He ekam tok, enangthe mula to endo napa vokom muk ko mum gi kut kaikkiem mularo papat to kmem o gi vrong relot, he mula keknen to endo tre kam hos kim mula to endo karo papat ruk telik ngang E Nut, va ta khenam te, mum lo sim kaelongtok mang mula to endo e. He ekam tok, mum si pat mang mula keknen to a yar te, o gi vrong relot ngat gia mmok, vanangko mguak kle kor kam kering muornopeik ngaro papat ruk ngat elik ngang E Nut orom mula keknen to a yar to endo kmemik tok. Ii, mguak or kam kering ngar tok, ekam ko her o mia ruk endruk e Kristus tyor mang ngar kat arhe.
1Korin 10:23 - E Nut Ka Meer Mang Ka Mokpom To A Gunngar23 Muk ruk mum mrua per orom muk mruo kam re te, “Ngot kais kmeharom o gi vrong keknen tgus,” va kua havaeng nguk te, pu lmien tok, vanangko o keknen akuruk ngat lo kais kmenserpagam mularo papat ruk mang e Yesus e. အခန်းကိုကြည့်ပါ။ |
1Korin 10:23
14 ပူးပေါင်းရင်းမြစ်များ
To koornopeik, mguak kan e? Pu lmien te, mnam o kolkhek ruk muma kaum kam totu pum E Nut, akuruk mnam muk ngma pis orom o vrong nngiar ruk mkor E Nunu A Totur, endruk endri te, endo kam kni, endo kam rere malpgem o mia kam patter mar, endo kam polger E Nut karo papat, endo kam rere orom a re langto yok, va endo kam hortgem a re to endo yok kat. Vanangko mguak kaeha orom mularo nngiar ruk endruk, va mguak kaeharom mar kam mi kut kaenserpagam E Nut ka ngaomevek ha.
Muk ruk mum mrua per orom muk mruo kam re te, “Ngot kais kmeharom o gi vrong keknen tgus,” kua havaeng nguk te, pu lmien tok, vanangko o keknen akuruk ngat lo kais kmenserpagam muk kam vaik kun mnam E Nut ka valngan to ka tavgo nma vle kuo mang ngar e. Ii, lmien te, “Ngot kais kmeharom o gi vrong keknen tgus,” vanangko dok mruo, ngor ho mi ktua sir lserppak kim o kerkeknen ruk ngam kaenen dok kmeharom mar ko ngat kaegom kmel rengmat kun mnam dok he ka kpom dok kserpagam dok.
Yu! Va kua le ka svil kmoripang mula mngan to mang a keknen to kmem o vothol ruk o mia ngat elik te, o nngiar ruk ngang o vrong kool. Kua svil kam rere mang a papat to endo ekam ko muk mum mrua prom muk mruo kam havae kmuk te, ‘Mor tgus ngot is kmo papat tgus kmem o vothol ruk arhe.’ Muk gi, muk gi. Pu lmien tok, vanangko dok, kua havaeng nguk te, mum gia lol o papat kam kle mrua per orom muk mruo orom mar tok, vanangko a gi keknen to kmelongtok mang o mia, her a keknen to endo arhe tkais kmenserpagam muk.
Pu lmien te, a papat to a minar ta vle tok, vanangko mgua mrua ngangreal ngang nguk, matok, mguak ngae kolaspa orom mula keknen to kmem o vothol ruk endruk he kering o mia akuruk yok ko ngaro papat ngat lo vua serppak mang e Yesus vop, he ngaro papat ruk kmor mnam mar mang e Yesus kam vuut ekam mula keknen to endo tok.
Mut kaeha kngae kam him kua hor ta he mut her kol ani pat to mang dok? Nok pathe mut kol a pat ta te, kua sir orom dok kam rere orom dok mruo kam totok mang dok mruo ko pum mularo kerok vor ngola? O-o, nove. Parem ko, dok kom kle krere kngae ko pum E Nut kalo keik ha, gi enang a mhel to ta smia mokpom kar e Kristus ko nak rere tok. Ii, kolenar ruk kom vu kaelongtok mang nguk mguak vokom kuaro rhek ri kun mnam kua hor ta te, o reha tgus ruk kom kaeharom mar, kom kaeharom mar her ngang nguk ruk arhe, kmenserpgam muk kmor mnam muk mang e Kristus he smia mokpom kar.
Va ngiak kaen a re lserppak ngang ngar, mar kam lo kta vle pum o mohoi va o ngothoi ruk mang ngaro pupnam ruk tennik tennik hak, ko o ngothoi ruk endruk nong ngaro kleim ngang ngar e. Ko ngam lo kaenpgam o mia kmeharom E Nut ka ngaeha to kmor mnam mar mang e Yesus he kmokpom kar e. Nove, o keknen ri ngam kle gi kaispgam o mokrur ha!
ကြော်ငြာတွေ