Va enangthe tang mnam muk nak vang, va en naka ktar kaemik ko mrek na, yek le kpis kaum kar muk he kaemik mnam a ngaemik to endo, he nang E Nut kam lua monik kim a kapnes ngang en vgum ka kerkeknen to kam karpaam mnam a ngaemik tok. He mnam a kolkha to nguak pis ngok kmuk, ngor kle yek khoger kuaro papat kam keknen ngang nguk kngae orom o keknen akuruk mang a ngaemik to enda.
1Korin 16:3 - E Nut Ka Meer Mang Ka Mokpom To A Gunngar3 Mguak kaeharom tok, to nguak pis ngok kmuk, to endo yek, ngor kaittiegom o hor akuruk ngang lYerusalem, he nang o hor ruk endruk kam sir orom mularo mia mruo kam rere orom mar mang ko muk mruo mguaka tting mang ngar kam kol mula nngiar kam ngae kmen ngang lYerusalem. To ngora meng o mia ruk endruk orom ngaro hor ruk endruk kmen mula nngiar ngang ngar. အခန်းကိုကြည့်ပါ။ |
1Korin 16:3
8 ပူးပေါင်းရင်းမြစ်များ
Muta pat re te, ko gi kaittiek enang ti mnam kua hor ta ngang nguk kam gi mrua sir orom dok mruo kam rere orom dok mruo mang kuaro reha mruo he khover dok kam mur kaenserpagam dok mruo ko kim muk? O-o, nove! Ko her muk ruk arhe mut smia ring ge te, o hirtek kam sir orom ngaro mia mruo ko nglenar ngam kaittiegom o hor ngo mamten ngang nguk kam rere orom ngaro mia mruo ruk endruk mang ngaro reha kam havaeng nguk te, ngta tting orom ngarlenar ruk endruk ngaro reha, he nang mar kam kle kngae ka vle ngok kmuk. Va her muk ruk kat arhe mum kle ksir orom mularo mia mruo tok kat ko mum kaittiegom o hor ngo mamten ngang o hirtek ko mo rengmat oguo ogut kam rere orom mularo mia mruo mang ngaro reha tok kat kam kle khavaeng o hirtek ruk endruk te, muta tting orom mulenar mruo ngaro reha tok kat, he nang mar kam ngae ka vle ko kmar tok kat. Vanangko a hor ka mten to endo enang tok, nop ka ngaeha ngang, ngang dok e.
Ii, ko mar mruo ngat kle kaurur kim dok klik te, dok kam tting orom mar kat, he mar kam tuur mnam E Nut ka ngaeha to kam nngiar kmen o krek ngang o mia ruk ngata vle ngang E Nut mruo kam turang ngar tok. He enang tok, ngta mrua pat mang ngar mruo te, ngta lgekol ekam ko ngat kais kam nngiar ngang nglenar enang tok.
Yu, he E Nut ka ngaeha to ten ngang nguk, endo kam nngiar ngang o mia, e Taitus telha pum tiok he, kun pgegom muk. Va ko her kaurur kim en tete kmenserpagam muk kam tarkanang E Nut ka ngaeha to endo orom mula ngaeha to kam ktar kaum orom mutaro krek kun mnam muk mruo na. Ii, muk lKorin mut her elha pum E Nut ka ngaeha to endo tiok he, vanang tete mguak tarkanang he ka vle enang lMasadonia tok kat.
ကြော်ငြာတွေ