Mark 8:31 - Fangkenio Kkewe Faawu

³¹ Iwe Jesus a rhaepiy aan fenaiiur rhooan kkayeo kkewe naiun nge e iura pwe, “Minna Naiun Aeremas ina epwe kkaein aan affayeo nge epwe serhoawun me reer mwaaen kkewe aar, soamwooniir patere kkewe me sinsein anniug kkewe. Repwe niiy noa, nge mwirin eoniuraen nge epwe menaw sefaaen.”

Mark 8:31 ပူးပေါင်းရင်းမြစ်များ

Matthew 12:40

Epwe wunuunun rhag aaen Jonah no aegini eoniuraen me eoniupwoong noan upwaen erhai iig faeregit we, ina minne Naiun Aeremas epwe no eoniuraen me eoniupwoong noan faeinaengiy.

Matthew 21:42

Iwe, Jesus a aengaeniir, “Oawsaaen pwan aeraegi mwo meeta kkewe Pwapwior we e Santus e aepesa? ‘Fai we rhooan kaiu iimw re aerheei noa, nge faer ina fai we egin yor ipitan me mmwaen oanongan. Minneen nge feeoriaen Soamwoon, a inamwo amwaraeran nningen!’

Matthew 27:63

nge ra iura pwe, “Menap, aemaem aei maengiy rhag miniwe maan oatupwutupw naan igiwe e rhiuwen menaw e aepesa pwe, ‘Ipwe menaw sefaaen mwirin enuuw raaen.’

Mark 12:10

Oawsaaen aeraegi mwo kkepas e noan Pwapwior we e Santus? ‘Fai we rhooan kaiu iimw re aerheei noa, nge faer ina fai we egin yor ipitan me mmwaen oanongan.

Luke 17:25

Nge mmwan, ina epwe igin affayeo me serhoawun me reer aeremesaen raaennekkeei.

Luke 24:26

Pwe esoapw faer ieei wusun aaen Kristus waeiraes reen minikkeei weni mmwaen aan noa toonong noan minna nningen?”

Luke 24:44

Iwe a aengaeniir pwe, “Ikkeei minikkewe i fasiun aengaenigaemi oatowe i rhiuwen no reemi: oanongaen minikkewe effoat pwe wunuunuy noan Oasoapwosoapw we aaen Moses, me minikkewe foatogieer profeta kkewe, iwe me noan pwapwioron Psalms nge epwe nnet.”

John 12:48

Iyo kena rese aetiwaeyaei nge rese aetiwa mwaeniaei nge eno erhai ina epwe itto apwiungiiur. Iir ina repwe apwiung reen minikka petenaen mwaeniaei wooan minna oarosaen raaen!

John 2:19

Jesus a aengaeniir pwe, “Oaw oatoaropaetiw Temple eei, nge noan eoniuraen ipwe feeori sefaaeniy.”