1Korin 16:24 - E Nut Ka Meer Mang Ka Mokpom To A Gunngar

²⁴ Va kua svil kam havaeng nguk te, kom kaelongtok mang nguk tgus ruk mut kor mnam muk mang e Yesus te, her en arhe Endo E Nut Thim Orom Ka Msasaen. Lmien!

1Korin 16:24 ပူးပေါင်းရင်းမြစ်များ

2Korin 12:15

He ekam tok, dok ta arhe ngora sirei hak kam mrua slak orom kuaro tgoluk tgus ngang nguk kam rum kim mar tgus, he nang dok kam kta lol muk petgim mar. Va dok kam si kael kua vok mruo ngang o mia mang nguk, mar kmim dok he krum kim dok kat, va ngora slak orom tok kat. Vanangko klua mnor, naka vle nngia ngang dok enangthe kopa pis ngok kmuk he ka vle kar muk tok kam khenam te, kome sei kmelongtok mang nguk, vanang muk mum kle va ho lua svil hak kmelongtok mang dok tok kat?

E Matyu 6:13

Va ngot kaurur kmin kat te, Yin kmenserpagam mor kat kam lo mrua ngam mor mruo ekam o ngaegom ruk ngak pis kim mor kat. Vanang ngiak kle va kpet mor petgim e Seten to tho mi kut kernonho hak. [Ngiak kaeharom tok ekam ko her Yindo arhe ima vle ngnik ngnik orom ila serppak kar ila mmok, va mor ruk ilaro mia ngoma vle ku meorom ila tavgo.]’

O Ngaelmir 3:19

Endruk kom kaelongtok mang ngar, her endruk koma palsie kim mar he ka psom mar enang ti arhe. He ekam tok, mguak kaegom mularo serppak tgus kmitgung mularo kerkeknen kmeknik ngte kim dok kam kta mokpom kar dok.

lPilipai 1:8

Ii! E Nut tkais kmommen dok ko kim mularo kerok kam khenam kuaro papat ma mmok te, kua vok nam vu kael ring nguk kmikkiem gi enang ko e Yesus To E Nut Thim Orom Ka Msasaen ka vok nam vu kael ring nguk tok kat.

2Korin 11:11

Mu vokom na, o pattermia la ppiagar kun mnam muk ngma mon ppiagam dok te, “Koma vle orom kua keknen to endo, ekam ko kom lo kaelongtok mang nguk.” Vanangko nove, kom lua tu kmeharom kua keknen to endo ekam ko E Nut ta kle ka mnor te, lmien te, kom vu kaelongtok mang nguk hak.

1Korin 16:14

nang kle kaeharom o keknen tgus ngang ngar ruk ngma khenam muk ma mmok te, mum kaelongtok mang ngar.

1Korin 14:16

He enangthe mupa kaum he gia rere orom a re langto yok ko mkor E Nunu A Totur kam kanprim E Nut orom tok, nang a mhel langto nap lua mmok mang E Nunu A Totur karo nngiar, napa vle kun pgegom muk va en tis nngia kmenserpagam mularo rhek ruk endruk kam re te, “Mar o minar?” Ko enangthe muk mruo mut lo is kam ngan a re tang ko o mia ngta kanprim E Nut orom, va en ner kais nngia kat?

E Matyu 28:20

Va mgua smia keknen ngang ngar kat kam vle pum o rhek tgus ruk ko her havaeng nguk orom mar. Ii, kua mien ngang nguk te, mguak kaeharom tok va ngora plong vle mo kmuk mekam mekam mo kolkhek tgus kam ngae kais mnam a kolkha to a kser kim.”

1Korin 16:23

Va koma ngarkie ngang Ngoldaip e Yesus kat te, en kam ring ya mang nguk mekam mekam.

2Korin 1:1

Vae, dok e Pol, a aposel to mkor e Yesus To E Nut Thim Orom Ka Msasaen, ko tmeng dok kam kol ka gu, kmikkiem gi enang ko E Nut mruo tmi kut svil mang dok kam kol ka gu tok. Va ngornopia to e Timoti, endo nam kaum kaeha kar dok ta vle mo kmok kat. Ko kaittiegom kua hor ta ngang nguk ruk E Nut ka ngaomevek to ormuk ko tok mnam a rengmat ka pun to e Korin. Va ko kaittiek ngang E Nut karo mia mruo akuruk kat, endruk kun mnam o marhok tgus ruk mnam a mmie ka mhe to e Akaia kat.