat, he nang o rhek ruk endruk kam kpom mar kmit mar petgim a paei to a vleir to endo, he nang muk kam susulgim mar tok. Va o mia akuruk yok, endruk ngma pi orom ngaro kerkeknen ruk ngam kottek kun mnam ngaro pkor ngaro sing ruk ngat ho mi kut kernonho hak, va mguak kle ka mrung ngar kat. Vanang ngaro kerkeknen ruk endruk, mguak kle kgorang ngar hak. Ko ngaro kerkeknen ruk endruk ngam sia vle enangthe ngaro gidiel ko ngta ksuk kuon mang ngaro it ruk kuo mang ngaro pkor he ngta hum, vanang o mia ruk endruk lsir mguak kle ka mrung ngar ge. Mguaka mrung ngar tok, vanang mguak gor kat, matok ngak kle kait muk he ka vraik orom muk kat, muk kmeharom o kerkeknen ruk endruk tok kat.

O Ngaelmir 3:18

ekam ko muma vle tok, kua havaeng nguk kam lol o papat ruk mang E Nut ko mkor dok, he nang muk kmis kam vle kia vul orom o papat ruk laol, gi enangthe mum kaenkim a kre to a gol ka mten to ngta mat a kre to ta movavaik kar a gol, he kyor o mi gol tuk. Kua havaeng nguk tok, he nang muk kam mmok, he nang muk kam vle kia vul orom o papat ruk laol tok kat. Va kua havaeng nguk kam lol o keknen ruk ngta mmok ko mkor dok kat, gi enangthe mum kaenkim o it ruk ngta kas. He enang tok, mguer kais kmegenkar kua yet to ka sgan kat, he nang muk kam lo kta leep kat pum mularo pkor ruk ngat gi mit. Va kua havaeng nguk kam sirsrim mularo kerok kam vokom E Nut, gi enangthe mum kaenkim a ku to kam vorang mularo kerok orom kam sirsrim mar tok kat.