1Korin 15:6 - E Nut Ka Meer Mang Ka Mokpom To A Gunngar

⁶ To kopekam tok, tmur khenam En ma mmok ngang o mia akuruk ngat kais te, 500, endruk ngat kor mnam mar mang En he kaum ka vle ko mnam a mhe to atgiang. Vanang o mia kavurgem mnam mar ngta ktal ka vle tete vop. Gi akuruk mnam mar ngat her yor he.

1Korin 15:6 ပူးပေါင်းရင်းမြစ်များ

E Matyu 28:10

Va e Yesus thavaeng ngin te, “Meak or kam gor. Vanang meak kle kngae khavaeng kuaro mia kam ngae ngok mGalili ko ngara vokom dok ko tok.”

E Mak 16:7

Ii, mu or kam gia sir ko tok he kgor, vanangko mguak kle va kngae smia papsim kalngunes, va si e Pita kat, va mguak smia papsim te, ‘En nera ktar mang nguk kam ngae ngok mGalili. He her ko tok arhe mguer kta vokom kat, kmikkiem gi enang ko ta ktar mur havaeng nguk gi enang tok arhe.’”

O Aposel Ngaro Reha 13:36

Ii, mu vokom na, kun mnam a venloot to e Devit teharom o reha ruk E Nut ta svil en kmeharom mar, teharom mar knop, to hera yor. Tyor to klenar ruk kun mnam nga main to endo ngat eguyang ko vanam kaores kat va ka vok ta ngti ko pa nnak ge.

O Aposel Ngaro Reha 7:60

Tngarkie tok, to ktubulkek he kvui te, “Ngoldaip ngior kmel a mumgu tang ngang ngar ekam nga kerkeknen ta e.” Ta re tok knop, to hera yor.

1Korin 15:18

Va enangthe lmien te, Endo E Nut Thim Orom Ka Msasaen tlo hop petgim ka nnak, va nak mien kat te, o yoror ruk ngat kor mnam mar mang Endo E Nut Thim Orom Ka Msasaen he kmokpom kar mnam o kolkhek ruk ngma ktal ka vle vop, va ngat her mur im mar mruo pum ngaro papat ko ngat kor mnam mar mang En he kmokpom kar tok kat. He enang tok, E Nut tlo kat kais kam susulgim mar vgum o papat ruk endruk kat e.

1Korin 15:20

Parem ko, ta mien hak te, E Nut tmi hover Endo E Nut Thim Orom Ka Msasaen petgim ka nnak he, he Endo E Nut Thim Orom Ka Msasaen ta vle te, endo aktarang kun mnam o yoror kam hop petgim a nnak ko tpakvom a ngaeha to kam hop petgim ka nnak he. He enang tok, ta vle enangthe, E Nut ta hengrem ka loot to orom o yoror orom En ko thover tok arhe.

1Tesalonika 4:13

Koornopeik, klua svil mularo papat ruk mang endruk ngat her yor kam tu kim muk, he nang muk kam gia vle pum a keknen to kam ho vua sovet kam mrua mrung nguk mruo mang ngar, enang endruk ngat lua nho mkor E Nut kmen a ktalhok to kam plong vle ko kim En ngnik ngnik ngang ngar kat e.

1Tesalonika 4:15

Kua havaeng nguk tete orom Ngoldaip karo rhek ruk msim te, mor ruk ngot kor mnam mor mang en he lo yor vop, mnam a kolkha to na kat kaeknik mnam kpis mo mmie, ngot ho lo is hak kam ktar kngae ngoguon ma volkha ktar mang endruk ngat yor e.

2Pita 3:4

Ii, ngara pagis he ka klel orom muk ruk mut kor mnam muk mang e Yesus he kmokpom kar kam mngan pum muk te, “Endo muma paneng kpaneng ngnam e? Nok ka tnangal to tel mang en mruo te, en kmeknik tgi ppiak orom vor e! Ii, ngorores ngat yor he, he o tgoluk ngat gia vle enang tennik ko E Nut tkueng o tgoluk kat e, ko a volkha kar a mmie ngint pal kmis mang tete gi, nang en ngnam e?”