1Korin 15:1 - E Nut Ka Meer Mang Ka Mokpom To A Gunngar

^1-2 Va tete, koornopeik kua svil kmel pat kim muk mang a knovvur, endo ko her havaeng nguk mang tesgun, he mut her kol vgum dok he ka srim mularo ngorsang kuon malpgem kat. Ii, he E Nut ther susulgim muk her vgum a knovvur to endo kat arhe. Va nera susulgim muk kngae tok kat, enangthe mup smia kpom a knovvur to endo mekam mekam. Ii, mgua smia kpom o rhek ruk mang a knovvur to endo mekam mekam tok, matok mgua korim he mur kaim muk mruo pum mula papat to kam ksir pum a keknen to kmor mnam muk mang e Yesus.

1Korin 15:1 ပူးပေါင်းရင်းမြစ်များ

E Yoanes 12:48

Vanangko a mhel to nma keyang dok he lua ngan vgum dok, her E Titou arhe to ner mia momngan kar a mhel to endo kun mnam a kolkha to a kser kim. Va ner kaikkiem kuaro rhek ruk ko her rere ormar kam monik kim a yor ngang.

O Aposel Ngaro Reha 11:1

Ngat parrum e Kornelius mar tok, to o aposel kar endruk ngat kor mnam mar mang e Yesus he kmokpom kar ko mYudea tgus, ngat kol a re mang o vrong rhek te, si mar kat va ngat lol E Nut karo rhek to kle kor mnam mar mang e Yesus he kmokpom kar. Ngat kol a re to endo mang o vrong rhek tok,

O Aposel Ngaro Reha 2:41

E Pita ta re tok knop, to o mia ruk ngata ngan vgum e Pita karo rhek he kparrur ngta ngamkhor kar o aposel kun mnam a kolkha to endo. Va pathe mar ngat kais te, 3,000.

lRom 11:20

Pu lmien tok, vanangko E Nut ta kohet o Yuda ruk endruk, ekam ko ngat lo kor mnam mar mang e Yesus he kmokpom kar. Vanang muk ruk o vrong rhek, E Nut tle kpupam muk kam par mnam ka ho to endo, ekam ko her muk ruk arhe mut mi kor mnam muk mang En he kmokpom kar. He ekam tok, mguak or kam mrua hover muk mruo e. Parem ko, mguak kle va kgorang E Nut ha,

lRom 2:16

Ii, E Nut nera momngan kar o vrong rhek kmikkiem ngartaro keknen mruo tok, mnam a kolkha to nera mon o mia tgus orom ngaro kerkeknen ruk ngma tuvgom mar kim o mia. Va nera mon mar orom ngaro kerkeknen tgus her vgum e Yesus to E Nut Thim Orom Ka Msasaen. Ii, kua havaeng nguk tok, kmikkiem enang ko koma havaeng o mia mang a knovvur tok.

lRom 5:2

Ii, he ekam ko ngot kor mnam mor mang e Yesus he kmokpom kar, E Nut ther ring ya mang ngor tesgun he, orom en tok, gi enang ko tring ya mang ngor tete orom e Yesus tok kat. He enang tok, ngoma sirei mang a papat to ngoma sir kuon mang, endo kam nho mkor E Nut kmen a ktalhok to kam plong vle ko kim En ngnik ngnik ngang ngor ko ther mon mor la mmok ko pum kalo keik.

1Korin 16:13

To mgua smia toot mang nguk mruo he ksir kserppak orom mularo papat ruk kmor mnam muk mang e Yesus. Mguak serppak he lua gor. Ii, mguak rarppak kim o mia ruk ngat kaegom kam vraik orom muk,

1Korin 3:6

Ii, dok kua ngaeha ta vle te, kom gia ngamngam o rhek ruk mang E Nut kun mnam muk ruk E Nut ka loot he ka vle gi enang a mhel to ta ngamngam a ho ka khek ko ma loot tok kat. Va e Apolos en ka ngaeha te ktua vle ge te, en kmenserpagam kuaro rhek ruk endruk ngang nguk, he ka vle enang a kus to nam kaerik vgum a loot. Vanang her E Nut mruo to arhe, endo nma pavloum o mia ngaro papat ruk kmor mnam mar mang e Yesus, mar kam lalaut.

1Korin 4:15

Ii, pu lmien te, mularo mia ngarlavurgem ngarlavurgem, endruk ngama nho mang nguk pum mularo papat ruk kmor mnam muk mang e Kristus, vanangko tlua vle tok kat e, mang muortek. Nove, nong muortek ngarlavurgem tok e, ko her gi dok atgiang tuk to mu teit to dok, ekam ko ko pakvom kam patter muk mang a knovvur he, he mut kor mnam muk mang e Yesus he kmokpom kar vgum kuaro rhek ruk endruk mang tok.

2Korin 1:24

Vanang klua vle ngang nguk enangthe dok mula taven to koma sopong nguk kmikkiem kuaro rhek enangthe ko kais kmen a kapnes ngang nguk ko mum lua sir lserppak orom mularo papat ruk kmor mnam muk mang e Yesus he mokpom kar e. Nove. Parem ko, kua kle va kaum kaeha kar muk ha, kmenserpagam mularo papat ruk endruk, he nang muk kam sirei vgum mar, ekam ko, her vgum mutaro papat mruo ruk kmor mnam muk mang e Yesus he mokpom kar, mut kais kam ho gia sir lserppak.

1Tesalonika 1:6

Ii, mut vokong ngor orom nguaro keknen ruk tok, to le kolkol ekam mor kar Ngoldaip kat. Ii, o mia ngat ngae ho si kol a regesal mang nguk hak, vanangko mut her mi sirei ge kam ktua lol kuaro rhek ruk E Nunu A Totur thavaeng nguk ormar vgum dok.

1Tesalonika 2:13

Ii, va ngota kanprim E Nut mekam mekam mang nguk kat mang ko tie ko mut lol E Nut karo rhek ko vgum dok, mut lo lol enangthe, mar o rhek ruk ngat ottek ko vgum o gi vrong mia mo mmie e. Nove, mut lol enangthe, mar E Nut karo mi rhek mruo msim, endruk ngam kaeha kun mnam muk ruk mut kor mnam muk mang e Yesus he kmokpom kar. Ko lmien te, E Nut karo rhek, mar o minar gi enang ko mut lol mar enang tok arhe.

1Tesalonika 4:1

To tete, koornopeik kua svil kam havaeng nguk mang o papat akuruk na. Lmien mang nguk te, muma plong kaensireim E Nut orom mularo keknen ruk o mia ngma vokong nguk orom mar, gi enang ko ngot her patter muk kmensireim E Nut ormar enang tok tiok he. Vanangko tete, ko kta mnganang nguk kat ge he kaurur kim muk kam lua tu kmeharom o keknen ruk endruk, nang kle ho vua sovet kngae kmeharom akuruk kuon malpgem endruk mum kaeharom mar tete. Ii, ngot kaurur kim muk tok, ekam ko mut her kor mnam muk mang Ngoldaip e Yesus he kmokpom kar he.

2Tesalonika 3:6

Koornopeik, mor tgus ngot her kaum kor mnam mor mang Ngoldaip to e Yesus Kristus he kmokpom kar. He ekam tok, kua re lserppak ngang nguk orom ka munik te, mguak or kam kambis kar muornopeik tgus ruk o lo ehaneng, endruk ngaro ngorsang ngam lo kaikkiem kuaro rhek ruk mut her lol ko vgum dok e.

1Pita 5:12

E Silas to koma vokom te, konopia ko tkor mnam en mang e Yesus he kmokpom kar, en nam lo korim karo reha ruk ngang E Nut. Va en kat, ta turang dok orom ko ket hor ta. Ko dok ko gi vur ittiek ngang nguk tete orom he. Va kun mnam ko ke hor to enda ko her kaenkrovgem muk kam havaeng nguk lmien te, her a ktalhok to a mi minar to arhe, endo E Nut nma ring ya mang o mia orom. He mguaka kpom mekam mekam kserpgam.