1Korin 14:18 - E Nut Ka Meer Mang Ka Mokpom To A Gunngar

¹⁸ Kua kanprim E Nut mang dok mruo ko koma ngarkie orom a re langto yok kir kim muk tgus.

1Korin 14:18 ပူးပေါင်းရင်းမြစ်များ

1Korin 14:17

Pu lmien te, mut ho mi kut kanprim E Nut orom a re langto yok to endo tok, vanangko o mia akuruk ngat lo is hak kam kol a serppak vgum a re to tok e.

1Korin 14:19

Vanangko mnam o kolkhek ruk E Nut kakro ngaomevek ngama kaum kam totu pum En, ta ya dok kam vrua rere nong ke laut orom o rhek ruk o mia ngat kais kam ngannik kam smia keknen ngang ngar, nang tlo vu ya dok kam vua ngarkie orom a re langto yok kam hoger tok e.

1Korin 14:2

Ko endo tkol a nngiar to kam rere orom a re langto yok ko mkor E Nunu A Totur, nam lua rere ngang o mia mang E Nut orom a nngiar to endo e. Nove, nam kle krere ngang E Nut tuk ha. He o mia ngama ngan ka re to endo karo lolhok, vanang ngat lua mnor mang ka re to e, ekam ko nma rere ngang E Nut orom E Nunu A Totur karo rhek ruk ngta tvok kim o mia.

1Korin 14:4

Ii, endo nma rere orom a re langto yok, nam gi mur kaenserpagam en mruo tuk, vanang a propet to nma rere orom E Nut karo rhek nam kle kaenserpagam E Nut kakro ngaomevek tgus ormar tok.

1Korin 14:5

He ekam tok, pu lmien te, kua svil muk tgus kam kol a nngiar to kam rere orom a re langto yok, vanangko ko kle mi ktua svil hak te, muk kam kle kol a nngiar to kam vle te, a propet, endo kam rere orom E Nut karo rhek. Ko a propet to nma rere orom E Nut karo rhek, ka ngaeha to tok, ta laut kir kim a ngaeha to mkor endo nma rere orom a re langto yok. Vanangko gi enangthe a mhel napa rere orom a re langto yok, to kle khortgem karo rhek, he E Nut kakro ngaomevek kam kol a serppak vgum karo rhek ruk endruk tok, va a propet to endo ka ngaeha tlo laut kir kim a mhel to endo ka ngaeha e. Ngint mo iser min.

1Korin 4:7

Ii, ko anito kun mnam muk teharom muk, he mut laut kir kim mulenar? Va o ni nngiar ruk kat mut lo lol ko mkor E Nut? Va ekam ko mut her lol o nngiar tgus ko mkor E Nut tok, va kman ko mum mrua hover muk mruo pum mar, enangthe mut lol ekam mula serppak mruo, nang nong ekam E Nut?